ବୟସର ୫୪ ତମ ପାହାଚରେ ପାଦ ଥାପିଲେ ସୁପରଷ୍ଟାର୍ କିଙ୍ଗ୍ ଖାନ୍ ! ପର୍ବ ପାଳୁଛନ୍ତି ପ୍ରଶଂସକ , ସୋସିଆଲ୍ ମିଡିଆରେ ଛୁଟୁଛି ପ୍ରଶଂସାର ସୁଅ ।
ବୟସର ୫୪ ଟି ପାହାଚରେ ପହଁଚିଲେ ବଲିଉଡର ସୁପରଷ୍ଟାର ଶାହାରୁଖ ଖାନ୍ । ଆଜିର ଦିନ ତାଙ୍କ ପ୍ରଶଂସକ ମାନଙ୍କ ପାଇଁ କୌଣସି ପର୍ବଠାରୁ କିଛି କମ୍ ନୁହେଁ । ଜନ୍ମଦିନ ଅବସରରେ ସୋସିଆଲ ମିଡିଆ ମାଧ୍ୟମରେ ତାଙ୍କ ପାଖକୁ ଶୁଭେଚ୍ଛାର ସୁଅ ଛୁଟୁଛି । ଘନିଷ୍ଠ ବନ୍ଧୁ କରନ ଜୋହର ନିଜ ଇନଷ୍ଟାଗ୍ରାମ ଆକାଉଣ୍ଟରେ ହୃଦୟସ୍ପର୍ଶୀ ଶୁଭେଚ୍ଛା ଜଣାଇଛନ୍ତି ଓ ଆୟୁଷ୍ମାନ ଖୁରାନା ଟ୍ୱିଟର ଦ୍ୱାରା ଶୁଭେଚ୍ଛା ଦେଇ ଲେଖିଛନ୍ତି “ସପନେ ଦିଖାନେ କେ ଲିୟେ ସୁକରିୟା ପ୍ୟାର ମେଁ ୟକିନ ଦିଲାନେ କେ ଲିୟେ ସୁକରିୟା । ଆପକା ଜବ୍ରା ଫ୍ୟାନ ।”
Kanak News is now on WhatsApp
Join and get latest news updates delivered to you via WhatsApp
ଖାନ ତାଙ୍କ ୨୫ ବର୍ଷ ବଲିଉଡ କ୍ୟାରିଅର୍ ଭିତରେ ୮୦ ଟି ଫିଲ୍ମ କରିଛନ୍ତି । ସେ ୨ ନଭେମ୍ବର ୧୯୬୫ ରେ ନୂଆଦିଲ୍ଲୀ ଠାରେ ଜନ୍ମଗ୍ରହଣ କରିଥିଲେ । “ବାଦଶାହା ଅଫ ବଲିଉଡ”, “କିଙ୍ଗ ଅଫ ବଲିଉଡ”, “କିଙ୍ଗ ଖାନ” ଏହି ପରି ଅନେକ ନାଁରେ ଦର୍ଶକଙ୍କ ଗହଣରେ ସେ ପରିଚିତ । ୧୯୯୧ ରେ ଶାହାରୁଖ ଗୌରୀ ଖାନଙ୍କୁ ବିବାହ କରିଥିଲେ । ସେ ତାଙ୍କ ଫିଲ୍ମ କ୍ୟାରିଅର୍ ଭିତରେ ୧୪ ଟି ଫିଲ୍ମଫେୟାର ଆୱାର୍ଡ ପାଇଛନ୍ତି । ଭାରତ ସରକାରଙ୍କ ଦ୍ୱାରା ପଦ୍ମଶ୍ରୀ ସମ୍ମାନରେ ମଧ୍ୟ ସମ୍ମାନିତ ହୋଇଛନ୍ତି ।
୧୯୯୨ ମସିହାରେ ବାଦଶାହା ବଲିଉଡରେ ଡେବ୍ୟୁ କରିଥିଲେ । ତାଙ୍କ ସୁପର ଡୁପର ଫିଲ୍ମ ମଧ୍ୟରୁ ‘ବାଜିଗର’ (୧୯୯୩), ‘ଦିଲୱାଲେ ଦୁଲହନିଆ ଲେ ଜାଏଙ୍ଗେ’ (୧୯୯୫), ‘ଦିଲ ତୋ ପାଗଲ ହେ’ (୧୯୯୭), ‘କୁଛ କୁଛ ହୋତା ହେ’(୧୯୯୮), ‘ମୋହବତେଁ’(୨୦୦୦), ‘କଭି ଖୁସି କଭି ଗମ’(୨୦୦୧) ଓ ‘ଦେବଦାସ’(୨୦୦୨) ଏପରି ଅନେକ ଫିଲ୍ମ ବକ୍ସ ଅଫିସରେ ହିଟ କରିଥିଲା । ୨୦୧୫ ମସିହାରେ ରେଡ ଚିଲି ଇଣ୍ଟରଟେନମେଣ୍ଟପ୍ରଡକ୍ସନର ସେ କୋ-ଚେୟାରମ୍ୟାନ ହୋଇଥିଲେ । ପରେ ପରେ ଇଣ୍ଡିଆ ପ୍ରିମିୟର ଲିଗ୍ ଟିମ କୋଲକତା ନାଇଟ ରାଇଡର୍ସ କୋ-ଓନର ମଧ୍ୟ ହୋଇଥିଲେ ।