ଝାରସୁଗୁଡ଼ା ବିମାନବନ୍ଦରକୁ ଉଡ଼ିବ କମର୍ସିଆଲ ବିମାନ । ‘ଉଡ଼ାନ’ ଯୋଜନାରେ ଘୋଷଣା କଲେ କେନ୍ଦ୍ର ସରକାର ।
କନକ ବ୍ୟୁରୋ: ଝାରସୁଗୁଡ଼ା ବିମାନବନ୍ଦରକୁ ଉଡ଼ିବ କମର୍ସିଆଲ ବିମାନ । କେନ୍ଦ୍ର ବେସାମରିକ ବିମାନ ଚଳାଚଳ ମନ୍ତ୍ରାଳୟ ପକ୍ଷରୁ ୩ୟ ପର୍ଯ୍ୟାୟ ଉଡାନ ସ୍କିମ କାର୍ଯ୍ୟକ୍ରମରେ ଏନେଇ ଘୋଷଣା କରାଯାଇଛି । ତେବେ ଏଥିରେ ମୋଟ୍ ୨୩୫ଟି ରୁଟ ପାଇଁ ଲାଇସେନ୍ସ ପ୍ରଦାନ କରାଯାଇଛି । ଏସବୁ ରୁଟ ପାଇଁ ଲାଇସେନ୍ସ ପାଇଥିବା ବିମାନସେବା କମ୍ପାନିମାନେ ହେଲେ ସ୍ପାଇସ୍ ଜେଟ, ଇଣ୍ଡିଗୋ, ଜେଟ ଏୟାରେଓ୍ଵଜ, ଏୟାର ଇଣ୍ଡିଆର ଶାଖା କମ୍ପାନି ଆଲାଏନ୍ସ ଏୟାର ଓ ଟର୍ବୋ ଆଭିଏସନ ।
Kanak News is now on WhatsApp
Join and get latest news updates delivered to you via WhatsApp
ଏହି ଯୋଜନା ସଂପର୍କରେ ଘୋଷଣା କରି କେନ୍ଦ୍ର ପେଟ୍ରୋଲିୟମ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି ଯେ ଓଡ଼ିଶାର ଝାରସୁଗୁଡ଼ା ଏୟାରପୋର୍ଟକୁ ଦେଶର ୬ଟି ସହରରୁ ବିମାନ ଚଳାଚଳ କରିବ । ଏହି ସହରଗୁଡ଼ିକ ହେଲେ ଭୁବନେଶ୍ୱର, ମୁମ୍ବାଇ, କୋଲକତା, ହାଇଦ୍ରାବାଦ,ଦିଲ୍ଲୀ ଓ ରାୟପୁର । ଅନ୍ୟପକ୍ଷରେ ଭୁବନେଶ୍ୱରର ନୂଆ ଓ ପୁରୁଣା ଏୟାରପୋର୍ଟକୁ ମିଶାଇ ଏକ ବୃହତ ଏୟାରପୋର୍ଟ ନିର୍ମାଣ କରାଯିବ ବୋଲି ସେ କହିଛନ୍ତି । ଏଥିଲାଗି ବିମାନ ଚଳାଚଳ ମନ୍ତ୍ରାଳୟ ୧୦୦୦ କୋଟି ଟଙ୍କା ମଞ୍ଜୁର କରିଛି। ଭୁବନେଶ୍ୱରରୁ ତୀର୍ଥକ୍ଷେତ୍ର ବାରାଣାସୀକୁ ଫ୍ଲାଇଟ ଚାଲିବ । ଭୁବନେଶ୍ୱରକୁ ଏୟାର ଇଣ୍ଡିଆର ଶାଖା କମ୍ପାନି ଆଲାଏନ୍ସ ଏୟାର ଓ ଟର୍ବୋ ଆଭିଏସନର ବିମାନ ସେବା ଆରମ୍ଭ ହେବ ବୋଲି ସେ କହିଛନ୍ତି ।