ପ୍ରଧାନମନ୍ତ୍ରୀ ମୋଦିଙ୍କ ସଂସଦୀୟ କ୍ଷେତ୍ରରେ ଫ୍ଲାଏଓଭର ଭୁଷୁଡ଼ିବା ଘଟଣାରେ ୧୯ ମୃତ! ପୋଲ ତଳେ ଚାପି ହୋଇଗଲା ୪ଟି କାର ଓ ଗୋଟିଲ ମିନି ବସ, ତଦନ୍ତ ନିର୍ଦ୍ଦେଶ ଦେଲେ ଯୋଗୀ
ଉତରପ୍ରଦେଶର ବାରଣାସୀ ସହରରେ ଫ୍ଲାଏ ଓଭର ଭୁଷୁଡି ୧୯ମୃତ, ୧୨ରୁ ଅଧିକ ଆହତ । ବାରଣାସୀର କ୍ୟାଂଟ ଅଂଚଳରେ ନିର୍ମାଣଧିନ ଏକ ଫ୍ଲାଏ ଓଭରର ୨ଟି ପିଲାର୍ ଭୁଷୁଡ଼ି ପଡ଼ିବାରୁ ଏହି ଅଘଟଣ ଘଟିଛି । ବର୍ତମାନ ସୁଦ୍ଧା ୧୯ଜଣ ଏହି ଦୁର୍ଘଟଣାରେ ପ୍ରାଣ ହରାଇଥିବା ବେଳେ ୩ ଜଣଙ୍କୁ ପିଲାର ପଡିଥିବା ଗାଡି ଭିତରୁ ଜୀବନ୍ତ ଉଦ୍ଧାର କରାଯାଇଛି । ୧୨ ଗୁରୁତରଙ୍କୁ ହସ୍ପିଟାଲରେ ଭର୍ତି କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
୪ଟି କାର, ଗୋଟିଏ ଅଟୋ, ଏବଂ ଗୋଟିଏ ମିନି ବସ୍ ମଧ୍ୟ ଫ୍ଲାଏ ଓଭର ଭୁଷୁଡିବା ଯୋଗୁଁ ଚାପି ହୋଇଥିଲେ । ଗ୍ୟାସ କଟର ସହାୟତାରେ ଉଦ୍ଧାର କାର୍ଯ୍ୟ ବିଳମ୍ବିତ ରାତି ଯାଏଁ ଚାଲିଥିଲା । ଆହତଙ୍କ ମଧ୍ୟରେ କେତେକଙ୍କ ଅବସ୍ଥା ସଙ୍କଟାପନ୍ନ ଥିବାରୁ ମୃତ୍ୟୁ ସଂଖ୍ୟା ବଢିବା ଆଶଙ୍କା ରହିଛି । ଉତରପ୍ରଦେଶ ମୁଖ୍ୟମନ୍ତ୍ରୀ ଏହି ଘଟଣା ତଦନ୍ତ ନିର୍ଦ୍ଦେଶ ଦେବା ସହ ୪୮ ଘଂଟା ଭିତରେ ରିପୋର୍ଟ ଦେବାକୁ ନିର୍ଦ୍ଦେଶ ଦେଇଛନ୍ତି । ଏଥିସହ ମୃତକଙ୍କ ପରିବାରକୁ ୫ ଲକ୍ଷ ଟଙ୍କା ଓ ଆହତଙ୍କୁ ୨ ଲକ୍ଷ ଟଙ୍କା ସହାୟତା ଦେବାକୁ ଯୋଗୀ ସରକାର ଘୋଷଣା କରିଛନ୍ତି ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନିର୍ବାଚନ ମଣ୍ଡଳୀରେ ଏହି ଅଘଟଣ ଘଟିଛି । ପ୍ରଧାନମନ୍ତ୍ରୀ ମଧ୍ୟ ଘଟଣାରେ ଦୁଃଖ ପ୍ରକାଶ କରିବା ସହ ମୃତ ଶ୍ରମିକଙ୍କ ପରିବାର ଲୋକଙ୍କୁ ସମବେଦନା ଜଣାଇଛନ୍ତି ।