ଦୁର୍ଘଟଣାର ସାଂଘାତିକ ଚିତ୍ର ! ଶୋଇପଡିଲେ ଡ୍ରାଇଭର, ରାସ୍ତାରୁ ୨୦ ଫୁଟ୍ ଉପରକୁ ଉଡିଲା ବିଏମଡବ୍ଲୁ କାର୍ ।
ଦୁର୍ଘଟଣାର ସାଂଘାତିକ ଚିତ୍ର । ଆକାଶରେ ଉଡିଲା ବିଏମଡବ୍ଲୁ କାର । ହୁଏତ ଆପଣଙ୍କୁ ଏହା ମିଛ ଲାଗୁଥିବ । କିନ୍ତୁ ବିଏମଡବ୍ଲୁ କାରର ଏପରି ଏକ ଦୁର୍ଘଟଣାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଭିଡିଓରେ ଦେଖିବାକୁ ମିଳିଛି ଯେ, ଏକ ବିଏମଡବ୍ଲୁ କାର ରୋଡ ବେରିୟର ସହ ଧକ୍କା ହୋଇ ଏକ ସୁଡଙ୍ଗ ଉପରକୁ ଉଡି ଉଡି ଯାଉଛି । ଏବଂ ସୁଡଙ୍ଗ ଛାତରେ କାରଟି ପହଞ୍ଚିଛି । ଏହି ଭିଡିଓକୁ ସ୍ଲୋଭାକିଆ ପୋଲିସ ପକ୍ଷରୁ ଜାରି କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ସବୁଠାରୁ ବଡ କଥା ହେଉଛି, କାରରେ ଥିବା ୪୪ ବର୍ଷୀୟ ଡ୍ରାଇଭରଙ୍କୁ ଏହି ଦୁର୍ଘଟଣାରେ କୌଣସି ପ୍ରକାର କ୍ଷତି ପହଞ୍ଚିନି । ଏପରିକି ତାଙ୍କ ସ୍ୱାସ୍ଥ୍ୟ ପରୀକ୍ଷା ପରେ ତାଙ୍କ ଶରୀରେ ଆଲକହଲ ନଥିବା ମଧ୍ୟ ଜଣାପଡିଛି । ତେବେ ଜାତୀୟ ଗଣମାଧ୍ୟମରୁ ମିଳିଥିବା ସୂଚନା ଅନୁଯାୟୀ, ଗାଡି ଚଳାଇବା ସମୟରେ ଡ୍ରାଇଭରଙ୍କୁ ହଠାତ୍ ନିଦ ଆସିଯାଇଥିଲା, ଯେଉଁ କାରଣରୁ ଏପରି ସାଂଘାତିକ ଦୁର୍ଘଟଣା ଘଟିଛି ।
ତେବେ ଭାଇରାଲ ହେଉଥିବା ଏହି ଭିଡିଓରୁ ଜଣାପଡିଛି କି, ଦୁର୍ଘଟଣା ପରେ କାରଟି ପାଖାପାଖି ୨୦ ଫୁଟ୍ ଉପରକୁ ଚାଲିଯାଇଥିଲା । ଏହି ଭିଡିଓକୁ ୨ ଦିନରେ ହିଁ ୧୯ ଲକ୍ଷରୁ ଅଧିକ ଲୋକମାନେ ଫେସବୁକରେ ଦେଖିସାରିଲେଣି । ଏହି ଘଟଣା ଉତ୍ତର-ପୂର୍ବ ସ୍ଲୋଭାକିଆର ପୋପରାଡ ନାମକ ସ୍ଥାନରେ ଥିବା ବୋରିକ୍ ସୁଡଙ୍ଗର ଅଟେ । ଦୁର୍ଘଟଣାରେ କାରଟି ସମ୍ପୂର୍ଣ୍ଣ କ୍ଷତିଗ୍ରସ୍ତ ହୋଇଛି । ସ୍ଲୋଭାକିଆ ପୋଲିସର କହିବା ଅନୁଯାୟୀ, ଏହି ଦୁର୍ଘଟଣା ଗୁରୁବାର ସକାଳ ୫ଟା ପୂର୍ବରୁ ଘଟିଛି ।