ରାଜଧାନୀରେ ଅନଶନରେ ଅନ୍ନଦାତା ! ଆରପାର ଲଢେଇ ପାଇଁ ‘ସତ୍ୟାଗ୍ରହ’
କନକ ବ୍ୟୁରୋ: ଚାଷୀ ଅନେକ ଦାବି ଗୋଟିଏ । ମହାରାଷ୍ଟ୍ରରୁ ଓଡିଶା ସବୁଠି ଆନ୍ଦୋଳନକୁ ଓହ୍ଲାଇଥିବା ଚାଷୀ ଲଢୁଛନ୍ତି ନିଜ ଅଧିକାରର ଲଢେଇ । କୃଷିଋଣ ଛାଡ, ଉତ୍ପାଦର ଉଚିତ ମୂଲ୍ୟ ଓ ସୁରକ୍ଷା ପାଇଁ ସର୍ବନିମ୍ନ ପେନସନ ଭଳି ମୌଳିକ ଦାବିରେ ଓହ୍ଲାଇ ଆସୁଛନ୍ତି ରାଜରାସ୍ତାକୁ । ମହାରାଷ୍ଟ୍ରରେ ଏକ ସମ୍ବେଦନଶୀଳ ସରକାରର ପରିଚୟ ଦେଇ, ଦାବି ପୂରଣ ନେଇ ଚାଷୀକୂଳଙ୍କୁ ଆସ୍ୱାସନା ଦେଇଛନ୍ତି ଫଡନଭିସ ସରକାର । ଆଉ ଭୁବନେଶ୍ୱରରେ ହକ ଦାବି କରି ଅନଶନ ଓ ସତ୍ୟାଗ୍ରହ ଚଳାଇଥିବା ଚାଷୀଙ୍କ ପ୍ରତି ନବୀନ ସରକାରଙ୍କ ଆଭିମୁଖ୍ୟକୁ ରହିଛି ଅପେକ୍ଷା ।
Kanak News is now on WhatsApp
Join and get latest news updates delivered to you via WhatsApp
ରାଜ୍ୟର ପ୍ରମୁଖ ସହରମାନଙ୍କରେ ପ୍ରତିବାଦର ସ୍ୱର ଉଠାଇବା ପରେ ନିର୍ଣ୍ଣାୟକ ଲଢେଇ ପାଇଁ ରାଜଧାନୀ ଭୁବନେଶ୍ୱରରେ ହଜାରହଜାର ଚାଷୀଙ୍କ ରଣହୁଙ୍କାର । ଦାବି ପୂରଣ ପାଇଁ ଅନଶନ ଓ ସତ୍ୟାଗ୍ରହ । ସରକାରଙ୍କଠାରୁ ନ୍ଖକ୍ସ ହକ ଦାବି କରି ସ୍ୱେଚ୍ଛାକୃତ ଭାବେ ଏକାଠି ହୋଇଛନ୍ତି ହଜାର ହଜାର ଚାଷୀ । ସାରା ଦେଶକୁ ଅନ୍ନ ଯୋଗାଉଥିବା ଚାଷୀଙ୍କ ଏହି ମେଳି ସେମାନଙ୍କ ଦୁର୍ଦ୍ଦଶାକୁ ବୟାନ କରୁଥିବାବେଳେ ସରକାରଙ୍କୁ ଚିନ୍ତା କରିବା ପାଇଁ ବାଧ୍ୟ କରିଛି ।
