ପକେଟରେ ରଖାଯାଉଥିବା ନୋଟରୁ ମାରାତ୍ମକ ଯକ୍ଷ୍ମା ରୋଗ ହେଉଛି କି? ତେବେ ଏନେଇ ଅର୍ଥ ଓ ବିଜ୍ଞାନ ମନ୍ତ୍ରଣାଳୟ ପାଖରେ ପହଞ୍ଚିଲା ମାମଲା
କନକ ବ୍ୟୁରୋ : ସ୍ୱାସ୍ଥ୍ୟ ସମ୍ପର୍କରେ କିଛି ତଥ୍ୟ ଆସିଲେ ସାଧାରଣ ଭାବରେ ଲୋକମାନେ ଧ୍ୟାନର ସହ ଶୁଣନ୍ତି । ତେବେ ମିଳିଥିବା ସୂଚନା ଅନୁସାରେ କେନ୍ଦ୍ର ଅର୍ଥମନ୍ତ୍ରୀ ଅରୁଣ ଜେଟଲୀଙ୍କ ନିକଟକୁ ଏକ ଚିଠି ଯାଇଥିଲା ଓ ସେଥିରେ ଲେଖାଯାଇଥିଲା ଯେ, ପକେଟରେ ଥିବା ଟଙ୍କା କାରଣରୁ ଟି.ବି ଭଳି ରୋଗ ବ୍ୟାପିପାରେ । ତେବେ ଏହା ପାଇବାପରେ ଜେଟଲୀ ଏନେଇ ସ୍ୱାସ୍ଥ୍ୟ ମନ୍ତ୍ରଣାଳୟକୁ ଅବଗତ କରାଇଥିବା ଜଣାପଡିଛି । ଏହାସହ ଏହା କେତେ ଦୂର ସତ ତାହା ମଧ୍ୟ ସ୍ପଷ୍ଟ କରିବା ପାଇଁ ଜେଟଲୀ ଚିଠିରେ ଉଲ୍ଲେଖ କରିଛନ୍ତି । କର୍ପୋରେସନ ଅଫ ଅଲ ଇଣ୍ଡିଆ ଟ୍ରେଡର୍ସ ଏହି ବିଷୟରେ ଜାଣିବାପରେ ସ୍ୱାସ୍ଥ୍ୟମନ୍ତ୍ରୀ ଜେପି ନଡ୍ଡା ଏବଂ ବିଜ୍ଞାନ ମନ୍ତ୍ରୀ ହର୍ଷବର୍ଧନଙ୍କ ନିକଟକୁ ଅବଗତ କରିବା ସହ ଏହାର ସତାସତ୍ୟ ଉପରେ ଜାଣିବା ପାଇଁ କେଟ ଇଚ୍ଛା ପ୍ରକାଶ କରିଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ବିଭିନ୍ନ ପ୍ରକାର ଅଧ୍ୟୟନରୁ ଜଣାପଡିଛି ଯେ, ସାଧାରଣ ମଣିଷମାନେ ଦୈନଦିନ ଜୀବନରେ ଯେଉଁ ଟଙ୍କାର ବ୍ୟବହାର କରୁଛନ୍ତି ସେହି ଟଙ୍କାରେ ବ୍ୟାକ୍ଟେରିଆ ମାନେ ରହିଛନ୍ତି । ଏହାସହ ସେହି ମାନଙ୍କ ମାଧ୍ୟମରେ ହିଁ ଲୋକମାନେ ରୋଗର ଶିକାର ହେଉଛନ୍ତି । ତେବେ ଏହି ବ୍ୟାକ୍ଟେରିଆ ଦ୍ୱାରା ମାରାତ୍ମକ ଟି.ବି ଓ ଅଲସର ଭଳି ରୋଗ ବ୍ୟାପୁଛି । କେଟର ମହାସଚିବ ପ୍ରବୀଣ ଖଣ୍ଡେଲବାଲା କହିଛନ୍ତି ଯେ, ପ୍ରତ୍ୟେକ ବର୍ଷ ଏହିପରି ଭାବରେ ଟଙ୍କାରୁ ରୋଗ ବ୍ୟାପୁଥିବା ରିପୋର୍ଟ ଆସୁଛି । କେବଳ ରିପୋର୍ଟ ଆସୁନାହିଁ ତାହା ଉପରେ ଆମେ ମାନେ ମଧ୍ୟ ଅନେକ ଥର ଜାଣିବା ପାଇଁ ବିଭାଗୀୟ ଅଧିକାରୀମାନଙ୍କୁ ନିବେଦନ କରିଛୁ ।
ହେଲେ ଦୁଃଖର କଥା ସ୍ୱାସ୍ଥ୍ୟ ସମ୍ପର୍କରେ କେହି ଧ୍ୟାନ ଦେଉନାହାନ୍ତି । ତେବେ ମିଳିଥିବା ସୂଚନା ଅନୁସାରେ, ଟଙ୍କାରୁ ଏପରି ମାରାତ୍ମକ ରୋଗ ବ୍ୟାପୁଛି ତେବେ ଏହା ଅତ୍ୟନ୍ତ ସଙ୍ଗୀନ ପ୍ରସଙ୍ଗ । କାରଣ ଭାରତରେ ଅନେକ ବ୍ୟବସାୟୀ ବିପୁଳ ପରିମାଣରେ ଟଙ୍କା ବ୍ୟବହାର କରନ୍ତି । କାରଣ ସେମାନେ ସିଧାସଳଖ ଲୋକମାନଙ୍କ ସହ କାରବାର କରନ୍ତି । ତେଣୁ ଯଦି ଏହା ସତ୍ୟ ତେବେ ସେମାନଙ୍କୁ ହିଁ ରୋଗ ବ୍ୟାପିବାରେ ଭୟ ରହିଛି । ତେଣୁ ବେଳ ଥାଉ ଥାଉ ସତର୍କ ରହିବା ପାଇଁ ପ୍ରବୀଣ କହିଛନ୍ତି ।