ବାଇକ ଓ କାରରେ ଲଗାଇ ଦିଅନ୍ତୁ ହାଇ ସିକ୍ୟୁରିଟି ନମ୍ବର ପ୍ଲେଟ ! ନଚେତ ଜରିମାନା ସହ ଯିବାକୁ ପଡିବ ଜେଲ
ରାଜଧାନୀ ଦିଲ୍ଲୀ ବାସିନ୍ଦାଙ୍କ ବଡ ଖବର । ଖାସକରି ଯେଉଁମାନଙ୍କ ନିକଟରେ ବାଇକ ଓ ଚାରି ଚକିଆ ଯାନ ରହିଛି । କାରଣ ଯେଉଁ ଲୋକଙ୍କ କାର କିମ୍ବା ବାଇକରେ ହାଇ ସିକ୍ୟୁରିଟି ନମ୍ବର ପ୍ଳେଟ ଲଗାଯାଇନାହିଁ ସେମାନଙ୍କ ଉପରେ ଦୃଢ କାର୍ଯ୍ୟାନୁଷ୍ଠାନ ନେବ ପରିବହନ ବିଭାଗ । ଅଥାର୍ତ ଯେଉଁ ଲୋକମାନଙ୍କର ଗାଡିରେ ହାଇ ସିକ୍ୟୁରିଟି ନମ୍ବର ପ୍ଲେଟ ନଥିବ କିମ୍ବା ଯେଉଁମାନେ ଏହି ନିୟମ ପାଳନ ନ କରିବେ ସେମାନଙ୍କଠାରୁ ଜରିମାନା ଆଦାୟ କରାଯିବ ଏପରିକି ଆବଶ୍ୟକସ୍ଥଳେ ନିୟମ ଉଲ୍ଲଂଘନକାରୀଙ୍କୁ ଜେଲ ମଧ୍ୟ ପଠାଯିବ । ତେଣୁ ଏବେଠାରୁ ଏନେଇ ସାବଧାନ ହୋଇଯାଆନ୍ତୁ ।
Kanak News is now on WhatsApp
Join and get latest news updates delivered to you via WhatsApp
ଯଦି ଆପଣ ନୂଆ ବାଇକ କିମ୍ବା କାର କିଣୁଛନ୍ତି ତେବେ ଏନେଇ ଚିନ୍ତା କରିବାର ଆଦୌ ଆବଶ୍ୟକତା ନାହିଁ । କାରଣ ଏବେ ଆସୁଥିବା ଗାଡି ଗୁଡିକ ହାଇ ସିକ୍ୟୁରିଟି ନମ୍ବର ପ୍ଲେଟ ସହ ଆସୁଛି । ତେବେ ପୁରୁଣା ଗାଡି ଗୁଡିକର ନମ୍ବର ପ୍ଲେଟ ବଦଳାଇବା ପାଇଁ ଅକ୍ଟୋବର ୧୩ ଡେଡଲାଇନ ରହିଛି । କିନ୍ତୁ ନମ୍ବର ପ୍ଲେଟ ବଦଳାଇବାର ପ୍ରକ୍ରିୟା ଆଗାମୀ ମାସ ୨ ତାରିଖରୁ ଆରମ୍ଭ ହେବ ।
ପୁରୁଣା ନମ୍ବର ପ୍ଲେଟ ବଦଳାଇବା ପାଇଁ ୧୩ଟି କେନ୍ଦ୍ର ଖୋଲାଯିବ । ଆଉ ଏହି କେନ୍ଦ୍ରରେ ଗାଡି ଚାଳକ ପହଞ୍ଚି ନମ୍ବର ବଦଳାଇପାରିବେ । ପରିବହନ ବିଭାଗର କହିବା ଅନୁଯାୟୀ, ଭିଡକୁ ଦୃଷ୍ଟିରେ ରଖି ନମ୍ବର ପ୍ଲେଟ ବଦଳାଇବା ପାଇଁ ଏକ ସଫ୍ଟୱେୟାର ପ୍ରସ୍ତୁତ କରାଯାଇଛି । ଏହା ଜରିଆରେ ଲୋକମାନେ ଅନଲାଇନରେ ନମ୍ବର ପ୍ଲେଟ ବଦଳାଇବାକୁ ଆବେଦନ କରିପାରିବେ । ଏହା ପରେ ପରିବହନ ବିଭାଗ ପକ୍ଷରୁ ଗାଡି ଚାଳକଙ୍କ ନମ୍ବର ବଦଳାଇବାକୁ ତାରିଖ ଓ ସମୟ ଦିଆଯିବ । ଆଉ ସେହି ସମୟରେ ଗାଡି ଚାଳକ ପହଞ୍ଚି ନମ୍ବର ପ୍ଲେଟ ବଦଳାଇପାରିବେ । ଦୁଇ ଚକିଆ ନମ୍ବର ପ୍ଲେଟ ବଦଳାଇବା ପାଇଁ ୬୭ ଟଙ୍କା ଓ ଚାରି ଚକିଆ ଯାନ ପାଇଁ ୨୧୩ ଟଙ୍କା ଫିସ୍ ଦେବାକୁ ପଡିବ ।
ଯଦି ଡେଡଲାଇନ ପରେ ଗାଡିରେ ହାଇ ସିକ୍ୟୁରିଟି ନମ୍ବର ପ୍ଲେଟ ନଥାଏ ତେବେ ଚାଳକଙ୍କ ଠାରୁ ୫୦୦ ଟଙ୍କା ଜରିମାନା ଆଦାୟ କରାଯିବ । ଏପରିକି ୩ ମାସ ପାଇଁ ଜେଲଦଣ୍ଡର ମଧ୍ୟ ବ୍ୟବସ୍ଥା ରହିଛି । ତେବେ ଲୋକମାନଙ୍କୁ ଜଣାଇବାକୁ ଏନେଇ ବିଭିନ୍ନ କାର୍ଯ୍ୟକ୍ରମ ମାଧ୍ୟମରେ ସଚେ ତନ କରାଯିବ ।