ପୁଣି ମାଓବାଦୀଙ୍କ ଲଙ୍କାକାଣ୍ଡ । ଛତିଶଗଡ ଦାନ୍ତେୱାଡାରେ ମାଓ ଆକ୍ରମଣରେ ୪ ଯବାନ ଶହୀଦ
ଛତିଶଗଡର ଦାନ୍ତେୱାଡାରେ ୪ ସିଆଇଏସଏଫ ଯବାନ ଶହିଦ
କନକ ବ୍ୟୁରୋ : ମାଓବାଦୀଙ୍କ ଆକ୍ରମଣରେ ପୁଣି ୪ ଯବାନ ଶହୀଦ ହୋଇଥିବା ମିଳିଲା ସୂଚନା । ଛତିଶଗଡର ଦାନ୍ତେୱାଡାରେ ୪ ସିଆଇଏସଏଫ ଯବାନ ଶହିଦ । ମିଳିଥିବା ସୂଚନା ଅନୁସାରେ, ଯବାନମାନେ କମ୍ବିଂ କରୁଥିବା ସମୟରେ ମାଓବାଦୀମାନେ ସେମାନଙ୍କ ଗାଡିକୁ ଉଡାଇଦେଇଥିବା ଜଣାପଡିଛି । ସାରା ଦେଶ ଦୀପାବଳି ପାଇଁ ଉତ୍ସବ ମୁଖର ଥିବା ବେଳେ ମାଓବାଦୀମାନେ ପୁଣି ଏକ ଲଙ୍କାକାଣ୍ଡ ଘଟାଇଛନ୍ତି । ଛତିଶଗଡରେ ବିଧାନସଭା ନିର୍ବାଚନ ପାଇଁ ପ୍ରଚାର ଆରମ୍ଭ ହୋଇଛି ଏହାସହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଜଗଦଲପୁରରେ ନିର୍ବାଚନୀ ପ୍ରଚାର କରିବାର କାର୍ଯ୍ୟକ୍ରମ ଧାର୍ଯ୍ୟ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ମୋଦିଙ୍କ ଗସ୍ତ ପୂର୍ବରୁ ପୁଣି ଥରେ ମାଓବାଦୀ ଏପରି କାମ କରିଥିବାରୁ ସୁରକ୍ଷା ନେଇ ଉଠିଛି ପ୍ରଶ୍ନ । ଗତ ୨୭ ଅକ୍ଟୋବରରେ ମାଓ ହାମଲାରେ ୪ ଜଣ ଯବାନ ଶହୀଦ ହୋଇଥିଲେ । ଏହାସହ ଅକ୍ଟୋବର ୩୦ରେ ଜଣେ କ୍ୟାମେରା ମ୍ୟାନଙ୍କ ସହ ୨ ଯବାନ ଶହୀଦ ହୋଇଥିଲେ । ଏହାପରେ ଯବାନମାନେ କମ୍ବିଂ ଅପରେସନ ଜୋରଦାର କରିଛନ୍ତି । ଆସନ୍ତା ୧୨ ଓ ୧୮ରେ ସେଠାରେ ମତଦାନ ହେବ । ତେଣୁ ଭୋଟ ପୂର୍ବରୁ ଏପରି ଭାବରେ ମାଓବାଦୀଙ୍କ ବାରମ୍ବାର ଆକ୍ରମଣ ହେଉଥିବାରୁ ମତଦାତାଙ୍କ ମନରେ ଆଶଙ୍କା ରହିଥିବା ସୂଚନା ମିଳିଛି । ନିର୍ବାଚନକୁ ବିରୋଧ କରି ସେମାନେ ଏପରି କାଣ୍ଡ ରଚୁଥିବା ପୋଲିସ ବିଭାଗର ଜଣେ ବରିଷ୍ଠ ଅଧିକାରୀ ସୂଚନା ଦେଇଛନ୍ତି ।