ସ୍ୱାଭିମାନ ଦିବସରେ ସମ୍ମାନିତ ହେବେ ଗଂଜାମ ଝିଅ ! ବାପାଙ୍କ ସହ ଚାଷ କରି ଚର୍ଚ୍ଚିତ ଶିବାନୀ ଜାନିଙ୍କୁ ମିଳିବ ସମ୍ମାନ
କନକ ବ୍ୟୁରୋ: ସ୍ୱାଭିମାନ ଦିବସରେ ସମ୍ମାନିତ ହେବେ ଗଂଜାମ ଝିଅ । ବାପାଙ୍କ ସହ ଚାଷ କରି ଚର୍ଚ୍ଚିତ ଯୁକ୍ତ ଦୁଇର ପାଠପଢୁଥିବା ଶିବାନୀ ଜାନିଙ୍କୁ ମିଳିବ ସମ୍ମାନ । ତେବେ ପାଠ ପଢିବା ସହ ବାପାଙ୍କ ସହ ଜମିରେ ଚାଷ କରନ୍ତି ଶିବାନୀ । ତାଙ୍କର ଏହି କାର୍ଯ୍ୟକୁ କନକ ନ୍ୟୁଜରେ ପ୍ରସାରଣ କରାଯାଇଥିଲା । ଯାହାକୁ ନେଇ ସେ ବେଶ୍ ପ୍ରଶଂସା ସାଉଁଟିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତାଙ୍କର ଏହି ଉଲ୍ଲେଖନୀୟ ଅବଦାନ ପାଇଁ ତାଙ୍କୁ ସମ୍ବାଦର ସମ୍ପାଦକ ସୌମ୍ୟ ରଂଜନ ପଟ୍ଟନାୟକଙ୍କ ଜନ୍ମଦିନ ତଥା ସ୍ୱାଭିମାନ ଦିବସରେ ସମ୍ବର୍ଦ୍ଧିତ କରାଯିବ । ଏହାସହ ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ୧୫ଜଣ ସ୍ୱେଚ୍ଛାସେବୀଙ୍କୁ ମଧ୍ୟ ସମ୍ମାନିତ କରାଯିବ ।
ଏଠାରେ ଆମେ କହି ରଖୁଛୁ କି, ଗଂଜାମ ଜିଲ୍ଲା ପାତ୍ରପୁର ବ୍ଲକର ସୁରିଙ୍ଗି ଗାଁର ଅଲେଖ ଜାନିଙ୍କ ଝିଅ ଶିବାନୀ (୧୫ ବର୍ଷ) ବିଲରେ କାମ କରିବା ସହ ଯୁକ୍ତ ଦୁଇରେ ପାଠ ପଢନ୍ତି । ଅଭାବ ଅନଟନ ଭିତରେ ବାପା ଅଲେଖ ଜାନି ପୁଅଟିଏ ଆଶା କରି ତାଙ୍କର ୩ଟି ଝିଅ ଜନ୍ମ ହୋଇଥିଲା । ମାତ୍ର ଶିବାନୀଙ୍କ ଏଭଳି କାମ ଅଲେଖଙ୍କୁ ଅନୁଭବ କରିବାକୁ ବାଧ୍ୟ କରିଥିଲା କି ଝିଅ ବି କୌଣସି ପୁଅଠାରୁ କମ୍ ନୁହେଁ ବୋଲି । କିନ୍ତୁ ଏବେ ଅନୁଭବ କରୁଛନ୍ତି ତାଙ୍କ ଝିଅ କୈାଣସି ପୁଅ ଠାରୁ କମ୍ ନୁହେଁ ।
ସକାଳେ ହଳ କରିବା ଏବଂ ବିଲ କାମ ସାରି ଜଣେ ଛାତ୍ରୀ ଭାବେ ନିଜର କର୍ତ୍ତବ୍ୟ ସଂପାଦନ କରିବା , ବୋଧହୁଏ ଆଜିର ଦିନରେ ଏକ ବିରଳ ଘଟଣା । ବିଲରେ କାମ କରିବାକୁ ଆଜିର ପିଲା ହୁଏତ ଲଜ୍ଜା ବୋଲି ଭାବନ୍ତି କିମ୍ବା ଏହି ପରିଶ୍ରମ କରିବାକୁ ରାଜି ହୁଅନ୍ତି ନାହିଁ , କିନ୍ତୁ ଶିବାନୀ ଏ କ୍ଷେତ୍ରରେ ଏକ ବ୍ୟତିକ୍ରମ ।