ସମୟ ହୋଇନି କହି ବିଦା କରିଦେଲେ ଡାକ୍ତର, ଅଧା ବାଟରେ ଫୁଟପାଥରେ ଶିଶୁକୁ ଜନ୍ମ ଦେଲେ ପ୍ରସୂତି । କ୍ୟାପିଟାଲରେ ଶୁକ୍ରବାର ହୋଇଥିଲା କଣ, କ୍ୟାମେରା ଆଗରେ ପ୍ରସବ ବେଦନାର ପୂରା କାହାଣୀ କହିଲେ ମା’ ।
କନକ ବ୍ୟୁରୋ : କ୍ୟାପିଟାଲ ହସ୍ପିଟାଲ ଫୁଟପାଥରେ ଜଣେ ପ୍ରସୂତି ପ୍ରସବ କରିବା ଦିନ ରାତିରେ କଣ ଘଟିଥିଲା । ସେ ନେଇ ଗଣମାଧ୍ୟମ ସାମ୍ନାରେ ମୁହଁ ଖୋଲିଛନ୍ତି ମାଆ । ସେଦିନ ରାତିରେ ଘଟିଯାଇଥିବା ପୁରା ଘଟଣାର କାହାଣୀ ଆଜି କନକ ନ୍ୟୁଜରେ ବଖାଣିଛନ୍ତି ମହିଳା ଜଣଙ୍କ । କେମିତି ଡାକ୍ତରଙ୍କ ଗୋଲକଧନ୍ଦା ଭିତରେ ଫଶି ଯାଇଥିଲେ ଓ ଶେଷରେ ଖୋଲା ଆକାଶ ତଳେ ପିଲାକୁ ଜନ୍ମ ଦେଇଥିଲେ ତାହାର ପୂରା କାହାଣୀ କହିଛନ୍ତିୁ ପାନା ।
Kanak News is now on WhatsApp
Join and get latest news updates delivered to you via WhatsApp
ରାଜଧାନୀ ଭୁବନେଶ୍ୱର କେନ୍ଦ୍ରରେ ଥିବା କ୍ୟାପିଟାଲ ହସ୍ପିଟାଲ ସାମ୍ନା ଫୁଟପାଥରେ ଜଣେ ପ୍ରସୂତୀ ମହିଳା ପ୍ରସବ କରିବ ଅଥଚ ହସ୍ପିଟାଲରେ ଚିକିତ୍ସା ପାଇବନି, ଏହି ଘଟଣା ଯେମିତି ସମ୍ବେଦନଶୀଳ, ସେତିକି ସାଂଘାତିକ । ଏହି ଘଟଣାକୁ ନେଇ ଅନେକ ପ୍ରଶ୍ନ ଉଠୁଥିବା ବେଳେ ପ୍ରକୃତରେ ଶୁକ୍ରବାର ରାତିରେ ଘଟିଥିଲା କଣ ତାହାର ପୂରା କାହାଣୀ ବଖାଣିଛନ୍ତି ଫୁଟପାଥରେ ପ୍ରସବ କରିଥିବା ମା’ ।
ପ୍ରସବ ବେଦନାରେ ଛଟପଟ ହେଉଥିବା ଏହି ମା’ଙ୍କୁ ପ୍ରଥମେ ସମୟ ହୋଇନି ବୋଲି କୁହାଗଲା ଏବଂ ପରେ ୯ଟା ପରେ ଆସିବାକୁ କୁହାଗଲା । ଆଉ ଏହି ଗୋଲକଧନ୍ଦା ଭିତରେ କଟକ ନେଇଯିବା ପାଇଁ ବି ପରାମର୍ଶ ଦିଆଯାଇଥିଲା, ହେଲେ କଟକ ଯାଇ ଚିକିତ୍ସା କରିବା ପାଇଁ ତାଙ୍କ ପାଖରେ ସମ୍ବଳ ନଥିଲା । ଆଉ ଏଭଳି ଧାଁ ଦୌଡ ଭିତରେ ହସ୍ପିଟାଲ ଠାରୁ କିଛି ଦୂରରେ ରାସ୍ତା କଡରେ ଶିଶୁକୁ ଜନ୍ମ ଦେଇଥିଲେ ପ୍ରସୂତି ।
ବଡ଼ କଥା ହେଉଛି- ସମୟ ହୋଇନାହିଁ ବୋଲି କହି ବିଦା କରିଦେଇଥିବା ମେଡ଼ିକାଲ କର୍ମଚାରୀଙ୍କ ଉପରେ ବର୍ଷିଛନ୍ତି ପାନାଙ୍କ ସ୍ୱାମୀ । ପ୍ରସବ ଯନ୍ତ୍ରଣା ଆରମ୍ଭ ହେବା ପରେ ଆମ୍ବୁଲାନ୍ସ ନେଇ କ୍ୟାପିଟାଲ ହସ୍ପିଟାଲରେ ପହଂଚିଥିଲେ ପାନା । ହେଲେ ହସ୍ପିଟାଲରେ ପହଂଚିବା ପରେ ସେଇ ଚିକିତ୍ସା ମିଳିନଥିଲା, ଯାହା ଜଣେ ପ୍ରସୂତୀ ମହିଳାଙ୍କୁ ମିଳିବା କଥା ବୋଲି ପାନାଙ୍କ ସ୍ୱାମୀ ଅଭିଯୋଗ କରିଛନ୍ତି ।
ଏପଟେ ହସ୍ପିଟାଲ କୃର୍ତକ୍ଷପ, ରୋଗୀ ଏବଂ ରୋଗୀଙ୍କ ସଂପର୍କୀୟଙ୍କ ମୁଣ୍ଡ ଉପରେ ସବୁ ଦୋଷ ଲଦି ଦେଇ ନିଜେ ଖସିଯିବାକୁ ଉଦ୍ୟମ କରୁଛନ୍ତି । ସେ ସମୟରେ ଉପସ୍ଥିତ ଥିବା ଡାକ୍ତର କହୁଛନ୍ତି ସେ ଓଟିରେ ଥିଲେ ଏବଂ ହସ୍ପିଟାଲ କର୍ତୃପକ୍ଷ କହୁଛନ୍ତି କାହାକୁ ନଜଣାଇ ରୋଗୀ ଚାଲିଯାଇଥିଲେ । ରୋଗୀଙ୍କ ଅଭିଯୋଗ ଏବଂ ହସ୍ପିଟାଲ କର୍ତୃପକ୍ଷଙ୍କ ସଫେଇ ଭିତରେ ପ୍ରଶ୍ନ ହେଉଛି-ଚିକିତ୍ସା ପାଇଁ ହସ୍ପିଟାଲ ଯାଇଥିବା ଜଣେ ରୋଗୀଙ୍କୁ ଚିକିତ୍ସା ମିଳିପାରିଲାନି କାହିଁକି?