ମୁଁ ଚୁପ ବସିବିନି… ହାଇକୋର୍ଟଙ୍କ ଦ୍ୱାରସ୍ଥ ହେବେ କହିଲେ ପରବିନ୍ଦର ପାଲ ସିଂହ । ଜାମିନ ନେଇ ପ୍ରଶ୍ନ ଉଠିବା ପରେ ୩ ଅଭିଯୁକ୍ତଙ୍କ ବିରୋଧରେ ଚାର୍ଜସିଟ ଦାଖଲ କଲା ପୁଲିସ
କନକ ବ୍ୟୁରୋ: ହାଇକୋର୍ଟ ଯିବେ ପରବିନ୍ଦର ପାଲ ସିଂହ । ଭୁବନେଶ୍ୱର ଲକ୍ଷ୍ମୀସାଗର ଆକ୍ରମଣ ଘଟଣାରେ ଆହତ ହୋଇଥିବା ପରବିନ୍ଦର ପାଲ ସିଂହ ହାଇକୋର୍ଟଟଙ୍କ ଦ୍ୱାରସ୍ଥ ହେବେ ବୋଲି କହିଛନ୍ତି । ରାତାରାତି ଅଭିଯୁକ୍ତଙ୍କୁ କେମିତି ଜାମିନ ମିଳିଲା ବୋଲି ସେ ପ୍ରଶ୍ନ ଉଠାଇବା ସହ ଅଭିଯୁକ୍ତଙ୍କ ବିରୋଧରେ ଠିକ୍ ଧାରା ଲାଗି ନଥିବା ସେ ଅଭିଯୋଗ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତେବେ ମାଡ଼ ମରାଯିବା ପରେ ସେ ଦେଇଥିବା ଏଫଆଇଆରରେ ଅନେକ କିଛି ଉଲ୍ଲେଖ କରିପାରିନଥିଲେ ବୋଲି ଆଜି କ୍ୟାମେରା ଆଗରେ କହିଛନ୍ତି ପରବିନ୍ଦର । ନିଜ ଅବସ୍ଥା ଠିକ ନଥିବାରୁ ସେତେବେଳେ ସେ ନିଜ କଥା ଲେଖି ପାରିନଥିଲେ । ଅନ୍ୟ ଜଣେ ଏଫଆଇଆର ଲେଖିଥିବାରୁ ମୋ ଇମୋସନ ଏବଂ ମୁଁ ଲେଖିବାକୁ ଚାହିଁ ନଥିବା କଥା ସେଥିରେ ଉଲ୍ଲେଖ ନଥିଲା ବୋଲି କହିଛନ୍ତି ପରବିନ୍ଦର ।
ସେପଟେ ଆଜି ୩ ଜଣ ଅଭିଯୁକ୍ତଙ୍କ ବିରୋଧରେ ଚାର୍ଜସିଟ ଦାଖଲ କରିଛି କମିଶନରେଟ ପୋଲିସ । ସିସିଟିଭି ଫୁଟେଜ, ସାକ୍ଷୀ ଓ ମେଡିକାଲ ରିପୋର୍ଟ ଆଧାରରେ ଚାର୍ଜସିଟ ଦାଖଲ କରାଯାଇଛି । ପୁଲିସ କମିସନରଙ୍କ ନିର୍ଦ୍ଦେଶ ଅନୁଯାୟୀ ୩ ଦିନ ଭିତରେ ଚାର୍ଜସିଟ୍ ଦାଖଲ କରିଛି ପୋଲିସ ।
ଅନ୍ୟପଟେ ଆଜି ପରବିନ୍ଦରଙ୍କ ସମର୍ଥନରେ ଖାରବେଳନଗର ଗୁରୁଦ୍ୱାର ନିକଟରୁ ଏକ କ୍ୟାଣ୍ଡେଲ ରାଲି କରିଛନ୍ତି ଶିଖ୍ ସମ୍ପ୍ରଦାୟର ଲୋକେ । ଶୋଭାଯାତ୍ରାକାରୀମାନେ ଅଭିଯୁକ୍ତଙ୍କ ବିରୋଧରେ ଆଇପିସି ଧାରା ୩୦୭ ଲାଗୁ କରିବା ସହ ପଗଡି ସେମାନଙ୍କ ଗାରିମା ବୋଲି ଲେଖାଥିବା ପ୍ଲାକାର୍ଡ ଧରି ଶୋଭାଯାତ୍ରା କରିଛନ୍ତି । ଆଇନ ଉପରେ ଭରସା ନଥିବାରୁ ଆଖିରେ କଳା ପଟି ବାନ୍ଧି ଥିବା ନେଇ ପରବିନ୍ଦରଙ୍କ ପତ୍ନୀ କହିଛନ୍ତି । ତେବେ ୧୦୦ ନମ୍ବରୁ ଫୋନ କରି ମୋ ସ୍ୱାମୀଙ୍କୁ ପ୍ରବଳ ପିଟା ଯାଇଥିବା କଥା କହି କାହା ଉପରେ ଭରସା କରିବା ବୋଲି ପ୍ରଶ୍ନ କରିଛନ୍ତି ପରବିନ୍ଦରଙ୍କ ପତ୍ନୀ ।