ସମ୍ବଲପୁର ବ୍ୟୁରୋ,କନକ ନ୍ୟୁଜ୍ : ନାଁ ବଡ ମେଡିକାଲ, କିନ୍ତୁ ମୌଳିକ ଭିତିଭୂମିର ଅଭାବ । ଏକ୍ସ-ରେ, ସିଟି ସ୍କାନ ପରି ମେସିନ ନାହିଁ । ସବୁଠୁ ବଡଦୁର୍ଭାଗ୍ୟର କଥା ହେଉଛି, ଏଠି ପାଣିର ବି ରହିଛି ଅଭାବ । ଡାକ୍ତରଙ୍କ ହାତ ଧୋଇବାକୁ ପାଣି ଟୋପାଏ ନାହିଁ । ତେଣୁ ସାଲାଇନରେ ହାତ ଧୋଉଛନ୍ତି ଡାକ୍ତର । ଏତେ ବଡ ଡାକ୍ତରଖାନା ଉପରେ ହଜାର ହଜାର ରୋଗୀ ନିର୍ଭର କରୁଥିବା ବେଳେ ଏଠାରେ ପାଣି ଅଭାବରୁ ସାଲାଇନରେ ହାତ ଧୋଇବାକୁ ବାଧ୍ୟ ହେଉଛନ୍ତି ଡାକ୍ତର । ଏଭଳି ମୌଳିକ ଭିତିଭୂମିର ଅଭାବ ରହିଛି ଏହି ଡାକ୍ତରଖାନାରେ । ସେପଟେ ହୀରାକୁଦ ଜଳଭଣ୍ଡାର ପାଖରେ ଥାଇ ଡାକ୍ତରଖାନାରେ ଜଳ ସଙ୍କଟ ଦୁର୍ଭାଗ୍ୟଜନକ ବୋଲି କହିଛନ୍ତି ମେଡିକାଲ ନିଦେ୍ର୍ଦଶକ । ତେବେ ସମସ୍ୟା ସମାଧାନ ଦିଗରେ ଉଦ୍ୟମ ହୋଇଥିବା ସେ ସୂଚନା ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମେଡିକାଲର ଭିତିଭୂମି ବିକାଶ ନେଇ ଜୁନିଅର ଡାକ୍ତର ସଂଘ କରିଥିବା ଆନେ୍ଦାଳନ ପରେ ସରକାର ସେମାନଙ୍କ ଦାବି ପୂରଣ କରିବା ପାଇଁ ପ୍ରତିଶ୍ରୁତି ଦେଇଥିଲେ । କିନ୍ତୁ ବର୍ତମାନ ସୁଦ୍ଧା ମାତ୍ର ୨ଟି ଦାବି ପୂରଣ ହୋଇଥିବା ବେଳେ ଅନ୍ୟ ଦାବି ପ୍ରତି ସରକାର ଗୁରୁତ୍ୱ ଦେଉନଥିବା ଅଭିଯୋଗ କରିଛି ସଂଘ । ଏନେଇ ଆସନ୍ତାକାଲିଠାରୁ ପୁଣି ଥରେ ଆନେ୍ଦାଳନକୁ ଓହ୍ଲାଇବାକୁ ଜୁନିଅର ଡାକ୍ତର ସଂଘ ନିଷ୍ପତି ନେଇଛି । ସେପଟେ ଛୁଟିରେ ଥିବା ପ୍ରଫେସରଙ୍କ ଛୁଟି ବାତିଲ କରାଯାଇଛି । ଜରୁରୀ ପରିସ୍ଥିତି ମୁକାବିଲା ନେଇ ପଦକ୍ଷେପ ନିଅଯାଇଥିବା କହିଛନ୍ତି ନିଦେ୍ର୍ଦଶକ ।