ତେବେ ଗୋଟିଏ ପଟେ ଓଡିଶାରେ ଚାଷୀଙ୍କ ମେଳି ଆଉ ଅନ୍ୟପଟେ ମହାରାଷ୍ଟ୍ରରେ ଚାଷୀଙ୍କ ରାଲି । ଫଡନାଭିସ ସରକାରଙ୍କଠୁ ଆଶ୍ୱାସନା ପରେ ମହାରଷ୍ଟ୍ରରେ ଚାଷୀ ଆନ୍ଦୋଳନରୁ ଓହରିଛନ୍ତି ସତ ହେଲେ କଥା ହେଉଛି ଚାଷୀ ଅନେକ କିନ୍ତୁ ଦାବି ଗୋଟିଏ । ମହାରାଷ୍ଟ୍ରରେ ଚାଷୀ ଆନ୍ଦୋଳନର ନେତୃତ୍ୱ ନେଉଛି ‘ଅଲ ଇଣ୍ଡିଆ କିଷାନ ସଭା’ ଯାହା ସିପିଏମର ଅର୍ଥାତ ଏକ ବାମପନ୍ଥୀ ରାଜନୈତିକ ଦଳର ଚାଷୀ ସାମୁଖ୍ୟ । ହେଲେ ଓଡିଶାରେ ଚାଷୀ ଆନ୍ଦୋଳନର ନେତୃତ୍ୱ ନେଉଛି ନବ ନିର୍ମାଣ କୃଷକ ସଂଗଠନ ଏବଂ ଏଠାରେ ସ୍ୱେଚ୍ଛାକୃତ ଭାବେ ହଜାର ହଜାର ଚାଷୀ ହକର ଲଢେଇରେ ସାମିଲ ହେଉଛନ୍ତି । ମହାରାଷ୍ଟ୍ରରେ ଚାଷୀଙ୍କ ଋଣଛାଡ ଘୋଷଣା ହୋଇଛି କିନ୍ତୁ କାର୍ଯ୍ୟକାରୀ ହେଉନାହିଁ ତାସହ ବିଦ୍ୟୁତ ଶୁଳ୍କ ସଂପୂର୍ଣ୍ଣ ଛାଡ କରିବାକୁ ବି ଦାବି କରୁଛନ୍ତି ଚାଷୀ ।
ଏପଟେ ଓଡିଶାରେ ମଧ୍ୟ ଫସଲହାନୀ ଯୋଗୁଁ ଚାଷୀ ମୃତ୍ୟୁକୁ ସରକାର ସ୍ୱୀକାର କରିବା ସହ କୃଷିଋଣ ଛାଡ କରିବାକୁ ଦାବି କରୁଛି ଚାଷୀକୂଳ । ମହାରାଷ୍ଟ୍ରରେ ଚାଷୀମାନଙ୍କ ସୁରକ୍ଷା ପାଇଁ ସର୍ବନିମ୍ନ ପେନସନ ଦାବି କରୁଛି ଆନ୍ଦୋଳନକୁ ଓହ୍ଲାଇଥିଲା ସଂଗଠନ । ଏପଟେ ୨୦ବର୍ଷରୁ ଅଧିକ ଚାଷୀଙ୍କୁ ମାସକୁ ୫ହଜାର ଟଙ୍କାର ପେନସନ ଦାବି କରୁଛି ନବ ନିର୍ମାଣ କୃଷକ ସଂଗଠନ । ଏଥିପାଇଁ ବଜେଟରେ ୨୧ହଜାର ୬ଶହ କୋଟି ଟଙ୍କା ବ୍ୟୟବରାଦ ପ୍ରସ୍ତାବ ରଖିଛି । ଆଉ ସବୁଠାରୁ ବଡକଥା ହେଉଛି କୃଷି ଉତ୍ପାଦର ସର୍ବନିମ୍ନ ସହାୟକ ମୂଲ୍ୟ ବୃଦ୍ଧି ଦାବି କରୁଛନ୍ତି ମହାରାଷ୍ଟ୍ର ଚାଷୀ । ଓଡିଶାରେ ମଧ୍ୟ ଏମଏସପି ଅର୍ଥାତ ଉତ୍ପାଦର ସର୍ବନିମ୍ନ ସହାୟକ ମୂଲ୍ୟ ୩ ହଜାର ଟଙ୍କା କରିବାକୁ ଦାବି ଉଠୁଛି ।