ଥାଇଲାଣ୍ଡ ଆଡକୁ ମୁହାଁଉଛି ପାବୁକ! ଓଡିଶାର ୭ ଜିଲ୍ଲା ପାଇଁ ସର୍ତକ ସୂଚନା
କନକ ବ୍ୟୁରୋ : ତିତଲି ଓ ପେଥାଇ ପରେ ପାବୁକ ଆସୁଛି । ମାଡି ଆସୁଛି ବାତ୍ୟା ପାବୁକ । ଆଣ୍ଡାମାନର ପୋର୍ଟବ୍ଲେୟାର ଠାରୁ ପ୍ରାୟ ୧୫୦୦ କିଲୋମିଟର ଦୂରରେ ରହିଛି ପାବୁକ । ପଶ୍ଚିମ ଓ ଉତ୍ତର ପଶ୍ଚିମ ଦିଗକୁ ଗତି କରୁଛି ବାତ୍ୟା ପାବୁକ । ଜାନୁଆରୀ ୫ ଅପରାହ୍ନ ସୁଦ୍ଧା ଏହା ଆଣ୍ଡାମାନ ଉପକୂଳବର୍ତ୍ତୀ ଅଞ୍ଚଳ ଉପରେ ରହିବ ବୋଲି ପାଣିପାଗ ବିଭାଗ ପକ୍ଷରୁ ଅନୁମାନ କରାଯାଇଛି । ଏହାପରେ ଉତ୍ତର ପଶ୍ଚିମ ଦିଗକୁ ଗତି କରି ପାବୁକ ଆଣ୍ଡାମାନ ଛୁଇଁବ । ଏହାପରେ ୬ ଜାନୁଆରୀରେ ଏହା ଆଣ୍ଡାମାନ ଦେଇ ମିଆଁମାର ଆଡକୁ ଗତି କରିବ ବୋଲି ପାଣିପାଗ ବିଭାଗ ପକ୍ଷରୁ ସୂଚନା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ପାବୁକ ବାତ୍ୟାକୁ ଦୃଷ୍ଟିରେ ରଖି ଓଡିଶାର ୭ଟି ଜିଲ୍ଲାର ଜିଲ୍ଲାପାଳଙ୍କ ପାଇଁ ସର୍ତକ ସୂଚନା ଜାରି କରିଛନ୍ତି ଏସଆରସି । ବାଲେଶ୍ୱର, ଭଦ୍ରକ, ଜଗତସିଂହପୁର, କେନ୍ଦ୍ରାପଡା, ପୁରୀ, ଗଞ୍ଜାମ, ଓ ଖୋର୍ଦ୍ଧା ଜିଲ୍ଲାପାଳଙ୍କୁ ସର୍ତକ ରହିବାକୁ କୁହାଯାଇଛି । ତେବେ ଓଡିଶାରେ ପାବୁକର ପ୍ରଭାବ କଣ ପଡିବ ତାହା ଜଣାପଡିନଥିଲେ ମଧ୍ୟ ଏହି ସମୟରେ ସମୁଦ୍ର ଅଶାନ୍ତ ରହିବ । ପାଣିପାଗ ବିଭାଗ ପକ୍ଷରୁ ସୂଚନା ଅନୁଯାୟୀ, ବାତ୍ୟା ପାବୁକ ଥାଇଲାଣ୍ଡ ଆଡକୁ ମୁହାଁଉଛି ।