କନକ ବ୍ୟୁରୋ : ସମରାଭ୍ୟାସ ନାଁରେ ଚୀନ୍ କଲା ଶକ୍ତି ପ୍ରଦର୍ଶନ । ଭାରତୀୟ ସୀମା ନିକଟରେ ଯୁଦ୍ଧାଭ୍ୟାସ କରିଛି ଚୀନର ପିପୁଲ୍ସ ଲିବରେସନ୍ ଆର୍ମି । ଯେଉଁଥିରେ ବଡ ବଡ ଯୁଦ୍ଧ ଟ୍ୟାଙ୍କ ସହ ସାମିଲ ହୋଇଛି ପିଏଲଏ ୱେଷ୍ଟର୍ଣ୍ଣ ଥିଏଟର କମାଣ୍ଡର ୧୦ଟି ୟୁନିଟ୍ । ବଡ ବଡ ଯୁଦ୍ଧ ଟ୍ୟାଙ୍କ୍ ସହ ଆଂଟି ଏୟାରକ୍ରାଫ୍ଟ ଆର୍ଟିଲେରୀକୁ ବ୍ୟବହାର କରାଯାଇଛି ଯୁଦ୍ଧାଭ୍ୟାସରେ । ଡୋକଲାମକୁ ନେଇ ଭାରତ-ଚୀନ୍ ମଧ୍ୟରେ ମୁହାଁମୁହିଁ ସ୍ଥିତି ଥିବା ବେଳେ ଚୀନ୍ ସେନାର ଏହି ଅଭ୍ୟାସ ଯୁଦ୍ଧର ପ୍ରସ୍ତୁତି ବୋଲି କୁହାଯାଉଛି । ସେପଟେ ଚୀନକୁ ଚେତାବନୀ ଦେଇଛି ଭାରତ । ଗୃହମନ୍ତ୍ରୀ ରାଜନାଥ ସିଂହ କହିଛନ୍ତି, ଭାରତକୁ ଆଖି ଉଠାଇ ଦେଖିବାକୁ କାହାର ସାହାସ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ଚୀନର ଚାଇନା ସେଂଟ୍ରାଲ୍ ଟେଲିଭିଜନ୍ ରିପୋର୍ଟ ଅନୁସାରେ ଭାରତ ସୀମାନ୍ତ ସୁରକ୍ଷା ଦାୟିତ୍ୱରେ ଥିବା ୱେଷ୍ଟର୍ଣ୍ଣ ଥିଏଟର କମାଣ୍ଡ ଏହି ଯୁଦ୍ଧାଭ୍ୟାସ କରିଛି । ଭାରତ ସୀମାର ଅଳ୍ପ ଦୂରରେ ଏହି ଅଭ୍ୟାସ କରାଯାଇଥିବା ଚୀନ୍ ମିଡିଆ ଦାବି କରିଛି । ଯୁଦ୍ଧାଭ୍ୟାସର ୫ ମିନିଟ୍ର ଏକ ଭିଡିଓ ବି ଚୀନ୍ ମିଡିଆରେ ପ୍ରସାରିତ ହେଉଛି । କୁହାଯାଉଛି, ସମରାଭ୍ୟାସ ନାଁରେ ଶକ୍ତି ପ୍ରଦର୍ଶନ କରିଛି ଚୀନ୍ ସେନା । ସେପଟେ ଡୋକଲାମ ବିବାଦ ନେଇ ଗୃହମନ୍ତ୍ରୀ ରାଜନାଥ ସିଂ ରଖିଛନ୍ତି କଡା ବୟାନ । କହିଛନ୍ତି, ଭାରତକୁ ଆଖି ଉଠାଇ ଦେଖିବାକୁ କାହାର ସାହାସ ନାହିଁ ।
ଦୁଇ ମାସ ହେଲା ଚୀନ୍-ଭାରତ ଓ ଭୂଟାନ ସୀମାନ୍ତ ଡୋକଲାମରେ ଉତେଜନା ଜାରି ରହିଛି । ଏହାରି ଭିତରେ ତୀବ୍ଦତ ପାର୍ବତ୍ୟାଂଚଳର ୫ହଜାର ଶହେ ମିଟର ଉପରେ ସାମରିକ ଅଭ୍ୟାସ କରିଥିଲା ଚୀନ୍ । ଯେଉଁଥିରେ ପ୍ରଥମ ଥର ପାଇଁ ଚୀନର ସର୍ବାଧୁନିକ ଟ୍ୟାଙ୍କ କୁହାଯାଉଥିବା ଟାଇପ୍-୯୬ବି ସାମିଲ ହୋଇଥିଲା । ସୀମାରେ ଉତେଜନା ଜାରି ରହିଥିବା ବେଳେ ଚୀନ ଏବେ ପୁଣିଥରେ କରିଛି ଯୁଦ୍ଧ ଅଭ୍ୟାସ । ଯାହା ଭାରତ ପାଇଁ ଚିନ୍ତା ବଢାଇଦେଇଛି ।