ପାକିସ୍ତାନ ବିପକ୍ଷରେ ରୋହିତଙ୍କ ଶାନଦାର ଶତକ । ବିଶ୍ୱକପର ବଡ ଯୁଦ୍ଧରେ ପାକ୍ ବୋଲରଙ୍କୁ ନିର୍ଧୁମ ଛେଚିଲେ ହିଟମ୍ୟାନ୍ ।
କନକ ବ୍ୟୁରୋ : ମାଞ୍ଚେଷ୍ଟର ମୈଦାନରେ ରୋହିତ ‘ରାଜ୍’ । ପାକିସ୍ତାନ ବିପକ୍ଷରେ ହିଟମ୍ୟାନଙ୍କ ଦମଦାର ଶତକ । ଏହାସହ ଚଳିତ ବିଶ୍ୱକପରେ ଦ୍ୱିତୀୟ ଶତକ ହାସଲ କରିଛନ୍ତି ରୋହିତ । ଆଉ ଏହାସହ ଦିନିକିଆ କ୍ୟାରିୟରର ୨୪ ତମ ଓ ପାକିସ୍ତାନ ବିପକ୍ଷରେ ଦ୍ୱିତୀୟ ଶତକ ହାସଲ କରିଛନ୍ତି ରୋହିତ । ହିଟମ୍ୟାନଙ୍କ ଏହି ଶତକୀୟ ଇନିଂସରେ ୯ ଚୌକା ଓ ୩ ବିଶାଳ ଛକା ଦେଖିବାକୁ ମିଳିଥିଲା । ମୋଟ ୮୫ ବଲରୁ ଏହି ଦମଦାର ଶତକ ହାସଲ କରିଛନ୍ତି ରୋହିତ ।
Kanak News is now on WhatsApp
Join and get latest news updates delivered to you via WhatsApp
ଏହାପୂର୍ବରୁ ପାକିସ୍ତାନ ଟସ୍ ଜିତି ଭାରତକୁ ବ୍ୟାଟିଂ ପାଇଁ ଆମନ୍ତ୍ରଣ କରିଥିବା ବେଳେ ଦମଦାର ଆରମ୍ଭ କରିଥିଲେ ଦୁଇ ପ୍ରାରମ୍ଭିକ ବ୍ୟାଟସମ୍ୟାନ୍ ରୋହିତ ଓ ରାହୁଲ । ଉଭୟଙ୍କ ମଧ୍ୟରେ ଚଳିତ ବିଶ୍ୱକପର ଭାରତର ସର୍ବାଧିକ ଓପନିଂ ପାର୍ଟନରସିପ ଦେଖିବାକୁ ମିଳିଥିଲା । ୧୩୬ ରନ ପାର୍ଟନରସିପ ପରେ ପ୍ୟାଭିଲିୟନ ଫେରିଥିଲେ ରାହୁଲ । ତେବେ ଅନ୍ୟପଟେ ରୋହିତଙ୍କ ବ୍ୟାଟରୁ ଛକା ଓ ଚୌକାର ବର୍ଷା କମ ହୋଇନଥିଲା ।
ଶେଷ ରିପୋର୍ଟ ସୁଦ୍ଧା ଭାରତ ୩୬ ଓଭରରେ ଗୋଟିଏ ୱିକେଟ ବିନିମୟରେ ୨୧୫ ରନ କରିଛି ଟିମ୍ ଇଣ୍ଡିଆ । ଅଧିନାୟକ ବିରାଟ କୋହଲି ୩୩ ବଲରୁ ୨୬ ଓ ରୋହିତ ୧୦୫ ବଲରୁ ୧୨୬ ରନ କରି ଅପରାଜିତ ରହିଛନ୍ତି । ଆଉ ଏହାସହ ଏକ ବଡ ସ୍କୋର ଅଭିମୁଖେ ଗତି କରୁଛି ବିରାଟ ବାହିନୀ ।