ଆସନ୍ତାକାଲି ପୂରା ଦେଶରେ ବେଶ ଧୂମଧାମରେ ବକରିଦ୍ ପାଳନ କରିବେ ମୁସଲିମ୍ ସମ୍ପ୍ରଦାୟର ଲୋକେ । ଏହାକୁ ଦୃଷ୍ଟିରେ ରଖି ଛେଳିର ମୂଲ୍ୟ ଆକାଶଛୁଆଁ ହୋଇଛି । ତେବେ ଏହି ପର୍ବ ପାଳନ ପୂର୍ବରୁ ଲକ୍ଷ୍ନୌର ବ୍ୟବସାୟୀ ଅଦବୁଲ କରିମଙ୍କ ଭାଗ୍ୟ ଫିଟିଛି । ବିଦେଶୀ ବ୍ରିଡରୁ ଜନ୍ମ ନେଇଥିବା ସୋଜତ ପ୍ରଜାତିର ୩ଟି ଛେଳି ବିକ୍ରି କରି ମାଲାମାଲ ହୋଇଛନ୍ତିି କରିମ । ୨୨ ଲକ୍ଷ ଟଙ୍କାରେ ୩ଟି ସୋଜତ ପ୍ରଜାତିର ଛେଳିକୁ ବିକ୍ରି କରି ଏବେ ଚର୍ଚ୍ଚାରେ ରହିଛନ୍ତି କରିମ ।
Kanak News is now on WhatsApp
Join and get latest news updates delivered to you via WhatsApp
ଅବଦୁଲଙ୍କ କହିବା ଅନୁଯାୟୀ, ରାଜସ୍ଥାନର ଶୁଷ୍କ ଅଞ୍ଚଳରେ ଦେଖା ଦେଉଥିବା ଏହି ପ୍ରଜାତିର ଛେଳିଙ୍କୁ ଖାସକରି ମାଂସ ପାଇଁ ପାଳନ କରାଯାଇଥାଏ । ଦେଢ ବର୍ଷ ପୂର୍ବରୁ ମାତ୍ର ୭୦ ହଜାର ଟଙ୍କା ଏହି ଛେଳି କିଣିଥିଲେ ଅବଦୁଲ । ଆଉ ଦେଢ ବର୍ଷ ପରେ ଏହାକୁ ୨୨ ଲକ୍ଷ ଟଙ୍କାରେ ବିକ୍ରି କରି ମାଲାମାଲ ହୋଇଛନ୍ତି । ତେବ ଏହି ଛେଳିର ଲାଳନ ପାଳନ ପାଇଁ ମଧ୍ୟ ଧୁମ ଟଙ୍କା ଖର୍ଚ୍ଚ କରିଥିଲେ ଅବଦୁଲ । ୩ଟି ଛେଳିର ପାଳନ ପାଇଁ ୩ ଜଣ ଲୋକ ରଖିଥିଲେ ଅବଦୁଲ ।
କେବଳ ଏତିକି ନୁହେଁ ଛେଳିଙ୍କ ଖାଦ୍ୟ ଉପରେ ମଧ୍ୟ ସ୍ୱତନ୍ତ୍ର ଦୃଷ୍ଟି ଦେଇଥିଲେ ଅବଦୁଲ । ଛେଳିଙ୍କୁ ହୃଷ୍ଟପୃଷ୍ଟ କରିବାକୁ ପ୍ରତିଦିନ ଗହମ. ଜଅ, ଚଣା ମଟର ଖାଇବାକୁ ଦିଆଯାଉଥିବା ବେଳେ ଦିନରେ ଥରେ ମାଲିସ କରାଯାଉଥିଲା । ଏହାଛଡା ଏହି ଛେଳି ଗୁଡିକ ଗୋଟିଏ ଥରରେ ୫ କିଲୋ ଚାରା ଖାଇଥାନ୍ତି । ମାତ୍ର ୪ ମାସର ହୋଇଥିବା ବେଳେ ଏହି ଛେଳିକୁ କିଣିଥିଲେ ଅବଦୁଲ । ସେତେବେଳେ ଏହି ଛେଳିଙ୍କର ଓଜନ ୧୭ରୁ ୧୮ କେଜି ରହିଥିଲା । ତେବେ ମାତ୍ର ଦେଢ ବର୍ଷ ମଧ୍ୟରେ ଏହି ଛେଳି ଗୁଡିକ ଦୁଇ କ୍ୱିଣ୍ଟାଲରୁ ଅଧିକ ଓଜନର ହେବା ପରେ ବକରିଦ୍ ପୂର୍ବରୁ ଏହାକୁ ବିକ୍ରି କରିଛନ୍ତି ଅବଦୁଲ । ଏହାପୂର୍ବରୁ ମଧ୍ୟ ଅନ୍ୟ ବିଦେଶୀ ଯେପରିକି ଅଲୱର, ବାବରି, ବାରବାରୀ, ଆଜମେରୀ ପ୍ରଜାତିର ଛେଳି ମଧ୍ୟ ପାଳନ କରିଥିବା କହିଛନ୍ତି ଅବଦୁଲ ।