ପୁଲୱାମା ଆକ୍ରମଣକୁ ନେଇ ମୋଦି ସରକାରଙ୍କ ବଡ ନିଷ୍ପତ୍ତି ! ୫ ହୁରିୟତ୍ ନେତାଙ୍କ ସୁରକ୍ଷା ବ୍ୟବସ୍ଥା କଲେ ପ୍ରତ୍ୟାହୃତ ।
ପୁଲୱାମା ଆତଙ୍କବାଦୀ ଆକ୍ରମଣ ପରେ କେନ୍ଦ୍ର ତରଫରୁ ଏକ ବଡ ନିଷ୍ପତ୍ତି ନିଆଯାଇଛି । ଜମ୍ମୁ-କାଶ୍ମୀରର ୫ ଜଣ ହୁରିୟତ୍ ନେତାଙ୍କ ସୁରକ୍ଷାକୁ ସରକାର ଉଠାଇ ନେଇଛନ୍ତିି । ଶୁକ୍ରବାର ପ୍ରଧାନମନ୍ତ୍ରୀଙ୍କ ଅଧ୍ୟକ୍ଷତାରେ କ୍ୟାବିନେଟ୍ କମିଟି ଅନ୍ ସିକ୍ୟୁରିଟି ଅର୍ଥାତ୍ ସିସିଏସ୍ ବୈଠକରେ ଏହି ୫ ହୁରିୟତ୍ ନେତାଙ୍କ ସୁରକ୍ଷାକୁ ଉଠାଇ ନିଆଯାଇଛି । ସୂତ୍ର ଅନୁସାରେ ଆଜି ସନ୍ଧ୍ୟା ସୁଦ୍ଧା କଶ୍ମୀରୀ ଅଲଗାବବାଦିଓଁରୁ ସରକାରୀ ଗାଡି ଏବଂ ସୁରକ୍ଷା ବଳୟକୁ ଉଠାଇ ନିଆଯିବ । ଯେଉଁ ନେତାମାନେ ସରକାରୀ ସୁବିଧା ନେଇ ବସିଛନ୍ତି ସେମାନଙ୍କ ଉପରୁ ସମ୍ପୁର୍ଣ୍ଣ ସୁରକ୍ଷାକୁ ଉଠାଇନେବା ପାଇଁ ସରକାର ନିଷ୍ପତ୍ତି ନେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହି ନେତାମାନଙ୍କ ମଧ୍ୟରେ ମିଖାୟଜ୍ ଉମର୍ ଫାରୁଖ୍ ,ଅବଦୁଲ୍ ଗନ୍ନି ଭଟ୍ଟ,ବିଲାଲ୍ ଲୋନ,ହାସିମ୍ କ୍ୟୁରେଶୀ ଏବଂ ସବ୍ୱୀର ଶାହଙ୍କ ନାଁ ସାମିଲ ରହିଛି । ଗୃହମନ୍ତ୍ରୀ ରାଜନାଥ୍ ସିଂହ କହିଥିଲେ ଯେ ପାକିସ୍ତାନ ଏବଂ ଆଇଏସଆଇରୁ ଆର୍ଥୀକ ସ୍ତରରେ ସାହାଯ୍ୟ ନେଉଥିବା ନେତାଙ୍କ ଉପରେ ସରକାରୀ ସ୍ତରରେ ସୁରକ୍ଷା ପାଇଁ ବିଚାର କରାଯିବ । ଆପଣଙ୍କୁ କହିରଖୁଛୁ ଯେ ଘାଟିରେ ଭାରତ ବିପକ୍ଷରେ ମିଛ ପ୍ରଚାର କରିବା ଏବଂ ଏହି ନିଆଁକୁ ଧୂଆଁ ଦେଲା ଭଳି ଅଲଗାବବାଦୀ ନେତାଙ୍କ ସୁରକ୍ଷା ଉପରେ ସରକାର ବାର୍ଷିକ ୧୦ କୋଟି ଟଙ୍କା ଖର୍ଚ୍ଚ କରୁଛନ୍ତି । ଜଣେ ଅଲଗାବବାଦୀ ନେତାଙ୍କୁ ୨୦ ରୁ ୨୫ ସୁରକ୍ଷାକର୍ମୀ ଦିନରାତି ସୁରକ୍ଷା ଯୋଗାଇଥାନ୍ତି । ୨୦୧୫ ମସିହା ଏପ୍ରେଲ ୧ ତାରିଖରେ ରାଜ୍ୟ ସରକାର ବିଧାନସଭାରେ ଏକ ରିପୋର୍ଟ ଉପସ୍ଥାପନା କରି କହିଥିଲେ ଯେ ଅଲଗାବବାଦୀ ନେତାଙ୍କ ସମେତ ପ୍ରଦେଶର ମୋଟ ୧,୪୭୨ ରାଜନୈତିକ କାର୍ଯ୍ୟକର୍ତ୍ତାଙ୍କ ସୁରକ୍ଷାରେ ୫୦୬.୭୫ କୋଟି ଟଙ୍କା ଖର୍ଚ୍ଚ ହୋଇଛି ।
ହୁରିୟତ୍ ନେତା ବଟ୍ଟର ସୁରକ୍ଷା ଉପରେ ଏକ ଦଶନ୍ଧୀ ଧରି ଅଢେଇକୋଟି ଟଙ୍କା ଖର୍ଚ୍ଚ କରିଥିବା ବେଳେ ଅବ୍ୱାସ୍ ଅନ୍ସାରୀ ଉପରେ ୩ କୋଟି ଟଙ୍କା ଖର୍ଚ୍ଚ ହୋଇଛି । ବିଧାନସଭାରେ ଉପସ୍ଥାପିତ ହୋଇଥିବା ରିପୋର୍ଟ ଅନୁସାରେ ଶ୍ରୀନଗରରେ ସବୁଠାରୁ ଅଧିକ ୮୦୪ ରାଜନୈତିକ କାର୍ଯ୍ୟକର୍ତ୍ତା ଅଛନ୍ତି । ଯେଉଁଥିରେ ଜମ୍ମୁରେ ୬୩୭ ଏବଂ ଲଦାଖରେ ୩୧ ନେତା ରହିଛନ୍ତି । ସୂତ୍ର ଅନୁସାରେ , ୪୪୦ ରାଜନୈତିକ କାର୍ଯ୍ୟକର୍ତ୍ତାରୁ ୨୯୪ ଅଣରକ୍ଷିତ କାର୍ଯ୍ୟକର୍ତ୍ତା ସାମିଲ ରହିଛନ୍ତି ଯାହାଙ୍କୁ ହୋଟେଲ୍ ର ସୁବିଧା ମଧ୍ୟ ଦିଆଯାଇଛି ।