ଆତ୍ମୀୟଙ୍କ ନିକଟରେ ହାରିଗଲେ ସୁଲତାନ ! ଜାଣନ୍ତୁ ଏହା ପଛର ରହସ୍ୟ
ବଲିଉଡରେ ସୁଲତାନର ତାଜ୍ ପିନ୍ଧି ବୁଲୁଥିବା ସଲମାନ ଖାନ କିନ୍ତୁ ନିଜ ଆତ୍ମୀୟଙ୍କ ନିକଟରେ ହୋଇଛନ୍ତି ବିଫଳ । ଆଜ୍ଞା ହଁ ! ସଲମାନ ଏବେ ନିଜ ଭଉଣୀ ଅର୍ପିତା ଖାନ ଶର୍ମାଙ୍କ ରୋଷର ଶିକାର ହୋଇଛନ୍ତି । ଯଦିଓ ସଲମାନ ନବ ଜନ୍ମିତ ଭଣଜା ତଥା ଆହିଲ ଶର୍ମାଙ୍କ ପ୍ରଥମ ଜନ୍ମଦିନରେ ସାମିଲ ହେବା ପାଇଁ ଦୀର୍ଘ ୨୨ ଘଂଟା ଧରି ଫ୍ଲାଇଟରେ ବସି ମାଳଦ୍ୱୀପରେ ଯାଇ ପହଂଚିଥିଲେ । ମାତ୍ର ଏତେ ସବୁ କରିବା ସତ୍ୱେ ମଧ୍ୟ ସେ ଅର୍ପିତାଙ୍କ ରାଗ ଶାନ୍ତ କରି ପାରି ନଥିଲେ ।
Kanak News is now on WhatsApp
Join and get latest news updates delivered to you via WhatsApp
ପ୍ରକୃତ ଘଟଣାଟି ହେଲା, ଅର୍ପିତାଙ୍କ ସ୍ୱାମୀ ଆୟୁଷ ଶର୍ମାଙ୍କ ସ୍ୱପ୍ନ ରହିଛି କି ସେ ସିନେମାରେ ଅଭିନୟ କରିବାକୁ । ଯାହାକୁ ନେଇ ସେ ଅର୍ପିତାଙ୍କୁ ନିଜର ମାଧ୍ୟମ କରିଛନ୍ତି । ତେବେ ଏନେଇ ଅର୍ପିତା ମଧ୍ୟ ସଲମାନଙ୍କ ସହ ଆଲୋଚନା କରିଥିଲେ ଏବଂ ସଲମାନ ଏହି ଦାୟିତ୍ୱ ନିଜେ ନେଇଥିଲେ । ମାତ୍ର ଦିନ ପରେ ଦିନ ବିତି ଯାଇଥିଲା କିନ୍ତୁ ସଲମାନ ନିଜ ପ୍ରତିଶ୍ରୁତିକୁ ପୁରଣ କରି ନଥିଲେ ।
ସୂଚନା ମୁତାବକ , ସଲମାନ ନିକଟରେ ନିଜ ସିନେମାରେ ଅନେକ ନୂଆ ନୂଆ ଚେହେରାକୁ ସୁଯୋଗ ଦେଇସାରିଛନ୍ତି ମାତ୍ର ନିଜ ଭଉଣୀଙ୍କ ସ୍ୱାମୀ ତଥା ଆୟୁଷଙ୍କୁ ଆଡ ଆଖିରେ ବି ଟିକେ ଚାହିଁ ନଥିଲେ । ଯେଉଁ କାରଣରୁ ଅର୍ପିତା ସଲମାନଙ୍କ ଉପରେ ରାଗିଛନ୍ତି ।