ନିର୍ବାଚନ ମଇଦାନରେ ହାରିଲେଣି ୧୬ ଥର ! ଏଥର ପୁଣି ନିର୍ବାଚନ ଲଢିବେ ଫକ୍କଡ୍ ବାବା ।
କନକ ବ୍ୟୁରୋ : ୨୦୧୯ ନିର୍ବାଚନ ଯେତିକି ପାଖେଇ ପାଖେଇ ଆସୁଛି, ରାଜନୈତିକ ଉଷ୍ମତା ବଢି ବଢି ଚାଲିଛି । ବିଶେଷ କରି ଜନମତ ହାସଲ କରିବା ପାଇଁ ଗୋଟିଚାଳନା କରୁଛନ୍ତି ସମସ୍ତ ରାଜନୈତିକ ଦଳ । ଆଉ ଏହାରି ମଧ୍ୟରେ ସାମ୍ନାକୁ ଆସିଛି ଏଭଳି ଜଣେ ନେତାଙ୍କ ଚେହେରା, ଯାହାକୁ ନେଇ ଏବେ ସବୁଆଡେ ଚର୍ଚ୍ଚା ।
Kanak News is now on WhatsApp
Join and get latest news updates delivered to you via WhatsApp
୧୬ ଥର ନିର୍ବାଚନ ପରାଜୟ ବରଣ କରିଥିବା ମଥୁରାର ଫକ୍କଡ୍ ବାବା ରାମାୟଣୀ ପୁଣି ଥରେ ନିର୍ବାଚନରେ ପ୍ରାର୍ଥୀ ହେବେ ବୋଲି ଘୋଷଣା କରିଛନ୍ତି । ୧୯୭୬ ମସିହାରୁ କ୍ରମାଗତଭାବେ ମଥୁରାର ଫକ୍କଡ୍ ବାବା ରାମାୟଣୀ ୧୭ ଥର ଲାଗି ନିର୍ବାଚନ ମଇଦାନକୁ ଓହ୍ଲାଇବେ । ତାଙ୍କ ଗୁରୁ ତାଙ୍କୁ ୨୦ଥର ନିର୍ବାଚନ ଲଢିବାକୁ କହିଥିଲେ ଓ ଶେଷ ଥର ସେ ବିଜୟୀ ହେବେ ବୋଲି ଗତ ୪୩ ବର୍ଷ ଧରି ନିର୍ବାଚନରେ ପ୍ରତିଦ୍ୱନ୍ଦିତା କରୁଛନ୍ତି ବୋଲି କହିଛନ୍ତି ଫକ୍କଡ ବାବା ।
ପ୍ରତିଥର ଭକ୍ତ ଓ ସମର୍ଥକମାନେ ତାଙ୍କୁ ନିର୍ବାଚନ ଲଢିବାକୁ ଆର୍ଥିକ ସହାୟତା ଦେଇଛନ୍ତି । ଏଥର ନିର୍ବାଚନ ଲଢିବା ପୂର୍ବରୁ ତାଙ୍କୁ ଭକ୍ତମାନେ ୨୫ ହଜାର ଟଙ୍କା ଦେଇ ସାରିଲେଣି ବୋଲି ସେ କହିଛନ୍ତି । ଏଥର ସେ ବିଜୟୀ ହେବେ ନାହିଁ ବୋଲି ଜାଣି ମଧ୍ୟ ପ୍ରାର୍ଥୀ ହେବେ ବୋଲି ଫକ୍କଡ୍ ବାବା କହିଛନ୍ତି । ଫକ୍କଡ୍ ବାବାଙ୍କ ଭଳି ଜୋଗେନ୍ଦର ସିଂହ ଓରଫ ଧରତୀ ଫକ୍କଡ୍ ମଧ୍ୟ ୧୯୯୨ରୁ ୧୯୯୮ ଯାଏଁ ୨୫ ଥର ନିର୍ବାଚନ ଲଢି ପରାଜିତ ହୋଇଥିଲେ ।