କନକ ବ୍ୟୁରୋ: ଆଗାମୀ ଲୋକସଭା ନିର୍ବାଚନକୁ ଦୃଷ୍ଟିରେ ରଖି ଭାରତୀୟ ଜନତା ପାର୍ଟି (ବିଜେପି) ଶନିବାର ୮ ରାଜ୍ୟରେ ନିର୍ବାଚନ ପ୍ରଭାରି ଓ ସହ-ପ୍ରଭାରୀ ନିଯୁକ୍ତି ଦେଇଛି। ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହ ଗତକାଲି ତାମିଲନାଡୁ, ପଣ୍ଡିଚେରୀ, ଆଣ୍ଡାମାନ-ନିକୋବର ଦୀପପୁଞ୍ଜ, କର୍ଣ୍ଣାଟକ, ଦିଲ୍ଲୀ, ହରିୟାଣା, ତ୍ରିପୁରା ଓ ଜମ୍ମୁ ଓ କଶ୍ମୀର ରାଜ୍ୟ ପାଇଁ ପ୍ରଭାରୀ ଓ ସହ-ପ୍ରଭାରୀ ନିଯୁକ୍ତି କରିଛନ୍ତି।
Kanak News is now on WhatsApp
Join and get latest news updates delivered to you via WhatsApp
କେନ୍ଦ୍ର ରେଳମନ୍ତ୍ରୀ ପୀୟୁଷ ଗୋୟଲ ଏବଂ ବିଜେପି ବିଧାୟକ ସିଟି ରବି ତାମିଲନାଡୁ, ପଣ୍ଡିଚେରୀ ଓ ଆଣ୍ଡାମାନ-ନିକୋବର ଦୀପପୁଞ୍ଜ ପାଇଁ ନିଯୁକ୍ତି ହୋଇଛନ୍ତି। ଉତ୍ତରପ୍ରଦେଶ ପାଇଁ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଜେପି ନଡ୍ଡାଙ୍କୁ, କର୍ଣ୍ଣାଟକ ପାଇ ବିଜେପି ରାଷ୍ଟ୍ରୀୟ ସାଧାରଣ ସଂପାଦକ ମୁରଲିଧର ରାଓ ଏବଂ ବିଜେପି ବିଧାୟକ କିରଣ ମାହେଶ୍ୱରୀଙ୍କୁ ନିଯୁକ୍ତି ଦିଆଯାଇଛି।
ଅବିନାଶ ରାୟ ଖନ୍ନାଙ୍କୁ ତ୍ରିପୁରା ଓ ଜମ୍ମୁ କଶ୍ମୀର ଦାୟିତ୍ୱ ମିଳିଥିବା ବେଳେ କେନ୍ଦ୍ର ପ୍ରତିରକ୍ଷା ମନ୍ତ୍ରୀ ନିର୍ମଳା ସୀତାରମଣ ଓ ଜୟରାମ ସିଂହ ପଓ୍ଵାଡାଙ୍କୁ ଦିଲ୍ଲୀ ପାଇଁ ନିଯୁକ୍ତୁ ମିଳିଛି। ସାଂସଦ କାଳରାଜ ମିଶ୍ର ଓ ବିଧାୟକ ବିଶ୍ୱାସ ସାରଙ୍ଗଙ୍କୁ ହରିୟାଣା ପାଇଁ ନିଯୁକ୍ତି ମିଳିଛି।