ନିୟମ କୋହଳ ହେଲା, କମିବ କି ଜରିମାନା ପରିମାଣ? କେନ୍ଦ୍ରମନ୍ତ୍ରୀ କହିଲେ, ରାଜ୍ୟ ଚାହିଁଲେ କମାଇ ପାରିବେ ଜରିମାନା ପରିମାଣ ।
କନକ ବ୍ୟୁରୋ : ଓଡିଶାରେ ଲାଗୁହେବ କି ଗୁଜରାଟ ମଡେଲ । ଗୁଜୁରାଟ ଭଳି ଓଡିଶାରେ କମିବ କି ଜୋରିମାନାର ପରିମାଣ । ଗୁଜୁରାଟରେ ନୂଆ ମୋଟରଯାନ ନିୟମ କୋହଳ ହେବାପରେ ଏଭଳି କିଛି ପ୍ରଶ୍ନ ସାମନାକୁ ଆସିଛି । ଆଉ ଗଣମାଧ୍ୟମ ପ୍ରଶ୍ନର ଉତର ରଖି ପରିବହନ ସଚିବ ଜି. ଶ୍ରନିବାସ କହିଛନ୍ତି, ଅନ୍ୟ ରାଜ୍ୟ କଣ କରୁଛନ୍ତି ସେ ନେଇ ତର୍ଜମା ଚାଲିଛି । ଏହା ପରେ ପଦକ୍ଷେପ ନିଆଯିବ । ଏହା ସହିତ ଆରଟିଓ ଅଫିସ ଗୁଡିକୁ କିପରି ଦଲାଲ ମୁକ୍ତ କରାଯାଇପାରିବ ସେ ନେଇ ଉଦ୍ୟମ କରାଯାଉଛି ବୋଲି ସଚିବ କହିଛନ୍ତି । ସେପଟେ କେନ୍ଦ୍ର ପରିବହନ ମନ୍ତ୍ରୀ ନିତିନ ଗଡକରୀ କହିଛନ୍ତି ରାଜ୍ୟଗୁଡିକ ଚାହିଁଲେ ଜୋରିମାନାର ପରିମାଣ କମାଇପାରିବେ ।
Kanak News is now on WhatsApp
Join and get latest news updates delivered to you via WhatsApp
ନୂଆ ଟ୍ରାଫିକ୍ ନିୟମକୁ ରାଜ୍ୟ ସରକାର ଯେତେ ତତ୍ପରତା ସହ ଲାଗୁ କଲେ ଏବେ ତାଠୁ ଅଧିକ ତତ୍ପରତା ସହ ଜରିମାନା ବୋଝ ହାଲୁକା କରିବା ମନ ବଳାଇଛନ୍ତି । ପ୍ରଥମେ ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ ଅନୁସାରେ ଜରିମାନାକୁ ୩ମାସ କୋହଳ କରାଗଲା । ଆଉ ଏବେ ନୂଆ ନିୟମକୁ ନେଇ ଅନ୍ୟ ରାଜ୍ୟ କ’ଣ କରୁଛନ୍ତି ସେ ନେଇ ତର୍ଜମା ଚାଲିଛି ବୋଲି ସୂଚନା ଦେଇଛନ୍ତି ପରିବହନ ସଚିବ ।
ଏଠି ଅନ୍ୟ ରାଜ୍ୟ କହିଲେ ବିଶେଷ କରି ଗୁଜୁରାଟକୁ ହିଁ ବୁଝାଉଛି । କାରଣ ଗୁଜୁରାଟର ରୁପାନୀ ସରକାର ଆଇନରେ ସଂଶୋଧନ କରି ଧାର୍ଯ୍ୟ ହୋଇଥିବା ଜରିମାନା ପରିମାଣକୁ ଅଧା କରିଦେଇଛି । ନଜର ପକାନ୍ତୁ ଗୁଜୁରାଟ ସରକାର କେଉଁ ବାଦଦକୁ କେତେ ଟଙ୍କା ଫାଇନ୍ ରଖିଛନ୍ତି ।
କେଉଁ ବାବଦକୁ କେତେ ଜରିମାନା?
-ହେଲମେଟ୍ ନପିନ୍ଧିଥିଲେ ହଜାରେ ବଦଳରେ ୫୦୦
-ସିଟ୍ବଲ୍ଟେ ବାନ୍ଧିନଥିଲେ ହଜାରେ ପରିବର୍ତ୍ତେ ୫୦୦
-ମୋଟର ସାଇକେଲରେ ୩ ଜଣ ଗଲେ ହଜାରେ ବଦଳରେ ୫୦୦
-ବିନା ଲାଇସେନ୍ସ କ୍ଷେତ୍ରରେ ବି କମିଛି ଜରିମାନା
-ଦୁଇ ଚକିଆ ଯାନ ପାଇଁ ୫ ହଜାର ବଦଳରେ ୨ହଜାର
-୪ ଚକିଆ ଯାନ ପାଇଁ ୫ ହଜାର ବଦଳରେ ୩ ହଜାର
ଏସବୁ ଭିତରେ କେନ୍ଦ୍ର ପରିବହନ ମନ୍ତ୍ରୀ ନୂଆ ଟ୍ରାଫିକ ନିୟମକୁ ନେଇ ବଡ ବୟାନ ଦେଇଛନ୍ତି । ରାଜ୍ୟ ଚାହିଁଲେ ଜରିମାନା ଟଙ୍କା କମାଇ ପାରିବେ ବୋଲି କହିଛନ୍ତି କେନ୍ଦ୍ରମନ୍ତ୍ରୀ ନୀତିନ ଗଡକରୀ । ଏହି ତମାମ୍ କସରତ ଭିତରେ ଓଡ଼ିଶାରେ ଜରିମାନା କଷ୍ଟକୁ ଲାଘବ କରିବା ପାଇଁ ଭରପୁର ଉଦ୍ୟମ ଜରି କରିଛି ପରିବହନ ବିଭାଗ । ଖୋଦ୍ ପରିବହନ ସଚିବ ଭୁବନେଶ୍ୱର ଆରଟିଓ-୧ କାର୍ଯ୍ୟାଳୟକୁ ଯାଇ ସମସ୍ତ କାର୍ଯ୍ୟର ଅନୁଧ୍ୟାନ କରିଛନ୍ତି । ଯେଉଁଥିରେ ସାଧାରଣ ଲୋକ କେମିତି ସୁବିଧାରେ ଡିଏଲ୍, ଆର୍ସି ପାଇପାରିବେ ଏବଂ ପୁରା ପ୍ରକ୍ରିୟା ଦଲାଲ୍ ମୁକ୍ତ ହୋଇପାରିବ ତା ଉପରେ ଗୁରୁତ୍ୱ ଦେଇଛନ୍ତି ।
ଏବେ ପ୍ରଶ୍ନ ହେଉଛି-
-ଓଡ଼ିଶାରେ କୋହଳ ହେବ କି ଜରିମାନାର ପରିମାଣ?
-ଗୁଜୁରାଟ ଭଳି ଓଡ଼ିଶାରେ ବି କମିବ କି ଜରିମାନ?
– ସତରେ କ’ଣ ଦଲାଲ୍ ମୁକ୍ତ ହୋଇପାରିବ ପରିବହନ କାର୍ଯ୍ୟାଳୟ? ଏଭଳି ତମାମ ପ୍ରଶ୍ନର ଉତ୍ତର ଅପେକ୍ଷାରେ ଗାଡି ଚାଳକ ।