ଜାତୀୟ ପତାକାର ସମ୍ମାନ ରଖିଲେ ଧୋନି ! ତଳେ ପଡିବା ପୂର୍ବରୁ ତ୍ରିରଙ୍ଗାକୁ ଉଠାଇ ନେଲେ ଧୋନି, କ୍ୟାମେରାରେ କଏଦ ହେଲା ପୂୂରା ଘଟଣା । ଦେଖନ୍ତୁ ସେହି ମୁହୂର୍ତ୍ତର ଭିଡିଓ ।
କନକ ବ୍ୟୁରୋ : ହାମିଲଟନରେ ରୋମାଞ୍ଚକର ମ୍ୟାଚରେ ଭାରତ ୪ ରନରେ ପରାସ୍ତ ହେବା ସହ ସିରିଜ ହାତଛଡା କରିଛି । ଯାହା ଭାରତୀୟ ପ୍ରଂଶସକଙ୍କୁ କିଛି ମାତ୍ରାରେ ନିରାଶ କରିଛି । ତେବେ ଏହି ମ୍ୟାଚରେ ଧୋନି ମାତ୍ର ୨ ରନ୍ କରି ଆଉଟ୍ ହୋଇଥିଲେ ମଧ୍ୟ ସମସ୍ତଙ୍କର ମନ ଜିଣିଛନ୍ତି । ଦେଶର ଜାତୀୟ ପତାକାକୁ ପଡିଆରେ ପଡିବା ପୂର୍ବରୁ ଉଠାଇ ନେଇ ପୂରା ଦେଶବାସୀଙ୍କ ମନ ଜିଣି ନେଇଛନ୍ତି । ଯାହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ନ୍ୟୁଜିଲାଣ୍ଡ ବ୍ୟାଟିଂ କରୁଥିବା ସମୟରେ ଜଣେ କ୍ରିକେଟ ପ୍ରଂଶସକ ସୁରକ୍ଷାବଳୟକୁ ଭେଦ କରି ପଡିଆ ମଧ୍ୟକୁ ଦୌଡି ଆସିଥିଲେ । ହାତରେ ଥିଲା ତ୍ରିରଙ୍ଗା ପତାକା ଆଉ ଏକମୁହାଁ ହୋଇ ଦୌଡିଥିଲେ ୱିକେଟକିପିଂ କରୁଥିବା ଧୋନିଙ୍କ ପାଖକୁ । କେହି କିଛି ବୁଝିବା ପୂର୍ବରୁ ଧୋନିଙ୍କ ପାଖରେ ପହଞ୍ଚି ଆଣ୍ଠେଇ ପଡିଥିଲେ ଏହି ଫ୍ୟାନ ଜଣକ । ଧୋନିଙ୍କ ପାଦ ଛୁଇଁବା ପରେ ପିନ୍ଧିଥିବା କୁର୍ତ୍ତାରେ ଧୋନିଙ୍କ ପାଦ ସଫା କରିବାକୁ ଉଦ୍ୟତ ହେଉଥିବା ବେଳେ ଫ୍ୟାନଙ୍କ ଠାରୁ ତ୍ରିରଙ୍ଗା ଛଡାଇ ଆଣିଥିଲେ ପୂର୍ବତନ ଅଧିନାୟକ ।
ସେହି ସମୟରେ ଧୋନିଙ୍କ ନଜର ଫ୍ୟାନଙ୍କ ବଦଳରେ ଭାରତର ଜାତୀୟ ପତାକା ଉପରେ ଥିଲା । କାରଣ ପ୍ରଂଶସକ ଜଣକ ହାତରେ ତ୍ରିରଙ୍ଗା ଧରି ଧୋନିଙ୍କ ପାଦ ଛୁଇଁବାକୁ ଯାଉଥିଲେ । ଆଉ ଏହା ଦେଖିବା ପରେ ପାଦ ଛୁଇଁବା ପୂର୍ବରୁ ଫ୍ୟାନଙ୍କ ଠାରୁ ତ୍ରିରଙ୍ଗା ଛଡାଇ ଆଣିଥିଲେ ଧୋନି । ଜାତୀୟ ପତାକା ମାଟି ଛୁଇଁବା ପୂର୍ବରୁ ନିଜ ହାତକୁ ନେଇ ଆସିଥିଲେ ଧୋନି । ଆଉ ଏଭଳି କରି ଭାରତର ଜାତୀୟ ପତାକାର ସମ୍ମାନ ରଖିଥିଲେ ଧୋନି ଓ ତତକ୍ଷଣାତ ସେହି ପ୍ରଂଶସକ ଜଣକୁ ପଡିଆରୁ ବାହାରକୁ ଯିବାକୁ କହିଥିଲେ । ପରେ ସୁରକ୍ଷାକର୍ମୀ ଉକ୍ତ ଫ୍ୟାନ ଜଣଙ୍କୁ ପଡିଆ ବାହାରକୁ ନେଇଯାଇଥିଲେ ।
14th time, Fan breached security authorities and touched Dhoni’s feet!! And that too in NZ 😨🙏🏻!!@msdhoni #MSD #NZVIND pic.twitter.com/bx3oZMSNDy
— Vidyadhar R (@Vidyadhar_R) February 10, 2019
ଏଭଳି ଘଟଣା ଧୋନିଙ୍କ ସହ ପ୍ରଥମ ଥର ପାଇଁ ହୋଇନାହିଁ । ଏହାପୂର୍ବରୁ ମଧ୍ୟ ଅନେକ ପ୍ରଂଶସକ ସୁରକ୍ଷାବଳୟ ଭେଦ କରି ପଡିଆକୁ ପ୍ରବେଶ କରିବା ସହ ଧୋନିଙ୍କ ପାଦ ଛୁଇଁଥିବାର ନଜିର ରହିଛି । ବିଭିନ୍ନ ଟୁର୍ଣ୍ଣାମେଣ୍ଟ ଠାରୁ ଆରମ୍ଭ କରି ଆଇପିଏଲ ପର୍ଯ୍ୟନ୍ତ ପ୍ରାୟ ପ୍ରତ୍ୟେକ ସ୍ଥାନରେ ଏଭଳି ଦୃଶ୍ୟ ଦେଖିବାକୁ ମିଳିଛି । ତେବେ ଆଜି ଯେଉଁଭଳି ଭାବେ ତ୍ରିରଙ୍ଗା ତଳେ ପଡିବା ପୂର୍ବରୁ ଧୋନି ଉଠାଇ ନେଇଥିଲେ ତାହା ପ୍ରତି ଭାରତୀୟଙ୍କ ମନରେ ଧୋନିଙ୍କ ପାଇଁ ଏକ ସ୍ୱତନ୍ତ୍ର ସ୍ଥାନ ସୃଷ୍ଟି କରିଛି ।