ପରାଜୟ ପରେ କାର୍ଯ୍ୟକର୍ତ୍ତାଙ୍କୁ କେଜରିୱାଲ୍ ପଚାରିଲେ “ହାଓ ଇଜ୍ ଦ ଜୋସ୍”? କହିଲେ ଲୋକସଭା ନହେଲେ ନାହିଁ ବିଧାନସଭା ନିର୍ବାଚନ ପାଇଁ ପ୍ରସ୍ତୁତ ହୁଅ ।
ଲୋକସଭା ନିର୍ବାଚନରେ ଜବରଦସ୍ତ ହାର ପରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ୍ ରବିବାର ହତୋତ୍ସାହିତ କାର୍ଯ୍ୟକର୍ତ୍ତାଙ୍କ ଭିତରେ ଜୋସ୍ ଭରିବାକୁ ଚେଷ୍ଟା କରିଥିଲେ । ସମ୍ବୋଧନର ପ୍ରାରମ୍ଭରେ ହିଁ କେଜରିୱାଲ୍ କାର୍ଯ୍ୟକର୍ତ୍ତାଙ୍କୁ ପଚାରିଥିଲେ, “ହାଓ ଇଜ୍ ଦ ଜୋସ୍” । ଏହା ପରେ ସେ କହିଥିଲେ ଜନତା ଦିଲ୍ଲ୍ୀ ସରକାରର ପ୍ରଶଂସା କରୁଛି । ମନଦୁଃଖ କରିବାର କୌଣସି ଆବଶ୍ୟକତା ନାହିଁ । ନିଜ କଲରକୁ ଉପରକୁ ଟେକି ଜନତାଙ୍କ ପାଖକୁ ଯାଅ ଏବଂ କୁହ ଲୋକସଭା ନିର୍ବାଚନ ଯାହା ହେଲା ହେଲା ଆଗକୁ ଦିଲ୍ଲୀ ବିଧାନସଭା ନିର୍ବାଚନ ଆସୁଛି । ଯେଉଁଥିରେ ଆପଣଙ୍କୁ ହିଁ ଭୋଟ୍ ଦେବାକୁ ପଡିବ ।
Kanak News is now on WhatsApp
Join and get latest news updates delivered to you via WhatsApp
ନ୍ୟୁଜ୍ ଏଜେନ୍ସି ପିଟିଆଇ ଅନୁସାରେ,ଦିଲ୍ଲୀର ପଞ୍ଜାବୀବାଗ୍ ସମ୍ମିଳନୀ ସମୟରେ କେଜରିୱାଲ୍ କହିଥିଲେ, ଗତ ବିଧାନସଭା ନିର୍ବାଚନରେ ଆପ୍ ପାର୍ଟିକୁ ୫୪ ପ୍ରତିଶତ ଭୋଟ୍ ମିଳିଥିଲା । ଏଥର ଏହି ରେକର୍ଡ ଭାଙ୍ଗିଯିବ । ସବୁ ଦୁଃଖ ଭୁଲି ନିଜ ମୁହଁରେ ହସ ରଖ । କେଜରିୱାଲ୍ କହିଥିଲେ, ମୋତେ ଦିଲ୍ଲୀର କିଛି ଲୋକ କହିଥିଲେ ଯେ ଏହି ନିର୍ବାଚନ ହେଉଛି ଦେଶର ବଡ ନିର୍ବାଚନ । ଦିଲ୍ଲୀର ଜନତା ଛୋଟ ନିର୍ବାଚନରେ ଆପଣଙ୍କ ସାଙ୍ଗରେ ଅଛନ୍ତି । ବିଧାନସଭା ନିର୍ବାଚନରେ ଏଠାକାର ଜନତା ଆପଣଙ୍କୁ ହିଁ ବିଜୟୀ ବନାଇବେ । ଲୋକସଭା ନିର୍ବାଚନ ବଡ ନିର୍ବାଚନ ଥିଲା ଏବଂ ନରେନ୍ଦ୍ର ମୋଦି ଏବଂ ରାହୁଲ୍ ଗାନ୍ଧିଙ୍କ ମଧ୍ୟରେ ଥିଲା । ଏହା କେଜରିୱାଲର ନିର୍ବାଚନ ନଥିଲା ।