ବିଜେପି ବିଧାୟିକାଙ୍କ ବିବାଦୀୟ ବୟାନ ! କହିଲେ ନିରାଶା, ବେକାରୀ ଯୋଗୁଁ ବଢୁଛି ଦୁଷ୍କର୍ମ ।
ହରିୟାଣାର ବିଜେପି ବିଧାୟିକା ପ୍ରେମଲତା ସିଂହ ଏକ ବିବାଦୀୟ ବୟାନ ଦେଇ ଚର୍ଚ୍ଚାକୁ ଆସିଛନ୍ତି । ସେ କହିଛନ୍ତି, ଯୁବଗୋଷ୍ଠୀଙ୍କ ମଧ୍ୟରେ ବେକାରୀ ଓ ନିରାଶା ବୃଦ୍ଧି ପାଇବା କାରଣରୁ ଦୁଷ୍କର୍ମ ଘଟଣା ଦିନକୁ ଦିନ ବଢିଚାଲିଛି । ଦୁଷ୍କର୍ମ ପଛରେ ଏହା ହିଁ ମୁଖ୍ୟ କାରଣ ରହିଥିବା ହରିୟାଣାର ବିଜେପି ବିଧାୟିକା ପ୍ରେମଲତା ସିଂହ କହିଛନ୍ତି । ତେବେ ବିଧାୟିକାଙ୍କ ଏଭଳି ବୟାନକୁ ନେଇ ସୋସିଆଲ ମିଡିଆରେ ତାଙ୍କୁ ତୀବ୍ର ସମାଲୋଚନା କରାଯାଇଛି । ଜଣେ ବିଧାୟିକା ଓ ନାରୀ ହୋଇଥିବା ସତ୍ତେ୍ୱ ତାଙ୍କ ମୁହଁରୁ ଏଭଳି ବୟାନ ପ୍ରକାଶ ପାଇବା ପରିତାପର ବିଷୟ ବୋଲି କିଛି ଲୋକ ଦର୍ଶାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ହରିୟାଣାର ଉଚଣା କଲାଣ ବିଧାୟିକା ତଥା କେନ୍ଦ୍ରମନ୍ତ୍ରୀ ବୀରେନ୍ଦର ସିଂହଙ୍କ ପତ୍ନୀ ପ୍ରେମଲତା ସିଂହ କହିଛନ୍ତି, ନିରାଶା ଭାବ ବର୍ତ୍ତମାନ ପରିପ୍ରେକ୍ଷୀରେ ଯୁବପୀଢିଙ୍କ ମନକୁ ଭାରାକ୍ରାନ୍ତ କରିପକାଇଛି । ସେମାନେ ନିଜ ଭବିଷ୍ୟତକୁ ନେଇ ବେଶ୍ ସନ୍ଦିହାନ ହେଉଛନ୍ତି । ଫଳରେ ସେମାନେ ତୀବ୍ର ଅବସାଦର ସମ୍ମୁଖୀନ ହୋଇ ଏଭଳି କାଣ୍ଡ ଘଟାଉଥିବା ବିଧାୟିକା କହିଛନ୍ତି । କୌଣସି ସ୍ଥାନରେ ମହିଳାଙ୍କୁ ଦେଖିବା କ୍ଷଣି ସେମାନଙ୍କ ମନରେ ଖରାପ ଉଦ୍ଦେଶ୍ୟ ଜାଗ୍ରତ ହେଉଛି । ଉଲ୍ଲେଖଯୋଗ୍ୟ, ହରିୟାଣାର ସିବିଏସଇ ଟପ୍ପର ଗଣଦୁଷ୍କର୍ମ ହେବା ଘଟଣା ଉପରେ ମନ୍ତବ୍ୟ ରଖି ପ୍ରେମଲତା ଏଭଳି ବୟାନ୍ ରଖିଛନ୍ତି ।