ବରଯାତ୍ରୀ ହୋଇ ଯାଇଥିଲେ ଶବ ହୋଇ ଫେରିଲେ : ଗାଁରେ ଏକ ସଙ୍ଗେ ଜଳିଲା ୨୪ ଜୁଇ , ବୁକୁ ଫଟା କାନ୍ଦରେ ପଡିଲା ଉଠିଲା ଗାଁ ।
ରାଜସ୍ଥାନର ବୁନ୍ଦୀରେ ଘଟିଥିବା ବସ୍ ଦୁର୍ଘଟଣାରେ ୨୪ ଜଣଙ୍କ ଜୀବନ ଚାଲିଗଲା । କୋଟାର ଜବାହାର ନଗରରେ ଯେତେବେଳେ ୨୪ ଟି ଜୁୁଇ ପହଁଚିଥିଲା ସେତେବେଳେ ଚାରିଆଡ଼େ ବୁକୁଫଟା କ୍ରନ୍ଦନର ଶବ୍ଦ ଶୁଣିବାକୁ ମିଳିଥିଲା । ବରଯାତ୍ରୀଙ୍କୁ ନେଇ ଯାଉଥିବା ବସଟି ହଠାତ୍ ଦୁର୍ଘଟଣାର ଶିକାର ହୋଇଥିଲା । ହସଖୁୁସିରେ ଯାଉଥିବା ବରଯାତ୍ରୀ ୯ ଟି ଆମ୍ବୁଲାନ୍ସରେ ଯେତେବେଳେ ଶବ ହୋଇ ଗାଁକୁ ଫେରିଲେ ସେତେବେଳେ କନ୍ଦାକଟା ଭିତରେ ଫାଟିପଡିଲା ଗାଁ । ମୃତକଙ୍କ ମଧ୍ୟରେ ୨୧ ଜଣ ସଂପର୍କୀୟ ଥିଲେ , ଯାହାଙ୍କ ଅନ୍ତିମକ୍ରିୟା ମଧ୍ୟ ଏକ ସଙ୍ଗେ ସଂପର୍ଣ୍ଣ ହେଲା । ଲୋକସଭା ବାଚସ୍ପତି ଓମ୍ ବିରଲା ସୂଚନା ପାଇ କୋଟା ପହଁଚିଥିଲେ । ଏକ ସଙ୍ଗେ ଏତେ ଲୋକଙ୍କ ଜୁଇ ଜଳୁଥିବା ଦେଖି ବାଚସ୍ପତିି ମଧ୍ୟ ଭାବୁକ ହୋଇ ପଡିଲେ । ଘଟଣାରେ ଶୋକ ପ୍ରକାଶ କରି ମୁଖ୍ୟମନ୍ତ୍ରୀ ୨-୨ ଲକ୍ଷ ଟଙ୍କାର ଅନୁକମ୍ପା ମୂଳକ ରାଶି ଦେବା ପାଇଁ ଘୋଷଣା କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଜାତୀୟ ଗଣମାଧ୍ୟମରୁ ମିଳିଥିବା ସୂଚନା ଅନୁଯାୟୀ, ବିବାହ ପାଇଁ ଯାଉଥିବା ଏହି ବରଯାତ୍ରୀ ଗାଡିଟି ପୋଲ ଉପରେ ନିୟନ୍ତ୍ରଣ ହରାଇ ମେଜ୍ ନଦୀ ଭିତରକୁ ଖସି ପଡିଥିଲା । ଖବର ପାଇବା ପରେ ସ୍ଥାନୀୟ ଲୋକ ଏବଂ ଏନଡିଆରଏଫ୍ ଟିମ୍ ପହଞ୍ଚି ଲୋକଙ୍କୁ ଉଦ୍ଧାର କରିଥିଲେ । ତେବେ ଏହି ଘଟଣାର ୨୪ ଜଣ ଲୋକଙ୍କ ଜୀବନ ଚାଲିଯାଇଥିଲା ।