ସାଂସଦ ଅନୁଭବ ମହାନ୍ତିଙ୍କ ନାଁରେ ମାନହାନୀ ଅଭିଯୋଗ ଆଣିଲେ ମନଜିତ୍ । ସୋସିଆଲ ମିଡିଆରେ ଅପପ୍ରଚାର କରୁଥିବା ନେଇ ଅନୁଭବଙ୍କ ନାଁରେ ଥାନାରେ ଦେଲେ ଏତଲା ।
କନକ ବ୍ୟୁରୋ : ସାଂସଦ ଅନୁଭବ- ମନଜିତ୍ ବିବାଦ ପ୍ରସଙ୍ଗ । ସାଂସଦ ଅନୁଭବ ମହାନ୍ତିଙ୍କ ନାଁରେ ମାନହାନୀ ଅଭିଯୋଗ ଆଣିଲେ ମନଜିତ୍ ଦାଶ । କଟକ ପୁରୀଘାଟ ଥାନାରେ ଏନେଇ ଅଭିଯୋଗ ଆଣିଛନ୍ତି ମନଜିତ୍ । ସୋସିଆଲ ମିଡିଆରେ ଅନୁଭବ ମହାନ୍ତି ମୋ ନାଁରେ ଅପପ୍ରଚାର କରୁଥିବା ବେଳେ ଏହା ଯୋଗୁଁ ମୋର ସମ୍ମାନହାନୀ ହେଉଛି ବୋଲି କହିଛନ୍ତି ମନଜିତ୍ । ତେଣୁ ତାଙ୍କ ବିରୋଧରେ ଆଇଟି ଆକ୍ଟ ଅନୁଯାୟୀ କାର୍ଯ୍ୟାନୁଷ୍ଠାନ ନିଆଯାଉ ବୋଲି ଏତଲାରେ ଦର୍ଶାଇଛନ୍ତି ମନଜିତ୍ ।
Kanak News is now on WhatsApp
Join and get latest news updates delivered to you via WhatsApp
ଏହାପୂର୍ବରୁ ଗାଡି ପାର୍କିଂ ବିବାଦକୁ ନେଇ ପାଟିତୁଣ୍ଡ ହୋଇଥିବା ବେଳେ ମନଜିତଙ୍କ ନାଁରେ ଥାନାରେ ଏତଲା ଦେଇଥିଲେ ଅନୁଭବ । ଏପରିକି ଏତଲା ପରେ ପୋଲିସ କାର୍ଯ୍ୟାନୁଷ୍ଠାନ ନେବା ପରିବର୍ତ୍ତେ ଦୁର୍ବବ୍ୟହାର କରୁଥିବା ନେଇ ଅନୁଭବ ଅଭିଯୋଗ କରିଥିଲେ । ଅନୁଭବଙ୍କ ଏତଲା ଆଧାରରେ ମନଜିତଙ୍କୁ ଥାନାକୁ ଡାକିଥିଲା ପୋଲିସ । ସେତେବେଳେ ଅନୁଭବଙ୍କ ଗଣମାଧ୍ୟମ ସାମ୍ନାରେ ପାଲଟା ଅଭିଯୋଗ ଆଣିଥିଲେ ମନଜିତ । ସାଂସଦ ତାଙ୍କୁ ଦୁର୍ବ୍ୟବହାର କରୁଥିବା କହିଥିଲେ ମନଜିତ୍ । କିନ୍ତୁ ଏତଲା ଦେବାକୁ ମନା କରିଥିଲେ କିନ୍ତୁ ସୋସିଆଲ ମିଡିଆରେ ତାଙ୍କ ନାଁରେ ଅପପ୍ରଚାର କରୁଥିବାରୁ ଅନୁଭବଙ୍କ ନାଁରେ ଏତଲା କରିଛନ୍ତି ମନଜିତ୍ ।