ଫ୍ରୁଟ ଜୁସ ପିଉଛନ୍ତି କି ? ହୋଇପାରନ୍ତି ଟାଇପ ୨ ଡାଇବେଟିସର ଶିକାର !
ଫଳ ଖାଇବାକୁ ଅଧିକାଂଶ ଲୋକ ପସନ୍ଦ କରନ୍ତି । କାରଣ ଫଳରେ ଭରପୂର ମାତ୍ରାରେ ପୋଷକତତ୍ତ୍ୱ ରହିଥାଏ । କିନ୍ତୁ ଏହି ଫଳକୁ ଜୁସ କରି ପିଇବା ସ୍ୱାସ୍ଥ୍ୟ ପାଇଁ ଉପଯୋଗୀ ନୁହେଁ । କାରଣ ଫଳକୁ ଜୁସ କରି ପିଇବା ଦ୍ୱାରା ଏଥିରେ ଥିବା ପୋଷକତତ୍ତ୍ୱ ବାହାରି ଯାଇଥାଏ । କିନ୍ତୁ ଏ କଥା ବହୁ କମ୍ ଲୋକ ଜାଣନ୍ତି । ପ୍ରାୟତଃ ଅଧିକାଂଶ ଲୋକ ବ୍ରେକଫାଷ୍ଟ ସମୟରେ ବି ଜୁସ ପିଇବାକୁ ପସନ୍ଦ କରିଥାନ୍ତି । ତେବେ ଏକ ରିସର୍ଚ୍ଚ ଅନୁଯାୟ. ଫଳ ଜୁସ ପିଇବା ଦ୍ୱାରା ଟାଇପ ୨ ଡାଇବେଟିସ ଭଳି ରୋଗର ସମ୍ଭାବନା ବୃଦ୍ଧି ପାଇଥାଏ ।
Kanak News is now on WhatsApp
Join and get latest news updates delivered to you via WhatsApp
ସାଧାରଣତଃ ଫ୍ରୁଟ ଜୁସରେ ବହୁ କମ ମାତ୍ରାରେ ଫାଇବର ଥାଏ ଏବଂ ଅଧିକ ପରିମାଣରେ ସୁଗାର ତତ୍ୱ ରହିଥାଏ । ଗବେଷକମାନଙ୍କ ମତରେ ଡାଇବେଟିସ ପୀଡିତାଙ୍କୁ ବେଶି ସୁଗାର ରହିଥିବା ଫ୍ରୁଟକୁ ଜୁସ କରି ପିଇବା କରିବା ଅନୁଚିତ । ଏହାଦ୍ୱାରା ଡାଇବେଟିସର ସମ୍ଭାବନା ବଢି ଯାଇଥାଏ । ତେବେ ଫ୍ରୁଟ ଜୁସ ଯୋଗୁଁ କିପରି ଡାଇବେଟିସ ରୋଗ ବଢିଥାଏ ତାହା ଜାଣିଲେ ଆଶ୍ଚର୍ଯ୍ୟ ହେବେ ।
ବୈଜ୍ଞାନିକଙ୍କ ମତରେ ଫ୍ରୁଟ ଜୁସ ପିଇବା ଦ୍ୱାରା ଡାଇବେଟିସ ରୋଗର ସମ୍ଭାବନା ଅଧିକ ବଢିଯାଏ । ଆମେ ପୋଷକତତ୍ତ୍ୱ ପାଇବା ପାଇଁ ଫ୍ରୁଟ ଜୁସ ପିଇଥାଉ । କିନ୍ତୁ ଜୁସରେ ରହିଥିବା ସୁଗାର ତତ୍ୱ ବଢିଯିବା ହେତୁ ବ୍ଲଡ ପ୍ରେସର ବଢିବା ସମ୍ଭାବନା ମଧ୍ୟ ଅଧିକ ଦେଖାଯାଏ । ଅନ୍ୟପଟେ ଫଳ ଓ ଶାଗକୁ ତରକାରୀ କରି ଖାଇବା କରିବା ଦ୍ୱାରା ଡାଇବେଟିସ ହେବାର ସମ୍ଭାବନା କମିଥାଏ । କାରଣ ସେଥିରେ ଅଧିକ ମାତ୍ରାରେ ଫାଇବର ଓ ମାଇକ୍ରନ୍ୟୁଟ୍ରିଏଣ୍ଟସ ମିଳିଥାଏ ।
ଗବେଷଣାରୁ ଏହା ମଧ୍ୟ ଜଣାପଡିଛି ଯେ ଫ୍ରୁଟ ଜୁସ ପ୍ରସ୍ତୁତି ସମୟରେ ଫଳରେ ଥିବା ସବୁ ଫାଇବର ପୋଷଣ ବାହାରି ଯାଏ । ଯାହାଫଳରେ ଲୋକେ ଏକାଥରେ ଅଧିକ ପରିମାଣର ଜୁସ ପିଇଥାନ୍ତି । ଗବେଷକଙ୍କ କହିବା ଅନୁଯାୟୀ, ଦିନରେ ମାତ୍ର ଗୋଟିଏ ଗ୍ଲାସ ଜୁସ ପିଇବା ଶରୀର ପାଇଁ ସ୍ୱାସ୍ଥ୍ର୍ୟକର ।
ଗବେଷକଙ୍କ କହିବା ଅନୁଯାୟୀ, ଅଧିକ ସୁଗାର ଥିବା ଫଳରେ ଜୁସ କରି ପିଇବା ଦ୍ୱାରା ଟାଇପ ୨ ଡାଇବେଟିସ ରୋଗର ସମ୍ଭାବନା ବୃଦ୍ଧି ପାଇଥାଏ । ତେବେ ଟାଇପ ୨ ଡାଇବେଟିସର ଲକ୍ଷଣକୁ ଚିହ୍ନିବା ସାଧାରଣ ମଣିଷ ପକ୍ଷେ କଷ୍ଟକର । ତେଣୁ ଅଧିକ ଶୋଷ ଲାଗିବା, ଅଧିକ କ୍ଲାନ୍ତ ଅନୁଭବ କରିବା, ଅସ୍ୱାଭାବିକ ଭାବେ ଓଜନ ହ୍ରାସ ହେବା ଓ ଝାପସା ଦେଖାଯିବ ଭଳି ସମସ୍ୟା ଦେଖାଦେଲେ ସାବଧାନ ହୋଇ ଯାଆନ୍ତୁ । କାରଣ ଏହି ସବୁ ଲକ୍ଷଣ ଟାଇପ ୨ ଡାଇବେଟିସର ଲକ୍ଷଣ । ତେଣୁ ଏଭଳି ସମସ୍ୟା ଦେଖାଦେଲେ ତୁରନ୍ତ ଡାକ୍ତରଙ୍କ ସହ ପରାମର୍ଶ କରିବା ଉଚିତ । ଏହି ରୋଗର କୌଣସି ନିରାକରଣ ନାହିଁ । ତେଣୁ ଡାଇବେଟିସକୁ କମ କରିବା ପାଇଁ ନିଜ ଲାଇଫଷ୍ଟାଇଲରେ ପରିବର୍ତ୍ତନ ଆଣିବା ଆବଶ୍ୟକ । ପ୍ରତିଦିନ ବ୍ୟାୟାମ କରିବା ସହ ସନ୍ତୁଳିତ ଡାଏଟ ମାଧ୍ୟମରେ ଏହାକୁ ନିୟନ୍ତ୍ରଣ କରାଯାଇପାରିବ ।
ସୌଜନ୍ୟ : ଡେଲିହଣ୍ଟ