ଓଜନ କମାଇବା ପାଇଁ ଖାଆନ୍ତୁ କିସମିସ୍ ! ନଜର ପକାନ୍ତୁ ଏହାର ଉପକାରୀତା ଉପରେ
ଡ୍ରାଏ ଫୃଟସ୍ ପସନ୍ଦ କରୁଥିବା ଲୋକଙ୍କ ପାଇଁ କିସମିସର ଚାହିଦା ବହୁତ ଅଧିକ ରହିଥାଏ । ଅପେକ୍ଷାକୃତ ଭାବରେ ଅଲଗା ଡ୍ରାଏ ଫୃଟସ୍ ମାନଙ୍କ ତୁଳନାରେ କିସମିସ ଅପେକ୍ଷାକୃତ ଶସ୍ତା ରହିଥାଏ । କିସମିସରେ ଏମିତି କିଛି ଉପାଦେୟତା ରହିଛି ଯାହା ପ୍ରାୟତଃ ବହୁତ ଲୋକଙ୍କୁ ଜଣା ନଥାଏ ।
Kanak News is now on WhatsApp
Join and get latest news updates delivered to you via WhatsApp
କିସମିସରେ ଥିବା ଚିନି ଅଂଶ ଶୀଘ୍ର ଶରୀରରେ ହଜମ ହୋଇଯାଇଥାଏ, ତେଣୁ ଏହାକୁ ବ୍ୟବହାର କରିବା ଦ୍ୱାରା ଶରୀରକୁ ବହୁ ପରିମାଣରେ ଶକ୍ତି ମିଳିଥାଏ । କିସମିସରେ କଲୋଷ୍ଟ୍ରଲର ପରିମାଣ ବହୁତ କମ ରହିଥାଏ ତେଣୁ ହାର୍ଟ ଥିବା ରୋଗୀଙ୍କ ପାଇଁ ମଧ୍ୟ ଏହା ବହୁତ ଉପକାରରେ ଆସିଥାଏ ।
ଦୈନନ୍ଦିନ ଆମେ ଯଦି କିସମିସର ବ୍ୟବହାର କରିବା ଏହାଦ୍ୱାରା ଶରୀରରେ ହଜମ ଶକ୍ତି ବଢିଥାଏ । ପେଟ ସମସ୍ୟା ଥିବା ବ୍ୟକ୍ତିଙ୍କୁ ପ୍ରତିଦିନ ପାଂଚରୁ ଛଅଟି କିସମିସ ଖାଇବା ଦରକାର । କିସମିସକୁ ରାତିରେ ପାଣିରେ ଭିଜାଇ ତାକୁ ସକାଳୁ ଖାଇଲେ ଏହା କାମ କରିଥାଏ ।
କିସମିସରେ କ୍ୟାଲସିୟମର ମାତ୍ରା ଅଧିକ ରହିଥାଏ ଯାହାକି ହାଡକୁ ମଜବୁତ୍ କରିଥାଏ । ଏଥିସହିତ ଏହା ଚିନିର ବିକଳ୍ପ ଭାବରେ ମଧ୍ୟ କାମ କରିଥାଏ ।
ମିଠା କାହାକୁ ବା ଭଲ ନ’ଲାଗେ । କିନ୍ତୁ ଅଧିକ ପରିମାଣରେ ଆମେ ଯଦି ମିଠା ଖାଇବା ମୋଟା ହେବାର ଡର ରହିଥାଏ । କିସମିସ ପ୍ରାକୃତିକ ଚିନି ଭଳି କାମ କରିଥାଏ, ଏହା ଖାଇବା ପାଇଁ ସୁଆଦିଆ ହେବା ସହିତ ଶରୀରରେ ପିଏଚର ସ୍ତରକୁ ଠିକରେ ନିୟନ୍ତ୍ରିତ ରଖିବାରେ ସାହାଯ୍ୟ କରିଥାଏ ।