ବିଜେପି ବିଧାୟକ ପ୍ରାର୍ଥୀଙ୍କ ଦାଦାଗିରି! ବୁଥରେ ପଶି ଇଭିଏମ ଭାଙ୍ଗିଲେ, ଜିଲ୍ଲାପାଳ କହିଲେ, ଥାନାରେ ଦିଆଯିବ ଏତଲା ।

1,459

କନକ ବ୍ୟୁରୋ : ଇଭିଏମ ଭାଙ୍ଗିଲେ ବିଜେପି ବିଧାୟକ ପ୍ରାର୍ଥୀ । ଭୋଟଗ୍ରହଣ ସରିବାକୁ ଆଉ କିଛି ସମୟ ବାକି ରହିଥିବା ବେଳେ ବୁଥରେ ପଶି ଇଭିଏମ ଭାଙ୍ଗିଲେ ବିଜେପି ବିଧାୟକ ପ୍ରାର୍ଥୀ । ସୋରଡାରୁ ଏଭଳି ଏକ ଖବର ସାମ୍ନାକୁ ଆସିଛି । ସୋରଡା ଆସନରୁ ବିଜେପିର ବିଧାୟକ ପ୍ରାର୍ଥୀ ନୀଳମଣି ବିଷୋୟୀ ଏଭଳି କାଣ୍ଡ ଭିଆଇଥିବା ଜଣାପଡିଛି ।

ମିଳିଥିବା ସୂଚନା ମୁତାବକ ସୋରଡା ବିଜେପି ବିଧାୟକ ପ୍ରାର୍ଥୀ ନୀଳମଣି ବିଷୋୟୀ ରେଣ୍ଟି ୧୮୨ ନମ୍ବର ବୁଥରେ ଜୋର ଜବରଦସ୍ତି ପଶି ଏଭଳି ତୁମୁଳକାଣ୍ଡ ଭିଆଇଛନ୍ତି । ଇଭିଏମଟି ଭାଙ୍ଗିଥିବା ବେଳେ ନୀଳମଣିଙ୍କ ନାଁରେ ଥାନାରେ ଏତଲା କରାଯିବ ବୋଲି ଗଞ୍ଜାମ ଜିଲ୍ଲାପାଳ ସ୍ପଷ୍ଟ କରିଛନ୍ତି । ଏହାଛଡା ଏ ସର୍ମ୍ପକରେ ମୁଖ୍ୟ ନିର୍ବାଚନ କମିଶନଙ୍କୁ ଅବଗତ କରାଯିବ ବୋଲି କହିଛନ୍ତି ଜିଲ୍ଲାପାଳ ବିଜୟ ଅମୃତ କୁଲାଙ୍ଗେ ।