ରାଜ୍ୟସଭାରେ ନାଗରିକତା ସଂଶୋଧନ ବିଲ ଉପରେ ଆଲୋଚନା : ଅମିତ ଶାହା କହିଲେ, ଏହା ଶରଣାର୍ଥୀଙ୍କ ବିଲ, ମୁସଲମାନଙ୍କ ବିରୋଧୀ ନୁହେଁ , କୋଟି କୋଟି ଲୋକଙ୍କ ହେବ ଫାଇଦା ।
ରାଜ୍ୟସଭାରେ ନାଗରିକତା ସଂଶୋଧନ ବିଲ୍ ଉପରେ ଆଲୋଚନା ଆରମ୍ଭ ହୋଇଛି । ଗୃହରେ ବିଲ ଉପସ୍ଥାପନ କରି ଗୃହମନ୍ତ୍ରୀ ଅମିତ ଶାହ କହିଛନ୍ତି, ଏହା ହେଉଛି ଏକ ଐତିହାସିକ ବିଲ୍ । ଏହାଦ୍ୱାରା କୋଟି କୋଟି ଲୋକ ଲାଭରେ ରହିବେ । ବିଲ ନେଇ ଲୋକଙ୍କ ମନରେ ଭ୍ରମ ସୃଷ୍ଟି ପାଇଁ ଉଦ୍ୟମ ହେଉଛି ଓ ଏହାଦ୍ୱାରା ଭୋଟବ୍ୟାଙ୍କ ରାଜନୀତି ବୋଲି ସେ ଅଭିଯୋଗ ଆଣିଛନ୍ତି । ଗୃହମନ୍ତ୍ରୀ କହିଛନ୍ତି । ବିଲ ମୁସଲମାନଙ୍କ ବିରୋଧରେ ନୁହେଁ ।
Kanak News is now on WhatsApp
Join and get latest news updates delivered to you via WhatsApp
ରାଜ୍ୟସଭାରେ ଆଗତ ହେଲା ନାଗରିକତା ସଂଶୋଧନ ବିଲ୍ : ରାଜ୍ୟସଭାରେ ବିଲ୍ ଉପରେ ଆଲୋଚନା ପାଇଁ ୬ ଘଣ୍ଟାର ସମୟ ଦିଆଯାଇଛି , ପୂର୍ବରୁ ଲୋକସଭାରେ ପାରିତ ହୋଇଛି ନାଗରିକ ସଂଶୋଧନ ବିଲ୍ @AmitShah
#RajyaSabha #CitizenshipAmendmentBill2019 pic.twitter.com/bTepHsPWLZ— Kanak News (@kanak_news) December 11, 2019
ଆଫଗାନିସ୍ତାନ , ବାଂଲାଦେଶ ଓ ପାକିସ୍ତାନରୁ ଆସିଥିବା ଲୋକଙ୍କ ଅଧିକାରକୁ ସୁରକ୍ଷା ମିଳିବ । ସେହିଭଳି ପୂର୍ବ-ଉତର ରାଜ୍ୟରେ ହିତର ସୁରକ୍ଷା ହୋଇପାରିବ । ବିଲକୁ ରାଜ୍ୟସଭାରେ କଂଗ୍ରେସ ନେତା ଆନନ୍ଦ ଶର୍ମା ବିରୋଧ କରିଥିଲେ । ନାଗରିକତା ସଂଶୋଧନ ବିଲ ଲୋକସଭାରେ ଗୃହୀତ ହୋଇସାରିଛି । ରାଜ୍ୟସଭାରେ ୬ ଘଂଟା ଆଲୋଚନା ପରେ ଭୋଟିଂ ହେବ ।
ରାଜ୍ୟସଭାରେ କଂଗ୍ରେସର ବିରୋଧ : ନାଗରିକତା ସଂଶୋଧନ ବିଲ୍ କୁ ବିରୋଧ କଲା କଂଗ୍ରେସ । ଏହି ବିଲ୍ ଭାରତୀୟ ଗଣରାଜ୍ୟ ଉପରେ ଶକ୍ତ ପ୍ରହାର ,ଯେଉଁଥିରେ ଭାରତର ଆତ୍ମା ବ୍ୟାଘାତ ହେବ । ନୈତିକତା ପରୀକ୍ଷଣରେ ଏହି ବିଲ୍ ବିଫଳ : ଆନନ୍ଦ ଶର୍ମା #KanakNews
#RajyaSabha #CitizenshipAmendmentBill2019 @INCOdisha @AnandSharmaINC pic.twitter.com/pTe0QEq4qx— Kanak News (@kanak_news) December 11, 2019
ନାଗରିକତା ସଂଶୋଧନ ବିଲକୁ କଂଗ୍ରେସ ପକ୍ଷରୁ ବିରୋଧ କରାଯାଇଛି । ଲୋୟର ପିଏମଜିରେ କଂଗ୍ରେସ କର୍ମୀ ମାନେ ମୁହଁରେ କଳାପଟି ବାନ୍ଧି ମୋଉନ ବ୍ରତ କରି ଧାରଣାରେ ବସିଛନ୍ତି । ନାଗରିକତା ସଂଶୋଧନ ବିଲକୁ ବିଜେପି ଯେଭଳି ଉପସ୍ଥାପନ କରିଛନ୍ତି ତାକୁ ବିରୋଧ କରିଛନ୍ତି ।ସଂଖ୍ୟାଗରିଷ୍ଠତା ଥିବା ଦୃଷ୍ଟିରୁ ଅନ୍ୟାୟ ଭାବେ ଏହି ବିଲକୁ ଲୋକସଭାରେ ପାସ କରାଯାଇଛି । ଏହି ବିଲ ପାରିତ ହେବା ଦ୍ୱାରା ଦେଶର ଅଖଣ୍ଡତା,ଜାତୀୟତା ,ଏକତା, ସଂହତି ବ୍ୟାହତ ହେବ ବୋଲି କଂଗ୍ରେସ କର୍ମୀ କହିଛନ୍ତି ।