ଅମଣିଷ ପାଲଟିଲା ଅଫିସର ! କମ୍ପାନୀର ଲକ୍ଷ୍ୟ ପୂରଣ ନକରିପାରିବାରୁ କର୍ମଚାରୀଙ୍କୁ ଜିଅନ୍ତା ମାଛ ଏବଂ କୁକୁଡାର ରକ୍ତ ପିଇବାକୁ ଦେଲା ମାଲିକ ।
ଚୀନ୍ ର ଗୋଟିଏ କମ୍ପାନୀରେ କର୍ମଚାରୀଙ୍କ ସଫଳପୂର୍ଣ୍ଣ କାର୍ଯ୍ୟଦକ୍ଷତା ନ ହେବାରୁ ମାଲିକ ତାଙ୍କୁ ଏଭଳି ଦଣ୍ଡ ଦେଲା ଯେ କର୍ମଚାରୀଙ୍କ ଆଖିରୁ ଲୁହ ବାହାରିଆସିଲା । ଲକ୍ଷ୍ୟ ପୂରଣ ନ କରିପାରିବାରୁ କମ୍ପାନୀ ୧୨ ରୁ ଅଧିକ କର୍ମଚାରୀମାନଙ୍କୁ ଜିଅନ୍ତା ମାଛ ଏବଂ କୁକୁଡାର ରକ୍ତ ପିଇବାର ଦଣ୍ଡ ଦେଲା । ଏହାର ଏକ ଭିଡିଓ ମଧ୍ୟ ଭାଇରାଲ୍ ହୋଇଛି ଏବଂ ଏହି ଭିଡିଓ ଏବେ ଚର୍ଚ୍ଚାର ବିଷୟ ପାଲଟିଛି । କର୍ମଚାରୀଙ୍କୁ ପ୍ରତାଡିତ କରୁଥିବା ଏହି ଭିଡିଓରେ ହେଖାଯାଉଛି ଯେ ଜଣେ ବ୍ୟକ୍ତି ବାଲଟିରେ ଜିଅନ୍ତା ମାଛମାନଙ୍କୁ କାଢି କର୍ମଚାରୀଙ୍କୁ ଖାଇବାକୁ ଦେଉଛି । କମ୍ପାନୀର ଜଣେ କର୍ମଚାରୀ ଚୀନର ଏକ ଖବରକାଗଜକୁ ସାକ୍ଷାତକାର ଦେଇ କହିଛନ୍ତି ଯେ ଏହି ଘଟଣା ହେଉଛି ଅଗଷ୍ଟ ୪ ତାରିଖର । କମ୍ପାନୀ ୨୦ ଜଣ କର୍ମଚାରୀଙ୍କୁ ଲକ୍ଷ୍ୟ ପୂରଣ ନକରିବା ଯୋଗୁଁ ଜିଅନ୍ତା ମାଛ ଏବଂ କୁକୁଡାର ରକ୍ତ ପିିଇବା ପାଇଁ ବାଧ୍ୟ କରିଥିଲା ।
Kanak News is now on WhatsApp
Join and get latest news updates delivered to you via WhatsApp
ସୋସିଆଲ୍ ମିଡିଆରେ ଭିଡିଓ ସାମ୍ନାକୁ ଆସିିବା ପରେ କମ୍ପାନୀର ଅଧିକାରୀ କହିଥିଲେ ଯେ ଏହି ଦଣ୍ଡ ପାଇବା ପରେ ଭବିଷ୍ୟତରେ କର୍ମଚାରୀ ଆଉ ଏଭଳି ଭୁଲ୍ କରିବେ ନାହିଁ । ଏଭଳି ଦଣ୍ଡ ତାଙ୍କୁ ଭଲ କାମ କରିବା ପାଇଁ ପ୍ରେରଣା ଯୋଗାଇବ । କମ୍ପାନୀ ମାଲିକ କହିଥିଲେ ଯେ କର୍ମଚାରୀମାନଙ୍କୁ ଏଥିରେ କୌଣସି ବାଧ୍ୟ କରାଯାଇନଥିଲା । କାମ ଛାଡିବା ନଚେତ୍ ମାଛ / କୁକୁଡା ରକ୍ତ ପିଇବା ଭିତରୁ ତାଙ୍କୁ ଗୋଟିଏ ବିକଳ୍ପ ବାଛିବାକୁ ଥିଲା । ତେବେ ଏହି ଭିଡିଓ ସାମ୍ନାକୁ ଆସିବା ପରେ ଏନେଇ ଜାଞ୍ଚ୍ କରିବା ଆରମ୍ଭ ହୋଇଯାଇଛି ।