କନକ ବ୍ୟୁରୋ: ଗତକାଲି ମନ୍ତ୍ରୀପଦ ଯାଇଥିଲା ଆଜି ଦଳୀୟ ପଦରୁ ଦିଆଗଲା ବାଦ । ଦାମଙ୍କ ବିରୋଧରେ ପୁଣି ଦଳ ନେଲା କାର୍ଯ୍ୟାନୁଷ୍ଠାନ ।ଦାମଙ୍କ ବିରୋଧରେ ମାଷ୍ଟରଷ୍ଟ୍ରୋକ ଖେଳିଛଇ ଦଳ । ବିଜେଡିର ଉପ-ସଭାପତି ପଦରୁ ଆଜି ଦାମୋଦର ରାଉତଙ୍କୁ ଅବ୍ୟାହତି ଦିଆଯାଇଛି । କେବଳ ଉପ-ସଭାପତି ପଦ ନୁହେଁ ଢେଙ୍କାନାଳ ଜିଲ୍ଲା ପଯ୍ୟବେକ୍ଷକରୁ ମଧ୍ୟ ଦାମ ରାଉତଙ୍କୁ ବିଦା କରାଯାଇଛି । ବିଜୁ ଜନତା ଦଳ ପକ୍ଷରୁ ଏନେଇ ଏକ ପ୍ରେସ ରିଲିଜରେ ସୂଚନା ଦିଆଯାଇଛି । ଏହାସହ ଏହାକୁ ତୁରନ୍ତ ଲାଗୁ କରିବାକୁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି । ତେବେ କେଉଁ କାରଣରୁ ଦାମଙ୍କୁ ଉପ-ସଭାପତି ତଥା ଢେଙ୍କାନାଳ ଜିଲ୍ଲା ପର୍ଯ୍ୟବେକ୍ଷକରୁ ଅବ୍ୟାହତି ଦିଆଗଲା ସେ ନେଇ କୌଣସି ସ୍ପଷ୍ଟ କାରଣ ଦର୍ଶଯାଇନାହିଁ ।
Kanak News is now on WhatsApp
Join and get latest news updates delivered to you via WhatsApp
ବ୍ରାହ୍ମଣଙ୍କୁ ନେଇ ବିବାଦୀୟ ବୟାନ ପାଇଁ ଶୁକ୍ରବାର ଦାମ ରାଉତଙ୍କୁ ମନ୍ତ୍ରୀପଦରୁ ବହିଷ୍କାର କରିଥିଲେ ଦଳୀୟ ସୁପ୍ରିମୋ ନବୀନ ପଟ୍ଟନାୟକ । ଜାତିଆଣ ମନ୍ତବ୍ୟ ପାଇଁ ଦାମଙ୍କୁ ବହିଷ୍କାର କରାଯାଇଥିବା ନବୀନ କହିଥିଲେ । ତେବେ ଏହାପରେ ଦାମ ପୁଣିଥରେ ମୁହଁ ଖୋଲିଥିଲେ କହିଥିଲେ ତାଙ୍କୁ ଇସ୍ତଫା ଦିଆଯିବା ପାଇଁ କୁହାଯାଇଥିଲା କିନ୍ତୁ ସେ ମନା କରିବାରୁ ତାଙ୍କୁ ମନ୍ତ୍ରୀପଦରୁ ବହିଷ୍କାର କରାଯାଇଥିଲା । ତେବେ ଆଗାମୀ ୨୬ ତାରିଖରେ ବିଜେଡିର ପ୍ରତିଷ୍ଠା ଦିବସ ପାଳନ ହେବାକୁ ଥିବା ବେଳେ ଦଳ ପକ୍ଷରୁ ବରିଷ୍ଠ ନେତାଙ୍କ ଉପରେ ଏଭଳି କାର୍ଯ୍ୟାନୁଷ୍ଠାନ ରାଜ୍ୟ ରାଜନୀତିକୁ ଆହୁରି ଗରମ କରିଛି । ତେବେ ଆଗାମୀ ଦିନରେ ଦାମଙ୍କ ଆଭିମୁଖ୍ୟ କଣ ରହିବ ତାହା ଉପେରେ ଏବେ ସମସ୍ତଙ୍କ ନଜର ।