କାଳିଆ ଯୋଜନାକୁ ନେଇ ରାଜ୍ୟ ସରକାରଙ୍କ ଉପରେ ବର୍ଷିଲା କଂଗ୍ରେସ। କହିଲା, କାଳିଆ ଅଯୋଗ୍ୟ ହିତାଧିକାରୀ ବାବଦରେ ବିଧାନସଭାରେ ଭୁଲ ତଥ୍ୟ ଦେଇଛନ୍ତି କୃଷିମନ୍ତ୍ରୀ
ନିର୍ବାଚନୀ ଫାଇଦା ପାଇଁ କାଳିଆ ଯୋଜନାକୁ କରାଯାଇଛି ବ୍ୟବହାର
କନକ ବ୍ୟୁରୋ: କାଳିଆ ଯୋଜନାକୁ ନେଇ ରାଜ୍ୟ ସରକାରଙ୍କ ଉପରେ ବର୍ଷିଛି କଂଗ୍ରେସ । ନିର୍ବାଚନୀ ଫାଇଦା ପାଇଁ କାଳିଆ ଯୋଜନାକୁ ବ୍ୟବହାର କରାଯାଇଛି । ବିଧାନସଭାରେ କୃଷି ମନ୍ତ୍ରୀ ଅରୁଣ ସାହୁ ଭୁଲ ତଥ୍ୟ ଦେଇଛନ୍ତି ବୋଲି କଂଗ୍ରେସ ନେତା ସତ୍ୟପ୍ରକାଶ ନାୟକ ସାମ୍ବାଦିକ ସମ୍ମିଳନୀ କରି କହିଛନ୍ତି । ଭୁଲ ତଥ୍ୟ ନେଇ ଗୃହର ଅବମାନନା କରିଛନ୍ତି ମନ୍ତ୍ରୀ । କୃଷି ମନ୍ତ୍ରୀଙ୍କ ବିରୋଧରେ ମୁଖ୍ୟମନ୍ତ୍ରୀ ଫାଇଭ ଟି ବ୍ୟବହାର କରନ୍ତୁ ବୋଲି କଂଗ୍ରେସ କହିଛି । ଅରୁଣ ସାହୁଙ୍କ ବିରୋଧରେ ମୁଖ୍ୟମନ୍ତ୍ରୀ କାର୍ଯ୍ୟାନୁଷ୍ଠାନ ନିଅନ୍ତୁ ବୋଲି କଂଗ୍ରେସ ଦାବି କରିଛି ।
Kanak News is now on WhatsApp
Join and get latest news updates delivered to you via WhatsApp
ସତ୍ୟ ନାୟକ କହିଛନ୍ତି କି, କାଳିଆ ଯୋଜନାକୁ ନେଇ କୃଷି ମନ୍ତ୍ରୀ ଅରୁଣ ସାହୁ ପବିତ୍ର ବିଧାନସଭା ଗୃହରେ ଯେଉଁ ତଥ୍ୟ ଉପସ୍ଥାପନା କରିଥିଲେ ତାହା ସଂପୂର୍ଣ୍ଣ ରୂପେ ଭୁଲ ଅଟେ । ମନ୍ତ୍ରୀ ଅସଲି ଚିଠା ପରିବର୍ତ୍ତେ ନକଲି ଚିଠା ଉପସ୍ଥାପନା କରିଛନ୍ତି । ତେବେ ଆରଟିଆଇ ତଥ୍ୟରେ ଗତ ଅକ୍ଟୋବର ମାସ ସୁଧା ୧ଲକ୍ଷ ୭୨ ହଜାର ୯୦୮ ଜଣ ଅଯୋଗ୍ୟ କାଳିଆ ହିତାଧିକାରୀ ସାମିଲ ଅଛନ୍ତି ବୋଲି ତଥ୍ୟ ରହିଛି । କିନ୍ତୁ ମନ୍ତ୍ରୀ ଗୃହରେ ୪୫ ହଜାର ୯୬୫ ଜଣ ଅଯୋଗ୍ୟ ହିତାଧିକାରୀ ବୋଲି କହିଥିଲେ । ବିଧାନସଭାରେ ବିଭାଗୀୟ ମନ୍ତ୍ରୀ ତଥା ଅରୁଣ ସାହୁ ଯେଉଁ ଚିଠା ଦେଇଥିଲେ ତାହା ଥିଲା ନକଲି ଚିଠା । କାରଣ ମୋଟ ୩୦ ଜିଲ୍ଲାର ୪୫ ହଜାର ୯୬୫ ଜଣ ଅଯୋଗ୍ୟ ହିତାଧିକାରୀ ଅଛନ୍ତି ବୋଲି ସେ ବିଧାନସଭାରେ ରିପୋର୍ଟ ଦେଇଥିଲେ ।
କିନ୍ତୁ ମାତ୍ର ୧୦ଟି ଜିଲ୍ଲାର ଆରଟିଆଇ ତଥ୍ୟ କହୁଛି କି, କୋରାପୁଟ ଜିଲ୍ଲାରେ ୧୫ ହଜାର ୨୫୫ ଜଣ ଅଯୋଗ୍ୟ ହିତାଧିକାରୀ ଚିହ୍ନଟ ହୋଇଥିବା ବେଳେ କେବଳ ସୁବର୍ଣ୍ଣପୁରରେ ୩୭ ହଜାର ୭୫୯ଜଣ ଅଯୋଗ୍ୟ ହିତାଧିକାରୀ ଚିହ୍ନଟ ହୋଇଛନତି । ସେହିଭଳି ଖୋର୍ଧାରେ ୧୮ ହଜାର ୫୫୨, ଗଂଜାମରେ ୧୯ ହଜାର ୯୮୦ , ମୟୂରଭଂଜରେ ୧୪ ହଜାର ୧୭, ମାଲକାନଗିରିରେ ୯ ହଜାର ୮୫୨ , ସୁନ୍ଦରଗଡ ୧୧ହଜାର ୫୪୨, ସମ୍ବଲପୁର ୧୦ ହଜାର ୫୦ ଏବଂ ଜଗତସିଂହପୁର ୧୫ ହଜାର ୮୯୧ ଜଣ ଅଯୋଗ୍ୟ ହିତାଧିକାରୀ ଅଛନ୍ତି । ତେବେ ମାତ୍ର ୧୦ଟି ଜିଲ୍ଲାର ମୋଟ ଅଯୋଗ୍ୟ ହିତାଧିକାରୀଙ୍କ ସଂଖ୍ୟା ହେଲା ୧ ଲକ୍ଷ ୭୨ ହଜାର ୯୦୮ ଅର୍ଥାତ୍ ୮୬ କୋଟିରୁ ଅଧିକ ଟଙ୍କରା ହେରଫେର ହୋଇଛି ଆଉ ମନ୍ତ୍ରୀଙ୍କ ଉପରେ କଣ ଚାପ ପଡିଲା , କିଏ ଚାପ ପକାଇଲା ଏ କାଳିଆ କେଳେଙ୍କାରୀରୁ ବଂଚିବା ପାଇଁ ଆଉ ଅସଲି ଚିଠାକୁ ଚାପି ଦେଇ ଗୋଟେ ନକଲି ଚିଠାର ଉତର ଦେଲେ ସ୍ପଷ୍ଟ କରନ୍ତୁ ବୋଲି ଦାବି କରିଛି କଂଗ୍ରେସ ।