କରୋନା ପାଇଁ ଦରମା କଟକଣା । ମୁଖ୍ୟମନ୍ତ୍ରୀ, ମନ୍ତ୍ରୀଙ୍କୁ ୩୦ ପ୍ରତିଶତ, ଆଇଏଏସ, ଆଇପିଏସ ଅଧିକାରୀଙ୍କୁ ମିଳିବ ୫୦ ପ୍ରତିଶତ ଦରମା । ବଳକା ଦରମା ପରେ ମିଳିବ ।
କନକ ବ୍ୟୁରୋ : କରୋନା ମୁକାବିଲା ପାଇଁ ପୂରା ଦେଶରେ ଲକଡାଉନ ଜାରି ରହିଛି । ଏଭଳି ସ୍ଥିତିରେ ଯେପରି କେହି ସମସ୍ୟାର ସମ୍ମୁଖୀନ ନ ହୁଅନ୍ତୁ ସେଥିପାଇଁ ରାଜ୍ୟ ସରକାରଙ୍କ ପକ୍ଷରୁ ଆର୍ଥିକ ପ୍ୟାକେଜ ଘୋଷଣା କରିଛନ୍ତି । ତେବେ କରୋନା ସ୍ଥିତିରେ ଅର୍ଥନୀତିକୁ ଦୃଷ୍ଟିରେ ରଖି ବଡ ନିଷ୍ପତି ନେଇଛନ୍ତି ରାଜ୍ୟ ସରକାର । ମନ୍ତ୍ରୀ, ବିଧାୟକ, ନିଗମ ଅଧ୍ୟକ୍ଷ ଓ ଏପରିକି ନିର୍ବାଚିତ ଜନପ୍ରତିନିଧି ମାନଙ୍କ ଦରମାକୁ ନେଇ ବଡ ନିଷ୍ପତି ନେଇଛନ୍ତି ଓଡ଼ିଶା ସରକାର । କରୋନା ପାଇଁ ମୁଖ୍ୟମନ୍ତ୍ରୀଙ୍କ ସମେତ ମନ୍ତ୍ରୀ, ବିଧାୟକ, ନିଗମ ଅଧ୍ୟକ୍ଷ ଓ ନିର୍ବାଚିତ ଜନପ୍ରତିନିଧିଙ୍କୁ ଦରମାର ୩୦ ପ୍ରତିଶତ ଦିଆଯିବା ନିଷ୍ପତି ହୋଇଛି । ବାକି ୭୦ ପ୍ରତିଶତ ଦରମା ପରବର୍ତ୍ତୀ ସମୟରେ ଦିଆଯିବ ।
Kanak News is now on WhatsApp
Join and get latest news updates delivered to you via WhatsApp
କେବଳ ମନ୍ତ୍ରୀ, ବିଧାୟକ ନୁହଁନ୍ତି ବରଂ ବଡ ବଡିଆ ଅଫିସରଙ୍କ ଦରମାକୁ ନେଇ ମଧ୍ୟ ବଡ ନିଷ୍ପତି ନେଇଛନ୍ତି ରାଜ୍ୟ ସରକାର । ସମସ୍ତ ଆଇଏଏସ, ଆଇପିଏସ ଓ ଆଇଏଫଏସ ଅଧିକାରୀଙ୍କୁ ମଧ୍ୟ ଏବେ ମାତ୍ର ୫୦ ପ୍ରତିଶତ ଦରମା ଦେବାକୁ ନିଷ୍ପତି ନିଆଯାଇଛି । ବଳକା ୫୦ ପ୍ରତିଶତ ଦରମା ପରବର୍ତ୍ତୀ ସମୟରେ ଦିଆଯିବ ବୋଲି କୁହାଯାଇଛି । ଏହି ନିଷ୍ପତିକୁ ତୁରନ୍ତ ଲାଗୁ କରିବାକୁ ନିର୍ଦ୍ଦେଶ ଦିଆଯାଇଛି ।