ମହାରଥୀଙ୍କୁ ଦାମ ମାରିଲେ ବାଣ । ସବୁ ଦୁର୍ନୀତି ମହାରଥୀଙ୍କ ସମୟରେ ହୋଇଛି, ତାଙ୍କ ମନ୍ତ୍ରୀପଦ ଯିବା ପଛରେ ମଧ୍ୟ ମହାରଥୀ ଭାଗିଦାର
କନକ ବ୍ୟୁରୋ: ଗତକାଲି ଚାରା ଘୋଟାଲା, ଆଜି ଓମଫେଡ୍ ରେ ଦୁର୍ନୀତି କୁ ନେଇ ପୁଣି ମହାରଥୀଙ୍କୁ ଟାର୍ଗେଟ କଲେ ଦାମ । ତାଙ୍କ ମନ୍ତ୍ରୀ ପଦ ଯିବା ପଛରେ କୃଷି ମନ୍ତ୍ରୀ ପ୍ରଦୀପ ମହାରଥୀଙ୍କ ହାତ ଥିବା ସେ କହିଛନ୍ତି । ଏପରିକି ମହାରଥୀଙ୍କ ଅମଳରେ ସବୁ ଦୁର୍ନୀତି ହୋଇଥିବା କହିଛନ୍ତି ଦାମୋଦର ରାଉତ । ଗତକାଲି ଚାରା ଘୋଟାଲା ଦୁର୍ନତୀକୁ ନେଇ ଉଭୟଙ୍କ ମଧ୍ୟରେ କଥା କଟାକଟି ହୋଇଥିଲା । ଆଜି ଓମଫେଡ୍ ରେ ଦୁର୍ନୀତି ଅଭିଯୋଗ ହୋଇଛି ବୋଲି ଅଭିଯୋଗ ଆଣିଛନ୍ତି ପୂର୍ବତନ ମନ୍ତ୍ରୀ ଦାମ ରାଉତ ।
Kanak News is now on WhatsApp
Join and get latest news updates delivered to you via WhatsApp
ଦାମ କହିଛନ୍ତି ଯେ, ଓମଫେଡ୍ ମିଲ୍କ ପାଉଚ୍ ପାଇଁ ଯେଉଁ ପଲିଥିନ୍ ବ୍ୟବହାର ହୁଏ ସେଥିରେ ୩୦ କୋଟି ଟଙ୍କାର ଦୁର୍ନୀତି ହୋଇଛି । ଯେଉଁଥି ପାଇଁ ଓମଫେଡ ଏମଡି ଭିଜିଲାନ୍ସ ତଦନ୍ତ ପାଇଁ ଚିଠି ଲେଖିଥିଲେ । ସେତେବେଳେ କାହିଁକି ଭିଜିଲାନ୍ସ ତଦନ୍ତ ପାଇଁ ଦିଆଗଲା ନାହିଁ ବରଂ ମୁଖ୍ୟମନ୍ତ୍ରୀଙ୍କ ଦଫ୍ରରୁ ବିଭାଗୀୟ ତଦନ୍ତ ନିର୍ଦ୍ଦେଶ ଜାରି କରାଗଲା । ତଦନ୍ତ ପରେ ଏମଡିଙ୍କୁ ବଦଳି କରାଗଲା । ଏବଂ ଯାହାଙ୍କ ସମୟରେ ଦୁର୍ନୀତି ହୋଇଥିଲା ତାଙ୍କୁ ପୁର୍ନବାର ପଦବୀରେ ବସାଗଲା । ଏବଂ ଶେଷରେ ତାଙ୍କ ସପକ୍ଷରେ ତଦନ୍ତ ରିପୋର୍ଟ ଆସିଲା । ଏହା ପଛରେ କିଏ ଗଡ ଫାଦର ବୋଲି ପ୍ରଶ୍ନ କରିଛନ୍ତି ଦାମ?
ସେପଟେ ଦାମଙ୍କ ଅଭିଯୋଗରେ ମୁହଁ ଖୋଲିଛନ୍ତି ମନ୍ତ୍ରୀ ପ୍ରଦୀପ ମହାରଥୀ । ମହାରଥୀ କହିଛନ୍ତି ଯେ, ମୁଁ କ’ଣ ପାଇଁ ତାଙ୍କ ମନ୍ତ୍ରୀ ପଦ ଯିବା ପଛରେ ଭାଗିଦାରୀ ହେବି? ତେଣୁ ଯଦି ଦାମ ବାବୁ ଏମିତି କିଛି କହିଥିବେ ତାହା ତାଙ୍କ ଉଦ୍ଭଟ ଚିନ୍ତା ଧାରା । ଓମଫେଡ ଏକ ସ୍ୱୟଂ ଚାଳିତ ସଂସ୍ଥା, ନିଜ ନିଷ୍ପତି ନିଜେ ନିଅନ୍ତି ତେଣୁ , ଯଦି କିଛି ଦୁର୍ନୀତି ହୋଇଥିବା ବିଧାନସଭା ପରେ ପରେ ମୁଁ ନିଜେ ତାହାର ତର୍ଜମା କରିବି । କଳିଯୁଗରେ ଏମିତି କେହି ସତୀ ନାହିଁ ଯେ, ଲାଞ୍ଚ ଲାଂଚ ଯାଚିଲେ ନେବ ନାହିଁ ବୋଲି କହି ଦାମଙ୍କ କୋର୍ଟକୁ ବଲ ଫିଙ୍ଗିଚନ୍ତି ପ୍ରଦୀପ ମହାରଥୀ ।