‘ବାହୁବଳୀ ଦି କନକ୍ଲୁଜନ’ ! ପ୍ରଭାସଙ୍କ ତିନର ତଡକା
ବହୁ ଚର୍ଚ୍ଚିତ ତଥା ହାଇ ବଜେଟ୍ ସିନେମା ‘ବାହୁବଳୀ’ର ଦ୍ୱିତୀୟ ଭାଗ ରିଲିଜ୍ ତାରିଖ ଯେତେ ପାଖେଇ ଆସୁଛି ଏହାକୁ ନେଇ ଅନେକ ନୂଆ ନୂଆ ତଥ୍ୟ ଏବେ ସାମ୍ନାକୁ ଆସୁଛି । ଆଉ ଯାହାର ଖୁଲାସା ଖୋଦ୍ ସିନେମାର ନିର୍ଦ୍ଦେଶକ ରାଜମୌଲୀ କରିବାରେ ଲାଗିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତାଜା ସୂଚନା ମୁତାବକ, ପୂର୍ବରୁ ଶୁଣିବାକୁ ମିଳିଥିଲା କି ଏହି ସିନେମାରେ ବାହୁବଳୀ ତଥା ନାୟକ ପ୍ରଭାସ ଦୁଇଟି ଚରିତ୍ରରେ ନଜର ଆସିପାରନ୍ତି ବୋଲି । ମାତ୍ର ନିକଟରେ ଏହାକୁ ନେଇ ନିର୍ଦ୍ଦେଶକ କରିଛନ୍ତି ପୁଣି ଏକ ଖୁଲାସା । ଅର୍ଥାତ୍ ସେ ଏକ ସାକ୍ଷାତକାରରେ ସ୍ପଷ୍ଟ କରିଛନ୍ତି କି, ଏହି ସିନେମାରେ ପ୍ରଭାସଙ୍କୁ ଦୁଇଟି ଭୂମିକାରେ ନୁହେଁ ବରଂ ତିନୋଟି ଭୂମିକାରେ ଦେଖିବାକୁ ପାଇବେ ଦର୍ଶକେ ।
ପୂର୍ବ ସୁଚନା ମୁତାବକ, ଏହି ସିନେମାରେ ପ୍ରଭାସ ବାହୁବଳୀ ତଥା ମହେନ୍ଦ୍ର ବାହୁବଳୀ ଏବଂ ବାହୁବଳୀଙ୍କ ବାପା ତଥା ଅମରେନ୍ଦ୍ର ଭୂମିକାରେ ନଜର ଆସିବେ ବୋଲି । ମାତ୍ର ଏବେ ସିନେମାକୁ ନେଇ ପୁଣି ଏକ ନୂଆ ଟୁଇଷ୍ଟ ଆଣିଛନ୍ତି ନିର୍ଦ୍ଦେଶକ ରାଜମୌଲୀ ।
ତେବେ ସିନେମାରେ ପ୍ରଭାସଙ୍କ ପୁଣି ଏକ ଅବତାର ରହିଛି । ସେ ଏଥିରେ ବାହୁବଳୀ ତଥା ମହେନ୍ଦ୍ର ବାହୁବଳୀଙ୍କ ଦାଦା ତଥା ଧର୍ମେନ୍ଦ୍ର ଚରିତ୍ରରେ ନଜର ଆସିବେ ବୋଲି ଏହାର ନିର୍ଦ୍ଦେଶକ ସୂଚନା ଦେଇଛନ୍ତି ।