କେବେ ହେବ ‘ବାହୁବଳୀ’ଙ୍କ ବିବାହ ! ଭଉଣୀ ପ୍ରଗତି କଲେ ଖୁଲାସା
ଏସଏସ ରାଜମୌଲୀଙ୍କ ନିର୍ଦ୍ଦେଶିତ ତଥା ବହୁ ପ୍ରତିକ୍ଷୀତ ସିନେମା ବାହୁବଳୀର ପ୍ରଥମ ଏବଂ ଦ୍ୱିତୀୟ ଭାଗର ମୁଖ୍ୟ ଅଭିନେତା ପ୍ରଭାସ ଅନେକ ଲୋକପ୍ରିୟତା ହାସଲ କରିପାରିଛନ୍ତି । ତେବେ ବାହୁବଳୀର ଦୁଇଟି ଯାକ ଭାଗରେ ସଫଳତା ହାସଲ କରିଥିବା ପ୍ରଭାସଙ୍କୁ ସବୁଠୁ ୱାଂଟେଡ୍ ବ୍ୟାଚେଲର ତାଲିକାରେ ସାମିଲ କରାଯାଇଛି । ଯେଉଁଥିପାଇଁ ବାହୁବଳୀଙ୍କ ବ୍ୟକ୍ତିଗତ ଜୀବନର ସବୁକିଛି ଜାଣିବାକୁ ଚାହୁଁଛନ୍ତି ତାଙ୍କ ଫ୍ୟାନମାନେ ।
Kanak News is now on WhatsApp
Join and get latest news updates delivered to you via WhatsApp
କିଛି ଦିନ ତଳେ ଶୁଣିବାକୁ ମିଳିଥିଲା କି, ପ୍ରଭାସ ଜଣେ ପ୍ରତିଷ୍ଠିତ ବ୍ୟବସାୟୀଙ୍କ ନାତୁଣୀଙ୍କୁ ନିଜର ଜୀବନ ସାଥୀ ଭାବେ ବାଛି ସାରିଛନ୍ତି ବୋଲି । ମାତ୍ର ଏବେ ଯାହା ଲାଗୁଛି ପ୍ରଭାସଙ୍କୁ ଏବେ ବିବାହ କରିବାକୁ କୌଣସି ଜଲଦି ନାହିଁ । କିନ୍ତୁ ତାଙ୍କ ପରିବାରଲୋକେ ପ୍ରଭାସଙ୍କ ବିବାହକୁ ନେଇ ବିଭିନ୍ନ ପ୍ରକାର ପ୍ରସ୍ତୁତି ଆରମ୍ଭ କରିଦେଇଛନ୍ତି ।
ଇଣ୍ଡିଆ ଡଟ୍ କମରେ ପ୍ରକାଶିତ ଖବର ମୁତାବକ, ନିକଟରେ ପ୍ରଭାସଙ୍କ ବଡ ଭଉଣୀ ପ୍ରଗତି ଉପ୍ପାଲାପତ୍ତି କହିଛନ୍ତି, ‘ଆମେ ବହୁତ ଉତ୍ସାହିତ ଅଛୁ ଆଉ ପ୍ରଭାସଙ୍କ ବିବାହକୁ ନେଇ ମଧ୍ୟ ତାଙ୍କ ସହ କିଛି ସମୟ ବିତାଇବାକୁ ମିଳିବ’ । କିନ୍ତୁ ପ୍ରଗତିଙ୍କୁ ବି ଜଣା ନାହିଁ କି ବାସ୍ତବରେ ବାହୁବଳୀ ବିବାହ କେବେ କରୁଛନ୍ତି ।
ବାହୁବଳୀଙ୍କୁ ପସନ୍ଦ କରୁଥିବା ସିନେପ୍ରେମୀଙ୍କୁ ସ୍କ୍ରିନରେ ପ୍ରଭାସଙ୍କ କେମେଷ୍ଟ୍ରି ଅନୁଷ୍କା ଶେଠୀଙ୍କ ସହ ଏତେ ମାତ୍ରାରେ ପସନ୍ଦ ଆସିଛି କି ସେମାନେ ଏହି ନାୟିକାଙ୍କୁ ବିବାହ କରିବାକୁ ପ୍ରଭାସଙ୍କୁ ପରାମର୍ଶ ଦେବାରେ ଲାଗିପଡିଛନ୍ତି । କିଛିଦିନ ତଳେ ଯେତେବେଳେ ପ୍ରଭାସଙ୍କର ଅନୁଷ୍କା ଶେଠୀଙ୍କ ସହ ଲିଙ୍କଅପ୍ ଖବର ସାର୍ବଜନୀନ ହୋଇଥିଲା । ସେତେବେଳେ ପ୍ରଭାସ ସ୍ପଷ୍ଟ କରିଦେଇଥିଲେ କି, ସେ ବର୍ତ୍ତମାନ ବିବାହ କରୁନାହାଁନ୍ତି ବୋଲି ।
ସୌଜନ୍ୟ: ଆଜତକ୍