ଆଇନଷ୍ଟାଇନଙ୍କ ଠାରୁ ଅଧିକ ଜ୍ଞାନୀ ଭାରତୀୟ ଶିଶୁ । ପରୀକ୍ଷାରେ ବିଶ୍ୱରେ ସବୁଠୁ ଅଧିକ ନମ୍ବର ରଖି ଇତିହାସ ରଚିଲା ୧୦ ବର୍ଷର ମେହୁଲ ।
ପ୍ରସିଦ୍ଧ ବୈଜ୍ଞାନିକ ଆଲବର୍ଟ ଆଇନଷ୍ଟାଇନ ଓ ଷ୍ଟିପେନ ହାକିଙ୍ଗଙ୍କୁ ପଛରେ ପକାଇ ସାରା ବିଶ୍ୱରେ ଚମକ ସୃଷ୍ଟି କରିଛି ଭାରତୀୟ ବାଳକ । ବ୍ରିଟେନରେ ରହୁଥିବା ଭାରତୀୟ ମୂଳ ବାସିନ୍ଦା ବିଶିଷ୍ଟ ବୈଜ୍ଞାନିକ ଆଇନଷ୍ଟାଇନଙ୍କ ଠାରୁ ବେଶୀ ଜ୍ଞାନୀ ଓ ବୁଦ୍ଧିମାନ ବୋଲି ଜଣାପଡିଛି । ବ୍ରିଟେନରେ ରହୁଥିବା ଦଶବର୍ଷୀୟ ଶିଶୁ ମେନସା ଆଇକ୍ୟୁ ପରୀକ୍ଷାରେ ସବୁଠାରୁ ଅଧିକ ନମ୍ବର ରଖି ଏଭଳି ବିରଳ ସଫଳତାର ଅଧିକାରୀ ହୋଇପାରିଛନ୍ତି । ଗତ ଦଶନ୍ଧି ଧରି ନିୟମିତ ଚାଲିଥିବା ଏହି ପରୀକ୍ଷାରେ ସଫଳତା ପାଇଥିବା ବ୍ୟକ୍ତିଙ୍କ ମଧ୍ୟରେ ଭାରତୀୟ ବାଳକ ହେଉଛନ୍ତି ସବୁଠାରୁ ଛୋଟ ।
Kanak News is now on WhatsApp
Join and get latest news updates delivered to you via WhatsApp
ମାନଚିତ୍ରକୁ ନେଇ ହେଉଥିବା ପରୀକ୍ଷାରେ ମେହେଲୁ ଗର୍ଗ ତା ବଡଭାଇ ତଥା ୧୩ ବର୍ଷୀୟ ଧୃବ ଗର୍ଗ ସହ ପ୍ରତିଯୋଗିତା କରିବାକୁ ସମର୍ଥ ହୋଇଥିଲେ । ଧୃବ ଗତ ବର୍ଷ ସର୍ବାଧିକ ୧୬୨ ପଏଂଟ ରଖିଥିବା ବେଳେ । ମେହୁଲ ମଧ୍ୟ ତାଙ୍କ ଭାଇକୁ ପଛରେ ପକାଇ ଏହି ସଫଳତା ପାଇଁ ନିଜକୁ ସମର୍ଥ ବୋଲି ପ୍ରମାଣିତ କରିଥିଲେ । ମେହୁଲଙ୍କ ସମସ୍ତେ ସ୍ନେହରେ ମାହି ବୋଲି ଡାକନ୍ତି ।
ଛୋଟ ବେଳୁ ମାହି ପ୍ରତିଯୋଗିତାରେ ଭାଗନେବାକୁ ଅନେକ ଭଲ ପାଏ ବୋଲି ତାଙ୍କ ମାଆ ଦିବ୍ୟା କହିଛନ୍ତି । ଗତ ବର୍ଷ ତାଙ୍କ ବଡ ଭାଇ ଯେତେବେଳେ ସବୁଠାରୁ ଅଧିକ ନମ୍ବର ରଖିଥିଲେ ସେ ସେତେବେଳେ ତାଙ୍କ ସହ ଚ୍ୟାଲେଂଜ କରିଥିଲେ ।ଏବଂ ପରୀକ୍ଷାରେ ପ୍ରମାଣିତ କରିଦେଖଆଇଲେ ସେ ବି ବଡଭାଇ ଠାରୁ କୌଣସି ଗୁଣରେ କମ ନୁହେଁ ।
ସେହିପରି ଦକ୍ଷିଣ ଇଂଲଣ୍ଡର ବଏଜ ଗ୍ରାମର ସ୍କୁଲରେ ପଢୁଥିବା ଜଣେ ବାଳକ ୧୬୨ ନମ୍ବର ରଖି ମେନସା ସୋସାଇଟିର ସଦସ୍ୟ ହୋଇଛନ୍ତି ।ମେନସା ସୋସାଇଟି ହେଉଛି ପୃଥିବୀର ସମସ୍ତ ଶିଶୁଙ୍କୁ ନେଇ କରାଯାଉଥିବା ବୁଦ୍ଧିମାନ ପରୀକ୍ଷା ।