ମହାକାଶରେ ପୁଣି ଏକ ନୂଆ ଇତିହାସ ରଚିବ ଭାରତ ! ଦୁଇ ବ୍ରିଟିଶ ଉପଗ୍ରହକୁ ମହାକାଶରେ ଅବସ୍ଥାପିତ କରିବ ଇସ୍ରୋ ।
କନକ ବ୍ୟୁରୋ : ମହାକାଶରେ ଭାରତ ପୁଣି ଏକ ନୂଆ ଇତିହାସ ରଚିବାକୁ ଯାଉଛି । ଭାରତୀୟ ଅନ୍ତରୀକ୍ଷ ଅନୁସନ୍ଧାନ ସଂଗଠନ ଇସ୍ରୋ ଆସନ୍ତାକାଲି ଦୁଇଟି ବିଦେଶୀ ଉପଗ୍ରହକୁ ମହାକାଶକୁ ପଠାଇବ । ଏଥି ପାଇଁ ପିଏସଲେଭି ରକେଟର ବ୍ୟବସାୟୀକ ଉତକ୍ଷେପଣ କରିବ ଇସ୍ରୋ । ପିଏସଏଲଭି ସି-୪୨ ଦୁଇଟି ବ୍ରିଟିଶ ଉପଗ୍ରହ ନୋବାସାର ଏବଂ ଏସ ୧-୪କୁ ପୃଥିବୀର କକ୍ଷପଥରେ ଅବସ୍ଥାପିତ କରିବ । ଶ୍ରୀହରିକୋଟାର ସତୀଶ ଧାବନ ମହାକାଶ ଉତକ୍ଷେପଣ କେନ୍ଦ୍ରରୁ ଏହି ଦୁଇଟି ବ୍ରିଟିିଶ ଉପଗ୍ରହ ପ୍ରେରଣ କରାଯିବ ।
Kanak News is now on WhatsApp
Join and get latest news updates delivered to you via WhatsApp
ନିଜସ୍ୱ ଜ୍ଞାନ କୌଶଳରେ ଏପରି ଏକ ବ୍ୟବସାୟୀକ ଉତକ୍ଷେପଣ କରିବା ସହ ଇସ୍ରୋ ନୂଆ ମାଇଲ ଖୁଂଟ ସୃଷ୍ଟି କରିବ । ପୂର୍ବରୁ ଭାରତ ୨୦୦୭ ମସିହାରେ ପ୍ରଥମ ଥର ପାଇଁ ବ୍ୟବସାୟୀକ ଭାବେ ଇଟାଲିର ଏକ ଉପଗ୍ରହର ଉତକ୍ଷେପଣ କରାଇଥିଲା । ବର୍ତମାନ ସୁଦ୍ଧା ଇସ୍ରୋ ମୋଟ ୨୮ଟି ଦେଶର ମୋଟ ୨୩୭ଟି ଉପଗ୍ରହ ମହାକାଶରେ ଅବସ୍ଥାପିତ କରାଇ ସାରିଛି । ତେବେ ପ୍ରତି ଥର ଇସ୍ରୋ ନିଜ ରକେଟର କ୍ଷମତା ଓ ଦକ୍ଷତାରେ ବୃଦ୍ଧି କରାଇ ଚାଲିଛି । ଏହା ସହ ଇସ୍ରୋର ଏହି କାର୍ଯ୍ୟକ୍ରମରୁ ଦେଶ ପାଇଁ ବିପୁଳ ପରିମାଣର ବିଦେଶୀ ମୁଦ୍ରା ଆସୁଛି ।