ବଦଳିଲା ଦିଲ୍ଲୀ ଡେୟାରଡେଭିଲ୍ସର ନାଁ ! ନୂଆ ପରିଚୟ, ନୂଆ ଅଧିନାୟକ ନେଇ ଏଥର ପଡିଆକୁ ଓହ୍ଲାଇବ ଦଳ ।
କ୍ରିକେଟର ଜଗତର ସବୁଠାରୁ ବଡ ଟୁର୍ଣ୍ଣାମେଣ୍ଟ, ଇଣ୍ଡିଆନ୍ ପ୍ରିମିୟର ଲିଗ୍ ପାଇଁ ଖେଳାଳୀ ନିଲାମୀ ଆଗାମୀ ଡିସେମ୍ବର ମାସ ୧୮ ତାରିଖରେ ହେବ । ତେବେ ଏହା ପୂର୍ବରୁ ସାମ୍ନାକୁ ଆସିଛି ଏକ ବଡ ଖବର । ଗତ କିଛି ସିଜିନ୍ ଧରି ଆଇପିଏଲରେ ଖରାପ ପ୍ରଦର୍ଶନ କରୁଥିବା ଦିଲ୍ଲୀ ଡେୟାରଡେଭିଲ୍ସ ଚଳିତଥର ଆଇପିଏଲରେ ନିଜ ଦଳର ନୂଆ ନାମ ନେଇ ପଡିଆକୁ ଓହ୍ଲାଇବ । ଆଇପିଏଲର ଆଗାମୀ ସିଜିନରେ ଦିଲ୍ଲୀ ଟିମ୍ ଦିଲ୍ଲୀ କ୍ୟାପିଟାଲ୍ସ ନାମରେ ନାମିତ ହେବ । ଏନେଇ ମଙ୍ଗଳବାର ସନ୍ଧ୍ୟାରେ ଦିଲ୍ଲୀ ଫ୍ରାଂଚାଇଜ୍ ପକ୍ଷରୁ ଏନେଇ ସୂଚନା ଦିଆଯାଇଛି । ଆଇପିଏଲରେ ୧୧ ବର୍ଷର ଯାତ୍ରା ଶେଷ କରିବା ପରେ ୨୦୧୯ରେ ଦଳ ଦିଲ୍ଲୀ କ୍ୟାପିଟାଲ୍ସ ନାମରେ ଜଣାଯିବ ।
Kanak News is now on WhatsApp
Join and get latest news updates delivered to you via WhatsApp
ଜାତୀୟ ଗଣମାଧ୍ୟମର ସୂଚନା ଅନୁଯାୟୀ, ଜେଏସଡବ୍ଲୁ ଦଳର ୫୦ ପ୍ରତିଶତ ଅଂଶୀଦାର ହେବା ପରେ ଏଭଳି ନିଷ୍ପତ୍ତି ନିଆଯାଇଥିବା ଜଣାପଡିଛି । ସୂଚନା ଅନୁଯାୟୀ, ବିଗତ କିଛି ସିଜିନ୍ ଧରି ଆଇପିଏଲରେ ଖରାପ ପ୍ରଦର୍ଶନ କରିଆସୁଛି ଦିଲ୍ଲୀ ଡେୟାରଡେଭିଲ୍ସ । ଗୌତମ ଗମ୍ଭୀରଙ୍କ ନେତ୍ୱତ୍ୱରେ ଗତ କିଛି ବର୍ଷ ହେବ ଦିଲ୍ଲୀ ଦଳ ପଡିଆକୁ ଓହ୍ଲାଇଥିବା ବେଳେ ଚଳିତ ସିଜିନରେ ନୂଆ ଅଧିନାୟକଙ୍କ ସହ ନୂଆ ନାଁ ନେଇ ଆଇପିଏଲ ମଇଦାନରେ ନଜର ଆସିବ ଦିଲ୍ଲୀ ଦଳ । କାରଣ ପ୍ରାରମ୍ଭିକ ବ୍ୟାଟ୍ସମ୍ୟାନ ଗୌତମ ଗମ୍ଭୀରକୁ ଦଳ ବାଦ୍ ଦେଇଛି । ତେବେ ୨୦୧୯ ଆଇପିଏଲରେ ଦିଲ୍ଲୀ ଡେୟାରଡେଭିଲ୍ସ, ଦିଲ୍ଲୀ କ୍ୟାପିଟାଲ୍ସ ନାମରେ ଜଣାଯିବ ।