ଭାରତୀୟ ସେନା ଏବଂ ଆମେରିକା ସେନା ଏକ ସଙ୍ଗେ ଆସାମ ରେଜିମେଣ୍ଟ୍ ର ମାର୍ଚ୍ଚ ସଂଗୀତ “ବଦଲୁରାମ କା ବଦନ ଜମିନ୍ କେ ନିଚେ ହେ ଔର୍ ହମକୋ ଉସକା ରାସନ୍ ମିଲତା ହେ” ରେ ନାଚୁଥିବା ଏବଂ ଗାଉଥିବା ଦେଖିବାକୁ ମିଳିଛି । ଏହି ହୃଦୟସ୍ପର୍ଶୀ ଭିଡିଓ ଆମେରିକାର ମେକହାର୍ଡର ବେସ୍ ଲୁଇସ୍ ରେ ଦେଖିବାକୁ ମିଳିଛି । ଯେଉଁଠାରେ ଦୁଇ ଦେଶର ସେନା ସଂଯୁକ୍ତ ଯୁଦ୍ଧାଭ୍ୟାସ କରୁଥିବା ସମୟରେ ଏହି ଗୀତ ଗାଇ ଗାଉଛନ୍ତି । ୧୯୪୧ ରେ ପ୍ରସ୍ତୁତ ହୋଇଥିବା ଆସାମ୍ ରେଜିମେଣ୍ଟ୍ ର ଏହି ଗୀତ ସହିଦ୍ ବଦଲୁରାମ୍ ଙ୍କ ବୀରତାକୁ ଆଧାରିତ କରି ପ୍ରସ୍ତୁତ କରାଯାଇଥିଲା ଯାହା ମାର୍ଚ୍ଚ ସଂଗୀତ ଭାବରେ ଶୁଣିବାକୁ ମିଳୁଥିଲା ।
Kanak News is now on WhatsApp
Join and get latest news updates delivered to you via WhatsApp
#WATCH Indian and American soldiers sing and dance on the Assam Regiment’s marching song ‘Badluram ka badan zameen ke neeche hai’ during Exercise ‘Yudhabhyas’ being carried out at Joint Base Lewis, McChord in the United States of America pic.twitter.com/6vTuVFHZMd
— ANI (@ANI) September 15, 2019
କିଏ ବଦଲୁରାମ୍ , ଏବଂ ତାଙ୍କ ଉପରେ କାହିଁକି ଏଭଳି ସଂଗୀତ ପ୍ରସ୍ତୁତ କରାଯାଇଛି ?
ଭାରତୀୟ ସେନା ଏବଂ ସେନାର ଯବାନଙ୍କ ବାହାଦୁରିତାକୁ ନେଇ ଆପଣ ଅନେକ କାହାଣୀ ଶୁଣିଥିବେ । ଏଭଳି ଏକ ସତ କାହାଣୀ ହେଉଛି ବଦଲୁରାମଙ୍କର । ସେପ୍ଟେମ୍ବର ୨୩ , ୧୯୧୮ ବ୍ରିଟିଶ୍ ଇଣ୍ଡିୟାନ୍ ଆର୍ମିରେ ଥିବା ବଦଲୁରାମ୍ ପ୍ରଥମ ବିଶ୍ୱଯୁଦ୍ଧରେ ସହିଦ୍ ହୋଇଯାଇଥିଲେ । ତାଙ୍କ ବାହାଦୁରିତାର ଅନେକ କଥା ଶୁଣିବାକୁ ମିଳେ । ଆସାମ ରେଜିମେଣ୍ଟ୍ ର ମାର୍ଚ୍ଚ ସଙ୍ଗ୍ “ବଦଲୁରାମ୍ କା ବଦନ ଜମିନ୍ କେ ନିଚେ ହେ” ତାଙ୍କର ଏହି କଥାକୁ ବର୍ଣ୍ଣନା କରିଥାଏ । ଏହି ଗୀତରେ କୁହାଯାଇଛି ଯେ ବଦଲୁରାମ୍ ସହିଦ୍ ହେବା ପରେ ମଧ୍ୟ କ୍ୱାର୍ଟର ମାଷ୍ଟର ତାଙ୍କ ନାଁକୁ ହଟାଇ ନଥିଲେ । ଯେଉଁ କାରଣରୁ ଯବାନଙ୍କୁ ତାଙ୍କ ନାଁରେ ଖାଦ୍ୟ ପଦାର୍ଥ ମିଳିଥାଏ । ଏହି କାରଣରୁ ଯବାନମାନଙ୍କ ପାଖରେ ଏକମାସ ଭିତରେ ଅନେକ ଖାଦ୍ୟ ପଦାର୍ଥ ଠୁଳ ହୋଇଯାଇଥିଲା । ଏହି ସବୁ ଖାଦ୍ୟ ପଦାର୍ଥ ସେତେବେଳେ କାମରେ ଆସିଲା ଯେତେବେଳେ ଜାପାନ୍ ରେଜିମେଣ୍ଟ୍ ଆସାମକୁ ଘେରି ଦେଇଥିଲା ଏବଂ କେଉଁଠାରୁ ରାସନ୍ ସପ୍ଲାଇ ହେଉନଥିଲା । ଆସାମ୍ ରେଜିମେଣ୍ଟ୍ ଏହି ମାର୍ଚ୍ଚ ସଂଗୀତରେ ସହିଦ୍ ବଦଲୁରାମ୍ ଙ୍କୁ ଧନ୍ୟବାନ ଜଣାଇଥାନ୍ତି ।