ଆଜି ସଂସଦ ଘେରିବେ ଚାଷୀ । ଋଣଛାଡ ଓ ଧାନର ସହାୟକ ମୁଲ୍ୟ ବୃଦ୍ଧି ଦାବିକୁ ନେଇ ଚାଷୀ କରୁଛନ୍ତି ଆନ୍ଦୋଳନ
ଆନ୍ଦୋଳନକୁ ତୀବ୍ର କରୁଛନ୍ତି ଚାଷୀ ସଂଗଠନ
କନକ ବ୍ୟୁରୋ : ଦେଶରେ ଦିନକୁ ଦିନ ଚାଷୀମାନଙ୍କ ଆନ୍ଦୋଳନ ବଢିବାରେ ଲାଗିଛି । ପ୍ରତ୍ୟେକ ରାଜ୍ୟରେ ଆନ୍ଦୋଳନକୁ ତୀବ୍ର କରୁଛନ୍ତି ସଂଗଠନ । ମିଳିଥିବା ସୂଚନା ଅନୁସାରେ ଦିଲ୍ଲୀର ଜନତା ମଇଦାନଠାରେ ଶହଶହ କୃଷକ ମାନେ ଏକାଠି ହୋଇଛନ୍ତି । ବିଭିନ୍ନ ଦାବୀକୁ ନେଇ ୨ ଦିନିଆ କିଷାନ ମୁକ୍ତି ପଦଯାତ୍ରାରେ ସାମିଲ ହୋଇଛନ୍ତି ଚାଷୀ । ଦେଶରେ ଥିବା ମୋଟ ୨୦୦ କୃଷକ ସଂଗଠନକୁ ନେଇ ଏହି ଆନ୍ଦୋଳନ ହେଉଥିବା ସୂଚନା ମିଳିଛି । ସଂସଦ ଅଭିମୁଖେ ଆଜି ପାଖାପାଖି ୧୫ ହଜାରରୁ ଉର୍ଧ୍ୱ ଚାଷୀ ଶୋଭାଯାତ୍ରା କରିବେ ବୋଲି ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ଚାଷୀମାନଙ୍କ ସହ ଆଲୋଚନ ପାଇଁ କେନ୍ଦ୍ର ସରକାର ଏକ ସ୍ୱତନ୍ତ୍ର ଅଧିବେଶନ କରିବା ଲାଗି ଚାଷୀମାନେ ଦାବୀ କରିଛନ୍ତି । ପୂର୍ବରୁ ମଧ୍ୟ ଚାଷୀମାନେ ଆନ୍ଦୋଳନକୁ ଓହ୍ଲାଇଥିଲେ । ତେବେ ସେହି ସମୟରେ ସରକାରଙ୍କ ପକ୍ଷରୁ ଦିଲ୍ଲୀ ମଧ୍ୟକୁ କୌଣସି ଚାଷୀଙ୍କୁ ପ୍ରବେଶ କରାଇଦିଆଯାଇନଥିଲା । ଏହାସହ ଚାଷୀଙ୍କ ଉପରକୁ ଲାଠିମାଡ ସହ ପାଣି ମୋଡ ହୋଇଥିଲା । ତେଣୁ ପୋଲିସ-ଚାଷୀ ଏଳରକମ ମୁହାଁମୁହିଁ ହୋଇଥିଲେ । ତେବେ ପରେ ସରକାରଙ୍କ ସହ ଆଲୋଚନ ହୋଇଥିଲା । କିନ୍ତୁ ସରକାର ତାଙ୍କର ଦାବୀ ପୂରଣ କରିନଥିବାରୁ ଚାଷୀମାନେ ପୁଣି ଆନ୍ଦୋଲନକୁ ଓହ୍ଲାଇଥିବା ନେଇ ସୂଚନା ମିଳିଛି ।