ଜାମ୍ମୁକାଶ୍ମୀର ରାଜ୍ୟପାଳଙ୍କ ବଡ ବୟାନ ! କହିଲେ, ସବୁ ଆତଙ୍କୀ କ୍ୟାମ୍ପକୁ ଧ୍ୱଂସ କରାଯିବ , ଯଦି ଏହାପରେ ବି ନସୁଧୁରନ୍ତି ତେବେ ଘରେ ପଶିବୁ ଓ ମାରିବୁ
କନକ ବ୍ୟୁରୋ : ପାକ୍ ଅଧିକୃତ କାଶ୍ମୀରରେ ଭାରତୀୟ ସେନାର କାର୍ଯ୍ୟାନୁଷ୍ଠାନ ପରେ ବଡ ବୟାନ ଦେଇଛନ୍ତି ଜାମ୍ମୁକାଶ୍ମୀର ରାଜ୍ୟପାଳ ସତ୍ୟପାଳ ମଲ୍ଲିକ । ସବୁ ଆତଙ୍କବାଦୀ ଠିକଣାକୁ ଧ୍ୱସଂ କରାଯିବ ଏବଂ ଏହାପରେ ବି ନସୁଧୁରିଲେ ଆମେ ଭିତର ଯାଏଁ ପ୍ରବେଶ କରିବୁ ବୋଲି କହିଛନ୍ତି ରାଜ୍ୟପାଳ । ରବିବାର ଦିନ ଦୁଇ ଯବାନଙ୍କ ମୃତ୍ୟୁର ପ୍ରତିଶୋଧ ନେଇଛି ଭାରତୀୟ ସେନା । ପାକିସ୍ତାନର ଅସ୍ତ୍ରବିରତି ଉଲ୍ଲଂଘନର କଡା ଜବାବ ଦେଇଛି ଭାରତ । ନିୟନ୍ତ୍ରଣ ରେଖା ଆରପଟେ ପିଓକରେ ପ୍ରବଳ କ୍ଷୟକ୍ଷତି ଘଟାଇଛି ସେନା ।
Kanak News is now on WhatsApp
Join and get latest news updates delivered to you via WhatsApp
ପାକ୍ ଅଧିକୃତ କାଶ୍ମୀରରେ ୪ଟି ଆତଙ୍କୀ ଶିବିର ସହ ଏକାଧିକ ସେନା ଶିବିରକୁ ଟାର୍ଗେଟ ଉଡାଇ ଦେଇଛି ଭାରତୀୟ ସେନା । ୨୨ ଜଣ ଆତଙ୍କବାଦୀଙ୍କ ସହ ୫ ପାକ୍ ରେଞ୍ଜର୍ସଙ୍କ ମୃତ୍ୟୁ ହୋଇଥିବା ଜଣାପଡିଛି । ଶନିବାର ସଂଧ୍ୟାରୁ ନିୟନ୍ତ୍ରଣ ରେଖା ନିକଟରେ ଅସ୍ତ୍ରବିରତି ଉଲ୍ଲଂଘନ ଚଳାଇଛି ପାକିସ୍ତାନ । ପାକ୍ ରେଞ୍ଜର୍ସଙ୍କ ଗୁଳିମାଡରେ ତଙ୍ଗଧାର ସେକ୍ଟରରେ ଦୁଇ ଭାରତୀୟ ଯବାନ ସହିଦ ହୋଇଛନ୍ତି । ଜଣେ ସାଧାରାଣ ନାଗରିକଙ୍କ ମୃତ୍ୟୁ ହୋଇଛି । ଯାହାର କଡା ଜବାବ ଦିଆଯାଇଛି ।