ନିର୍ବାଚନ ଆୟୋଗର ତାଗିଦ୍: ଭୋଟ ନଦେଲେ ତ୍ରାହି ପାଇବେନି ଭୋଟର, ପ୍ରତିଟି ମତଦାତାଙ୍କ ମୋବାଇଲକୁ ଯିବ ଏଭଳି ମେସେଜ
ବୁଥର ନକ୍ସା ସହିତ ଛପାଯିବ ମତଦାତା ହେଲପଲାଇନ ନମ୍ବର
ପାଂଚ ରାଜ୍ୟରେ ବିଧାନସଭା ନିର୍ବାଚନ ନେଇ ସରଗରମ ହୋଇଛି ରାଜନୀତି । ନେତାମାନେ ମତଦାତାଙ୍କୁ ମନେଇବା ପାଇଁ ବିଭିନ୍ନ ପ୍ରକାରର ନୀତି ଆପଣାଇବାରେ ଲାଗିପଡିଛନ୍ତି । ଅନ୍ୟପଟରେ ନିର୍ବାଚନ ଆୟୋଗ ମଧ୍ୟ କିଭଳି ମତଦାନ କେନ୍ଦ୍ରମାନଙ୍କରେ ଅଧିକରୁ ଅଧିକ ଭୋଟରଙ୍କୁ ପହଂଚା ଯାଇ ପାରିବେ ସେନେଇ ବିଭିନ୍ନ ପ୍ରକାରର ଯୋଜନା ମାନ ପ୍ରୟୋଗ କରୁଛନ୍ତି । ଏଥରକ ମଧ୍ୟପ୍ରଦେଶ ନିର୍ବାଚନ ସମୟରେ ଭୋଟ ସ୍ଲିପରେ ପୁଲିଂ ବୁଥର ନକ୍ସା ଛପାଯିବ । ଏହାଛଡା ଭୋଟ ନ ଦେବା ଦ୍ୱାରା ମତଦାତାଙ୍କର ମୋବାଇଲରେ ଭଏସ ମେସେଜ ମଧ୍ୟ ପଠାଯିବ ।
Kanak News is now on WhatsApp
Join and get latest news updates delivered to you via WhatsApp
ବୁଥର ନକ୍ସା ସହିତ ଛପାଯିବ ମତଦାତା ହେଲପଲାଇନ ନମ୍ବର
ବିଧାନସଭାରେ ପ୍ରଥମ ଥର ମତାଦାତାଙ୍କ ସୁବିଧା ପାଇଁ ନିର୍ବାଚନ ଆୟୋଗ ଫଟୋ ବାଲା ଭୋଟ ସ୍ଲିପ ପଛରେ ପୁଲିଂ ବୁଥର ନକ୍ସା ମଧ୍ୟ ଛାପିବ । ଏହି ଭୋଟ ସ୍ଲିପ ମତଦାତାଙ୍କ ଘରେ ୫ ଦିନ ପୂର୍ବରୁ ହିଁ ପହଂଚାଇଦିଆଯିବ । ଏହି ସ୍ଲିର୍ପିରେ ବୁଥ ନମ୍ବର, ନିର୍ବାଚନ ତାରିଖ ଏବଂ ସମୟ, ମତଦାତା ହେଲପନାଇନ ନମ୍ବର ବ୍ୟତୀତ ବିଏଲଓଙ୍କ ନାଁ ଏବଂ ମୋବାଇଲ ନମ୍ବର ମଧ୍ୟ ଛପାଯିବ । ଏହାଛଡା ଏଥିରେ ମତଦାନ ସମ୍ବନ୍ଧିତ ଅନେକ ସାରା ତଥ୍ୟ ମଧ୍ୟ ଦିଆଯିବ । ଏହି ଭୋଟ ସ୍ଲିପକୁ ଭୋଟିଂ ସମୟରେ ଭୋଟରଙ୍କର ପରିଚୟ ପାଇଁ ବି ମାନ୍ୟ କରାଯିବ ।
ଭୋଟରଙ୍କ ନିକଟକୁ ପଠାଯିବ ଭଏସ ମେସେଜ
ଯଦି ଆପଣ ବିଧାନସଭା ନିର୍ବାଚନ ସମୟରେ ଭୋଟ ନଦିଅନ୍ତି ତେବେ ନିର୍ବାଚନ ଆୟୋଗ ତରଫରୁ ଆପଣଙ୍କୁ ଭଏସ ମେସେଜ ପଠାଯାଇ ଭୋଟ ଦେବାକୁ କୁହାଯିବ । ଆୟୋଗର ନିର୍ଦ୍ଦେଶରେ ଜିଲ୍ଲା ନିର୍ବାଚନ କାର୍ଯ୍ୟାଳୟ ଦ୍ୱାରା ଏକ ଆପ୍ ମଧ୍ୟ ପ୍ରସ୍ତୁତ କରାଯାଇଛି । ଯାହାକି ସମସ୍ତ ବୁଥ ଲେବୁଲ ଅଫିସରଙ୍କର ମୋବାଇଲ ଫୋନରେ ରହିବ । ଯେଉଁଥିରେ ଭୋଟରଙ୍କର ସମସ୍ତ ଡିଟେଲ୍ସ ଥିବ । ଭୋଟିଂ ଦିନ ସକାଳ ୮ଟାରୁ ସମସ୍ତ ମତଦାତାଙ୍କୁ ମୋବାଇଲରେ ଭୋଟ ଦେବା ପାଇଁ ଭଏସ ମେଜେସ ପଠାଯିବ । ଯେତେବେଳେ ମତଦାତା ପୁଲିଂ ବୁଥରେ ପହଂଚିବେ ସେତେବେଳେ ଏହି ଆପରେ ତାଙ୍କର ଏଂଟ୍ରି ହୋଇଯିବ । ସେହିପରି ଭୋଟ ଦେବାକୁ ନଆସିଥିବା ବ୍ୟକ୍ତିଙ୍କ ନିକଟକୁ ମେସେଜ ଯିବ କି , ଆପଣ ଏଯାବତ ଭୋଟ ଦେଇନାହାଁନ୍ତି, ଦୟାକରି ଭୋଟ ଦିଅନ୍ତୁ ।