ପୁରସ୍କାର ଓ ପ୍ରୋତ୍ସାହନର ଉତ୍ସବ-ସମ୍ବାଦ କର୍ପୋରେଟ ଏକ୍ସିଲେନ୍ସ ଆୱାର୍ଡସ । କାର୍ଯ୍ୟକ୍ରମରେ ସାମିଲ ହେଲେ ମୁଖ୍ୟମନ୍ତ୍ରୀ, କହିଲେ, ବ୍ରାଣ୍ଡ ପ୍ରମୋଟରମାନଙ୍କୁ ପ୍ରୋତ୍ସାହିତ କଲେ ସୃଷ୍ଟି ହେବ ବ୍ରାଣ୍ଡ ବିଲ୍ଡିଂର ପରମ୍ପରା
କନକ ବ୍ୟୁରୋ : ସମ୍ବାଦର ବ୍ରାଣ୍ଡସ ଅଫ୍ ଓଡିଶା ପ୍ରାଇଡ୍ ଅଫ୍ ଇଣ୍ଡିଆ , କର୍ପୋରେଟ୍ ଏକ୍ସିଲେନ୍ସ ଆୱାର୍ଡ-୨୦୨୦ ଅନୁଷ୍ଠିତ ହୋଇଛି । ତୃତୀୟ ସଂସ୍କରଣରେ, ଓଡିଶାରୁ ସୃଷ୍ଟି ହୋଇ ଦେଶ ବିଦେଶରେ ଖ୍ୟାତି ଅର୍ଜନ କରିଥିବା ଶ୍ରେଷ୍ଠ ତଥା ସଫଳ ଉଦ୍ୟୋଗୀଙ୍କୁ ପୁରସ୍କୃତ କରାଯାଇଛି । ଏଥିରେ ସାମିଲ ହୋଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଛନ୍ତି , ବ୍ରାଣ୍ଡ ପ୍ରମୋଟରଙ୍କୁ ପ୍ରୋତ୍ସାହିତ କରିବାର ଏକ ପରମ୍ପରା ସୃଷ୍ଟି କରି ସମ୍ୱାଦ ଗ୍ରୁପ ଭଲ ଉଦ୍ୟମ ଆରମ୍ଭ କରିଛି । ସ୍ୱାସ୍ଥ୍ୟ, ପର୍ଯ୍ୟଟନ, ଶିଳ୍ପ ଓ ଅନ୍ୟାନ୍ୟ ବିକାଶମୂଳକ କ୍ଷେତ୍ରରେ ଓଡିଶା ଆଗେଇ ଥିବାରୁ ଏହା ଏକ ବ୍ରାଣ୍ଡରେ ପରିଣତ ହୋଇଛି । ଏବଂ ସେଥିପାଇଁ ପୁଂଜିନିବେଶକାରୀ ଓଡିଶା ପ୍ରତି ଆକର୍ଷିତ ହେଉଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କାର୍ଯ୍ୟକ୍ରମକୁ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଉଦଘାଟନ କରିବା ସହ ଏଭଳି କାର୍ଯ୍ୟକ୍ରମ ସମସ୍ତଙ୍କ ପାଇଁ ପ୍ରେରଣା ଯୋଗାଇବ ବୋଲି କହିଛନ୍ତି । କେନ୍ଦ୍ରମନ୍ତ୍ରୀ କହିଛନ୍ତି, ସମ୍ବାଦ ଓ ସୌମ୍ୟରଞ୍ଜନ ପଟ୍ଟନାୟକ ଓଡିଶାର ବ୍ରାଣ୍ଡ । ଆଗାମୀ ଦିନରେ ଇଂଟରନେଟ ଜରିଆରେ ସବୁକିଛି ହେବ ଏବଂ ଆମକୁ ନୂଆ କୌଶଳ ଆପଣାଇବାକୁ ପଡିବ ବୋଲି କେନ୍ଦ୍ରମନ୍ତ୍ରୀ ମତ ରଖିଛନ୍ତି ।
ବ୍ରାଣ୍ଡସ ଅଫ୍ ଓଡିଶା ପ୍ରାଇଡ୍ ଅଫ୍ ଇଣ୍ଡିଆ , କର୍ପୋରେଟ୍ ଏକ୍ସିଲେନ୍ସ ଆୱାର୍ଡର ତୃତୀୟ ସଂସ୍କରଣରେ ଓଡିଶାର ବିକାଶରେ ଯେଉଁ ସବୁ ଅନ୍ତରାୟ ରହିଛି ତାକୁ ଦୂର କରିବାକୁ ଆହ୍ୱାନ ଦେଇଛନ୍ତି ସମ୍ବାଦର ସମ୍ପାଦକ ସୌମ୍ୟରଞ୍ଜନ ପଟ୍ଟନାୟକ । ସେ କହିଛନ୍ତି, ଉକ୍ରର୍ଷର ଉପାସନା ପାଇଁ ସମ୍ବାଦ, ସର୍ବଦା ସଂକଳ୍ପବଦ୍ଧ । ଚଳିତ ଥର ସିଏସଆର, ବୃହତ, ମଧ୍ୟମ, କ୍ଷୁଦ୍ର ଓ ଇମର୍ଜିଂ ଏବଂ ଷ୍ଟାର୍ଟଅପ୍ ଭଳି ୫ଟି ବର୍ଗରେ ମୋଟ୍ ୧୫ ଟି ପୁରସ୍କାର ପ୍ରଦାନ କରାଯାଇଛି । ପ୍ରତି ବର୍ଗରେ ସଫଳ ଉଦ୍ୟୋଗୀଙ୍କୁ ପ୍ଲାଟିନମ୍, ଗୋଲ୍ଡ ଏବଂ ସିଲଭର ପୁରସ୍କାର ପ୍ରଦାନ କରାଯାଇଛି ।