କନକ ବ୍ୟୁରୋ : ଭଦ୍ରକ ଧିରେ ଧିରେ ଶାନ୍ତ ପଡିଆସୁଛି । ଆଜି ସକାଳ ୭ଟାରୁ କର୍ଫ୍ୟୁ କୋହଳ କରାଯାଇଛି । ଗତକାଲି ଅପରାହ୍ନ ୪ଟାରୁ ଆଜି ସକାଳ ୭ଟା ଯାଏଁ ଲାଗିଥିବା କର୍ଫ୍ୟୁ ଲାଗିଥିଲା । ଆଜି ସକାଳରୁ କର୍ଫ୍ୟୁ କୋହଳ ଯୋଗୁଁ ସହରରେ ଜନଜୀବନ ସ୍ୱାଭାବିକ ହେଉଛି । କିନ୍ତୁ ଲୋକଙ୍କ ମନରୁ ଭୟ ଦୁର ହୋଇ ନାହିଁ । ଏପରି ସ୍ଥିତିରେ ଆଜି ଭଦ୍ରକ ଗସ୍ତରେ ଯିବେ ଗତକାଲି ଦିଲ୍ଲୀରୁ ଫେରିଥିବା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ସେ ସକାଳ ୧୦ଟା୩୦ରେ ଭଦ୍ରକରେ ପହଂଚି ସ୍ଥିତି ସମୀକ୍ଷା କରିବାର କାର୍ଯ୍ୟକ୍ରମ ରହିଛି । ସୋସିଆଲ ମିଡିଆରେ ଲାଗିଥିବା ବ୍ୟାନ ୪୮ ଘଂଟା ପରେ ହଟିଛି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ସୋସିଆଲ ମିଡିଆରେ ଉତେଜନା ସୃଷ୍ଟିକରିଥିବା ବ୍ୟକ୍ତିମାନଙ୍କୁ ଚିହ୍ନଟ କରିବାକୁ ସାଇବର ସେଲ ଉଦ୍ୟମ କରୁଛିା ଫେସବୁକରେ ବିବାଦୀୟ ପୋଷ୍ଟକୁ ଲାଇକ କରିଥିବା ୧୮୦ ଜଣଙ୍କୁ ଚିହ୍ନଟ କରାଯାଇଛି । ଦଙ୍ଗା ସମୟରେ ଗଣ୍ଡଗୋଳ, ପୋଡାଜଳା ଘଟଣାରେ ସଂପୃକ୍ତ ୮୧ଜଣଙ୍କୁ ଗିରଫ କରିଛି ପୋଲିସ । ସନ୍ଦିଗ୍ଧଙ୍କୁ ତୁରନ୍ତ ଗିରଫ କରିବାକୁ ଆରଡିସି ପୋଲିସକୁ ନିର୍ଦ୍ଦେଶ ଦେଇଛନ୍ତି ।
ସାଂପ୍ରଦାୟିକ ଉତେଜନାର ଚେର ଭଦ୍ରକରେ ଏତେ ଗଭୀରକୁ ମାଡିିଯାଇଥିଲା ଯେ ଚିହ୍ନା ପରିଚିତଙ୍କୁ ମଧ୍ୟ ଲୋକେ ଅବିଶ୍ୱାସ କରୁଛନ୍ତି । ତେଣୁ ପୁଣି ଭଦ୍ରକକୁ ସଦଭାବନା ଓ ଭାଇଚାରା ଫେରାଇ ଆଣିବା ପାଇଁ ଆଜି ଶାନ୍ତି କମିଟି ବସିବ । ସହରର ସ୍କୁଲ, କଲେଜ ଖୋଲିଛି. ଅଥଚ ଛାତ୍ରଛାତ୍ରୀଙ୍କ ଉପସ୍ଥାନ କମ ରହିଛି । ସ୍ଥିତି ସୁଧୁରିଥିବାରୁ ଶୀଘ୍ର ପରୀକ୍ଷା କରିବାକୁ କଲେଜ କର୍ତୃପକ୍ଷମାନେ ନିଷ୍ପତି ନେଇଛନ୍ତି । ଆସନ୍ତା ୧୭ ତାରିଖ ଦିନ ପରୀ କ୍ଷା ଆରମ୍ଭ ହେବ ବୋଲି ଜଣାପଡିଛି ।
ଏହା ସହ ଦେଖନ୍ତୁ ଏହି ଭିଡିଓ –