ନିର୍ବାଚନ ପୂର୍ବରୁ ମୋଦିଙ୍କ ମାଷ୍ଟର ଷ୍ଟ୍ରୋକ୍ । ଗରିବ ଉଚ୍ଚବର୍ଗଙ୍କୁ ୧୦ ପ୍ରତିଶତ ସଂରକ୍ଷଣ ପାଇଁ ଲୋକସଭାରେ ଆଗତ ହେଲା ବିଲ
କନକ ବ୍ୟୁରୋ: ସବର୍ଣ୍ଣଙ୍କୁ ୧୦ ପ୍ରତିଶତ ସଂରକ୍ଷଣ ପାଇଁ ଲୋକସଭାରେ ଆଜି ସମ୍ବିଧାନ ସଂଶୋଧନ ବିଲ ଉପସ୍ଥାପିତ କରିଛନ୍ତି ସରକାର । କେନ୍ଦ୍ରମନ୍ତ୍ରୀ ଥାବରଚନ୍ଦ୍ର ଗେହଲଟ ଗୃହରେ ଏହି ବିଲ ଉପସ୍ଥାପିତ କରିଥିଲେ । ଏହା ଉପରେ ଗୃହରେ ଆଲୋଚନା ହେବ । ଆଲୋଚନା ସମୟରେ ସାଂସଦଙ୍କୁ ଉପସ୍ଥିତ ରହିବା ପାଇଁ ବିଜେପି ଓ କଂଗ୍ରେସ ହ୍ୱିପ ଜାରି କରିଛନ୍ତି । ପାର୍ଲାମେଂଟ ଅଧିବେଶନର ଆଜି ଶେଷଦିନ ହୋଇଥିବାରୁ ସମ୍ବିଧାନ ସଂଶୋଧନ ବିଧେୟକକୁ ପାଶ କରିବା ସରକାରଙ୍କ ପାଇଁ ବଡ ଚ୍ୟାଲେଞ୍ଜ ହେବ ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ଖବର ଅନୁସାରେ, ବିଲକୁ ପାଶ କରିବା ଲାଗି ସରକାର ପାର୍ଲାମେଂଟ ଅଧିବେଶନକୁ ବଢାଇବା ପାଇଁ ଚିନ୍ତା କରୁଛନ୍ତି । ସମ୍ବିଧାନ ସଂଶୋଧନକୁ ଲାଗୁ କରିବାକୁ ହେଲେ ବିଧେୟକକୁ ଲୋକସଭା ଓ ରାଜ୍ୟସଭାରେ ପାଶ କରିବାକୁ ପଡିବ । ଲୋକସଭାରେ ଏନଡିଏ ପାଖରେ ବହୁମତ ଥିଲେ ବି ରାଜ୍ୟସଭାରେ ସରକାର ଅଗ୍ନିରୀକ୍ଷାର ସମ୍ମୁଖୀନ ହେବେ ।
ସାଧାରଣ ନିର୍ବାଚନ ପୂୃର୍ବରୁ ଗତକାଲି ମୋଦି ସରକାର ବଡ ମାଷ୍ଟରଷ୍ଟ୍ରୋକ ଖେଳିଥିଲେ । ଅର୍ଥନୈତକ ଅନଗ୍ରସର ଆଧାରରେ ସବର୍ଣ୍ଣଙ୍କୁ ୧୦ ପ୍ରତିଶତ ସଂରକ୍ଷଣ ଦେବାକୁ ନିଷ୍ପତି ନେଇଥଲା କେନ୍ଦ୍ର କ୍ୟାବିନେଟ୍ । ଏହି ନିଷ୍ପତିକୁ କଂଗ୍ରେସ , ସମାଜବାଦୀ ପାର୍ଟି ଓ ବହୁଜନ ସମାଜ ପାର୍ଟି ସମର୍ଥନ କରିଛନ୍ତି ।