ତାତିଲେ ଗ୍ରାମବାସୀ, ଡାକ୍ତରଙ୍କୁ ଗୋଡାଇ ଗୋଡାଇ ପିଟିଲେ । ହେଲେ କାହିଁକି
କନକ ବ୍ୟୁରୋ : ମେଡିକାଲ କ୍ୟାମ୍ପସରେ ଉତେଜନା । ଡାକ୍ତରଙ୍କୁ ଗୋଡେଇ ଗୋଡେଇ ପିଟିଲେ ମୃତକଙ୍କ ସମ୍ପର୍କୀୟ । ଖୋର୍ଦ୍ଧା ଜିଲ୍ଲା ବାଣପୁରରେ ଘଟିଛି ଏପରି ଅଭାବନୀୟ ଘଟଣା । ବିଦ୍ୟୁତ୍ ଆଘାତ ପାଇ ମେଡିକାଲକୁ ଆସିଥିବା ଯୁବକଙ୍କୁ ମୃତ ଘୋଷଣା କରିବା ପରେ ଡାକ୍ତରଙ୍କୁ ମାଡ ମାରିଛନ୍ତି ଗାଁ ଲୋକ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ, ବାଣପୁର ଥାନା ନିକଟସ୍ଥ ଖୁଂଟପଲ୍ଲୀ ଗାଁର ପ୍ରଶାନ୍ତ ସାହୁ ବିଦ୍ୟୁତ୍ ତାର ସଂସ୍ପର୍ଶରେ ଆସିବା ପରେ ତାଙ୍କୁ ବାଣପୁର ସରକାରୀ ଡାକ୍ତରଖାନାକୁ ଅଣାଯାଇଥିଲା । ତେବେ ୨୨ ବର୍ଷୀୟ ପ୍ରଶାନ୍ତଙ୍କ ମୃତ୍ୟୁ ହୋଇଯାଇଥିବା ଡାକ୍ତର କହିବା ପରେ ଏହାକୁ ନେଇ ମେଡିକାଲରେ ଉତେଜନା ଦେଖା ଦେଇଥିଲା । ଏପରିକି ମୃତକଙ୍କ ଗାଁ ଲୋକେ ଡାକ୍ତର ଓ ହସ୍ପିଟାଲର ଅନ୍ୟ କର୍ମଚାରୀଙ୍କୁ ମାଡ ମାରିବାକୁ ପଛାଇନଥିଲେ । ଖବର ପାଇ ଘଟଣାସ୍ଥଳରେ ପୋଲିସ ପହଁଚି ମୃତଦେହକୁ ବ୍ୟବଚ୍ଛେଦ ପାଇଁ ପଠାଇବା ସହ ତଦନ୍ତ ଜାରି ରଖିଛି । ତେବେ ଏନେଇ ଉକ୍ତ ଡାକ୍ତର ଜଣକ ବାଣପୁର ଥାନାରେ ଅଭିଯୋଗ କରିଛନ୍ତି ।