ସେଲଟର୍ ହୋମ ଯୌନ ନିର୍ଯ୍ୟାତନା ମାମଲା ! ଜାମିନ୍ ପାଇଁ ହାଇକୋର୍ଟର ଦ୍ୱାରସ୍ଥ ହେଲେ ଫୟାଜ ରେହେମାନ ।
କନକ ବ୍ୟୁରୋ: ହାଇକୋର୍ଟର ଦ୍ୱାରସ୍ଥ ହେଲେ ଢେଙ୍କାନାଳ ବେଲଟିକିରି ସେଲଟର୍ ହୋମ୍ ମାମଲାରେ ଗିରଫ ହୋଇଥିବା ଗୁଡ ନ୍ୟୁଜ୍ ଇଣ୍ଡିଆର ମୁଖ୍ୟ ଫୟାଜ ରେହେମାନ । ତେବେ ହାଇକୋର୍ଟରେ ଜାମିନ ଆବେଦନ କରିଛନ୍ତି ସେଲ୍ଟର ହୋମର ଘଟଣାର ମୁଖ୍ୟ ତଥା ଡ଼ାର୍ଟି ଡ଼ାଡି । ଏହା ସହିତ ଏଥିରେ କାମ କରୁଥିବା ଅନ୍ୟ ୧୩ ଜଣ କର୍ମଚାରୀ ମଧ୍ୟ ଜାମିନ ଆବେଦନ କରିଛନ୍ତି ବୋଲି ସୂଚନା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ଢେଙ୍କାନାଳ ବେଲଟିକିରି ସେଲଟର ହୋମରେ ଅନ୍ତେବାସୀଙ୍କୁ ଯୌନ ନିର୍ଯ୍ୟାତନା ଦେବା, ଚାଲାଣ ସହ ଧର୍ମାନ୍ତୀକରଣ କରାଯାଉଥିବା ଅଭିଯୋଗରେ ଫୟାଜ ରେହେମାନଙ୍କୁ ଗିରଫ କରାଯାଇଥିଲା । ଏହା ପୂର୍ବରୁ ସ୍ୱତନ୍ତ୍ର ପୋକ୍ସୋ କୋର୍ଟ ଫୟାଜଙ୍କ ଜାମିନ୍ ଆବେଦନକୁ ଦୁଇ ଦୁଇ ଥର ଖାରଜ କରିଦେଇଛନ୍ତି । ତେଣୁ ଫୟାଜଙ୍କ ତରଫରୁ ମାମଲା ଲଢୁଥିବା ତାଙ୍କ ଓକିଲ ଆବେଦନ ପାଇଁ ହାଇକୋର୍ଟଙ୍କ ଦ୍ୱାରସ୍ଥ ହୋଇଛନ୍ତି ।
ସେପଟେ ଏହି ଅଭିଯୋଗ ଆସିବା ପରେ ରାଜ୍ୟରେ ଥିବା ବିଭିନ୍ନ ସେଲଟର ହୋମରେ ଜାତୀୟ ଶିଶୁ ସୁରକ୍ଷା ଅଧିକାର ଆୟୋଗ ଚଢଉ ଜାରି ରଖିଛନ୍ତି । ସେଲଟର ହୋମ ନାଁରେ ଛାତ୍ରୀମାନଙ୍କୁ ନିର୍ଯ୍ୟାତନା ଦିଆଯାଉଥିବା ଅଭିଯୋଗ ଆସିବା ପରେ ସରକାରଙ୍କର ଗାଇଡଲାଇନ ଅନୁସାରେ ସେଲଟର ହୋମ ଗୁଡିକ ଚାଲୁଛି କି ନାହିଁ ତାହା ସମୀକ୍ଷା କରିଛି ଆୟୋଗ