ଖୋଲିଲା ସାବରିମାଳା ମନ୍ଦିର, ହେଲେ ଦର୍ଶନରୁ ବଞ୍ଚିତ ହେଲେ ମହିଳା । ପରମ୍ପରା ନାଁରେ ବେସ୍ କ୍ୟାମ୍ପରୁ ମହିଳା ଶ୍ରଦ୍ଧାଳୁଙ୍କ ଫେରାଇ ଦେଲେ ସୁରକ୍ଷକର୍ମୀ
ସୁରକ୍ଷା ଯୋଗାଇ ଦେବାକୁ କେରଳ ସରକାରଙ୍କ ପଛଘୁଂଚା
କନକ ବ୍ୟୁରୋ: ଖୋଲିଲା କେରଳର ପ୍ରସିଦ୍ଧ ସାବରିମାଳା ମନ୍ଦିର । ହେଲେ ପ୍ରଥମ ଦିନରେ କିନ୍ତୁ ମହିଳା ମନ୍ଦିରକୁ ପ୍ରବେଶ କରି ଦର୍ଶନ କରିବାକୁ ମିଳିଲାନି ସୁଯୋଗ । ସୁପ୍ରିମକୋର୍ଟଙ୍କ ରାୟ ପରେ ବି ସ୍ୱାମୀ ଅୟପ୍ପାଙ୍କ ପୂଜା ପାଇଁ ଯାଇଥିବା ମହିଳା ଭକ୍ତ ନିରାଶ ହୋଇ ଫେରିଛନ୍ତି । ଆନ୍ଧ୍ର ପ୍ରଦେଶରୁ ଆସିଥିବା ପ୍ରାୟ ୧୦ ମହିଳା ଭକ୍ତଙ୍କୁ ମନ୍ଦିର ପ୍ରବେଶ କରି ଆୟପ୍ପାଙ୍କ ପୂଜା କରିବା ପାଇଁ ସୁଯୋଗ ଦିଆଯାଇନି । ସେମାନଙ୍କୁ ପଂବା ବେସ୍ କ୍ୟାମ୍ପ ନିକଟରୁ ନିରାଶ ହୋଇଫେରିବାକୁ ପଡିଛି । ଆଉ କିଛି ମହିଳା ମନ୍ଦିର ନିକଟରୁ ଫେରିଛନ୍ତି । କେରଳର ସାବରିମାଳା ମନ୍ଦିରର ପରଂମ୍ପରାର ନାଁ ନେଇ ମହିଳା ଶ୍ରଦ୍ଧାଳୁଙ୍କୁ ଆଗକୁ ବଢିବାକୁ ଦେଇନଥିଲେ ସୁରକ୍ଷାକର୍ମୀ ।
Kanak News is now on WhatsApp
Join and get latest news updates delivered to you via WhatsApp
ସେପଟେ କେରଳ ସରକାର କହିଛନ୍ତି କୌଣସି ମହିଳା ଭକ୍ତ ମନ୍ଦିରକୁ ଯିବାକୁ ଚାହିଁବେ ସେମାନଙ୍କୁ ସ୍ୱତନ୍ତ୍ର ସୁରକ୍ଷା ଯୋଗାଇ ଦିଆଯିବ ନାହିଁ । ଏଥିିପାଇଁ ସେମାନଙ୍କୁ କୋର୍ଟରୁ ଅର୍ଡର ଆଣିବାକୁ ପଡିବ । ନଭେମ୍ୱର ୧୬ ତାରିଖରୁ ଦୁଇ ମାସ ଧରି ଶ୍ରଦ୍ଧାଳୁମାନେ ଏବେ ସ୍ୱାମୀ ଆୟପ୍ପାଙ୍କ ଦର୍ଶନ କରିପାରିବେ । ସବରିମାଳା ମନ୍ଦିରରେ ମହିଳାଙ୍କ ପ୍ରବେଶ ନେଇ ବିବାଦ ପରେ କେରଳ ହାଇକୋର୍ଟ ମହିଳାଙ୍କ ପ୍ରବେଶ ଉପରେ ରୋକ୍ ଲଗାଇଛନ୍ତି । ଏହାକୁ ବିରୋଧ କରି ସୁପ୍ରିମକୋର୍ଟରେ ମନ୍ଦିରରେ ମହିଳାଙ୍କୁ ପ୍ରବେଶ ଅଧିକାର ଦେଇଥିଲେ । ଯାହା ବିରୋଧରେ ୬୫ଟି ଆବେଦନ ପଡିଛି ।